Árið 1908 að fyrsti skólinn á Suðureyri reistur, en hann var byggður í kjölfar þess að lög um skólaskyldu voru sett árið 1907. Þetta fyrsta skólahúsnæði samanstóð af tveimur kennslustofum auk áhaldaherbergis. Skólinn fékk strax nauðsynlegustu kennslutæki og áhöld ásamt orgeli.

Áður höfðu Súgfirðingar lítillar menntunar notið utan þess að farandkennarar höfðu verið í Súgandafirði fyrir og um aldamótin 1900, en sú kennsla fór að mestu fram inn á heimilum fólks. Einnig voru dæmi þess að efnameiri menn fengu heimiliskennara fyrir börn sín.

Friðrik Hjartar var fyrsti kennari við hinn nýja skóla á Suðureyri og var hann skólastjóri skólans allt til ársins 1932.

Árið 1958 var nýtt og stærra skólahúsnæði tekið í notkun og leysti það gamla húsið af hólmi, en það var orðið lélegt. Árið 1983 var tekin í notkun viðbygging við skólann og var það helmings stækkun á skólanum. Í þessari stækkun eru verkgreinastofur fyrir smíði, hússtjórn og hannyrðir. Einnig er þar góð aðstaða fyrir kennara. Síðan hefur verið komið upp bókasafni og skólinn er með sérstaka tölvustofu.

Í janúar 2006 var vígt nýtt glæsilegt íþróttahús sem er sambyggt skólahúsinu. Innangegnt er milli skóla, íþróttahúss og sundlaugar sem vígð var 1994. Búningsaðstaða er sameiginleg fyrir íþróttahús og sundlaug. Nemendur skólans koma frá Suðureyri og sveitinni þar í kring. Suðureyri tilheyrir Ísafjarðabæ.

Starfsáætlun 2025-2026

Ársskýrsla 2024-2025

Gjaldskrá Ísafjarðarbæjar 2026

Handbók um velferð og öryggi barna í grunnskólum

Skólareglur Grunnskólans á Suðureyri 

Reglurnar voru endurskoðaðar á nemendaþingi í október 2025 og samþykktar á starfsmannafundi í maí 2026. 

Umgengni: Við göngum vel og hljóðlega um skólann og berum virðingu fyrir eigum okkar og annarra. 

Heilbrigði: Við hugum að heilsu okkar. 

Kurteisi: Við berum virðingu fyrir skólaumhverfinu og komum fram við aðra eins og við viljum að aðrir komi fram við okkur. 

Öryggi: Við stofnum okkur sjálfum eða öðrum ekki í hættu með orðum eða gjörðum. 

Nánari skýringar: 

Umgengni: Við berum  virðingu fyrir eigum okkar og annarra, berum sjálf ábyrgð á okkar persónulegu hlutum/eigum s.s. farartækjum, fatnaði, símum, myndavélum, spjaldtölvum, fartölvum og förum ávallt eftir fyrirmælum kennara og annars starfsfólks. Við geymum yfirhafnir á snögum og skó í hillum

Göngum snyrtilega um allan skólann, skólastofur, matsal og salerni. 

Heilbrigði: Við mætum tilbúin fyrir skóladaginn með því að vera búin að næra okkur vel. Við komum með hollt nesti. Öll notkun tóbaks, áfengis og annarra vímuefna er stranglega bönnuð í skólanum og á viðburðum sem tengjast honum. 

Hreyfum okkur reglulega hvort sem er í íþróttastarfi eða göngutúr. Verum jákvæð því andleg heilsa skiptir máli. 

Kurteisi: Við mætum stundvíslega, truflum ekki kennslustundir og sinnum náminu af áhuga. Við komum fram við aðra af kurteisi og virðingu 

Verum jákvæð. Dæmum ekki aðra vegna útlits, þjóðernis eða kyns. Verum góðar fyrirmyndir fyrir aðra. Hrósum og hvetjum hvert annað. 

Við tölum íslensku í tímum, á göngum og í frímínútum. 

Öryggi: Við dveljum á skólalóðinni á skólatíma en notum ekki hjól, hlaupahjól, vespu eða önnur farartæki á skólalóðinni á skólatíma. Hjálmanotkun barna undir 15 ára aldri er skylda. Foreldrar bera ábyrgð á að því sé framfylgt. Skólinn ber ekki ábyrgð á tækjum eða öðrum verðmætum nemenda. 

Við beitum ekki ógnunum, ögrunum, hótunum eða ljótum orðum. Andlegt og/eða líkamlegt ofbeldi er aldrei liðið þ.m.t. einelti. Barefli, vopn eða eldfæri má ekki koma með í skólann. Verum kurteis svo öðrum krökkum finnist þeir vera öruggir. Við höfum brunaæfingar reglulega yfir veturinn. 

Skólareglur hanga á veggjum skólans. 

Helstu markmið stefnunnar er að kenna börnum og unglingum sjálfstjórn og ábyrga hegðun með því að gefa þeim tækifæri til að bæta fyrir mistök sín og kenna þeim að mæta þörfum sínum á jákvæðan og uppbyggilegan hátt. Litið er á hugtakið mistök sem eðlilegan þátt í lærdómsferli, það sé eðlilegt að gera mistök og að mistökin nýtist sem ákveðið skref í þroska. Einstaklingur fær tækifæri til að takast á við mistök sín á uppbyggilegan hátt, skoða hvað það var sem hann gerði rangt og hvað hann hefði getað gert öðruvísi.Hann lærir að bæta fyrir mistök sín og finnur hvernig hann styrkist af því. Þetta næst ekki ef hann er skammaður eða niðurlægður. Áhersla er lögð á að þjálfa nemendur í að skoða eigin hegðun og ræða um hvernig þeir ætli að bregðast við sambærilegum aðstæðum næst í stað þess að gera sömu mistökin aftur. Þegar nemendur eru lausir undan hótunum, sektarkennd og loforðum um umbun fær hann tækifæri til að meta lífsgildi sín og styrkjast í að vera ávallt besta útgáfan af sjálfum sér.

Uppbygging auðveldar uppalendum og þeim sem vinna með börnum/unglingum að setja sér skýr mörk varðandi samskipti og aga.

Uppeldi til ábyrðar stuðlar að jákvæðum samskiptum, hvetur til sjálfstæðrar hugsunar og þroskar jákvætt gildismat.

Öll hegðun hefur tilgang, við gerum ekkert að ástæðulausu.