Foreldrafélag Önundarfjarðar er sameiginlegt foreldrafélag leikskólans Grænagarðs og Grunnskóla Önundarfjarðar

Í stjórn Foreldrafélagsins skólaárið 2025-2026 eru þau

Jóhann Ingi Þorsteinsson, formaður

Hanna Maggý Kristjánsdóttir, gjaldkeri

Hannibal Hafberg

Linda Björg Guðmundsdóttir

María Eugenia Chiarandini

Samkvæmt lögum um grunnskóla 91/2008 skal vera starfandi foreldrafélag.

9. gr. Foreldrafélag.

- Við grunnskóla skal starfa foreldrafélag. Skólastjóri er ábyrgur fyrir stofnun þess og sér til þess að félagið fái aðstoð eftir þörfum. Hlutverk foreldrafélags er að styðja skólastarfið, stuðla að velferð nemenda og efla tengsl heimila og skóla.

- Foreldrafélag hvers skóla setur sér starfsreglur, m.a. um kosningu í stjórn félagsins og kosningu fulltrúa í skólaráð.

Foreldrar eða forráðamenn hafa samband við skólastjóra grunnskólans ef óskað er eftir því að nemandi komi og dvelji tímabundið við Grunnskóla Önundarfjarðar. 

Reglur um nemendaheimsóknir í grunnskólum Ísafjarðarbæjar.

Smelltu á hnappinn til að hlaða niður skjali.

Boðið er upp á dægradvöl frá lokum skóladags til klukkan 16:00 mánudaga til föstudaga. Dægradvöl er í boði fyrir 1.-4. bekk og fer starfið að mestu fram í húsnæði grunnskólans. 

Stefna skólans er:

að tryggja börnum í 1. - 4. bekk áhugaverða, skemmtilega og örugga dvöl að lokinni hefðbundinni kennslu.

Markmið með starfinu í Dægradvölinni eru fyrst og fremst

• að nýta leik sem mikilvæga uppeldisaðferð.
• að virkja skapandi hugmyndaflug sérhvers barns á þess eigin forsendum.
• að kenna börnunum uppbyggileg samskipti við önnur börn og fullorðna.
• að kenna börnunum kurteisi og snyrtimennsku í allri umgengni.

Skólastjóri er yfirmaður dægradvalar og er sótt um hjá honum. 

Reglur um endurgreiðslu kostnaðar vegna slysa og tjóna er börn verða fyrir í skipulögðu starfi á vegum Ísafjarðarbæjar 

Strætisvagnar Ísafjarðarbæjar tengja saman byggðarkjarna og nýtast íbúum til að komast í og úr skóla og vinnu. Áætlunin er fyrst og fremst sniðin eftir því en einnig til að íbúar geti nýtt sér þjónustu á vegum sveitarfélagsins, ríkis og einkaaðila sem einungis er í boði á Ísafirði.

Óveður – skólahald fellt niður

Þegar appelsínugular eða rauðar viðvaranir Veðurstofu Íslands eru í gildi hefur skólastjóri

heimild, í samráði við sviðsstjóra, að fella niður skólastarf (grunn- og leikskólar í Ísafjarðarbæ).

Sé það gert þarf að tryggja að hægt verði að opna skóla fyrir börn neyðaraðila ef brýn

nauðsyn krefur og er það þá á ábyrgð foreldra að tilkynna komu barnanna í skólann.

Skólastjórnendur, í samráði við sviðsstjóra, meta þá hvort nauðsynlegt sé að opna skólann

fyrir þessi börn.

Ef skólahald er fellt niður er slíkt auglýst á vefsíðu skólans, Facebook síðu skólans, svo og í

tölvupósti til foreldra, og eigi síðar en kl. 7:00 að morgni dags.

Tengiliður farsældar barna er:

Jóna Lára Sveinbjörnsdóttir, skólastjóri

jonasv(hja)isafjordur.is

Sækja þarf um leyfi  ef um fleiri en tvo kennsludaga er að ræða, að öðrum kosti nægir munnlegt leyfi umsjónarkennara.