Vikuáætlun 2. bekkjar
27. – 31. Maí
Við stefnum að mikilli útivinnu í þessari viku, höfum pantað gott veður og vonumst til að það berist.
Á mánudaginn ætlum við að vinna megnið af deginum í fjörunni. Þann dag má taskan vera heima en koma með bakpoka með nesti í (borðum nesti úti) og pennaveski. Þeir sem geta, koma með fötu og skóflu.
Á þriðjudaginn á að koma með skólatösku.
Á miðvikudaginn stefnum við að hjólaferð inn í Tunguskóg. Eru ekki hjólin komin í gang hjá öllum?? Þann dag mæta allir á hjóli, með hjálm og hafa nesti í bakpoka. Einnig væri ráðlegt að vera með aukaföt í pokanum ef maður blotnar (það er nú einu sinni lækur á staðnum). Síðan ætlum við að grilla pylsur frá mötuneytinu í hádeginu. Við látum vita ef þessi áætlun breytist.
Á fimmtudaginn á að koma með skólatösku.
Á föstudaginn verður vorverkadagur. Þá fær hver árgangur verkefni í hendurnar til að fegra umhverfi bæjarins. Nánar um það er nær dregur.
Bestu kveðjur
Kristín og Magnúsína
