Síðustu dagar skólaársins

Vikuáætlun 3. bekkur

 

Vikan 27.-31. maí 2013

 

• Mánudaginn 27. maí er hefðbundinn.


•   Þriðjudaginn 28. maí, (breytt áætlun: tiltekt í stofunni)


• Miðvikudaginn 29. maí er sveitaferð að Hóli í Önundarfirði. Við leggjum af stað frá skólanum kl. 8:15  með rútu. Eftir heimsóknina ætlum við að fara í fjöruna að Holti og má koma með fötur og skóflur. Allir eiga að koma með nesti og vera klædd eftir veðri, gott að vera í stígvélum. Við munum borða hádegismat í mötuneytinu.


• Fimmtudaginn 30. maí  er hjólaferð inn í Tunguskóg. Nemendur úr firðinum mæta á hjólunum sínum við strætóskýli við Skógarbraut en hinir mæta kl. 8 og munum við leggja af stað frá skólanum kl. 8:30. Allir verða að vera með hjálm, nesti í léttum bakpoka. Við munum grilla pylsur og þeir sem ekki eru í mötuneyti geta komið með pylsur og brauð að heiman.


•   Föstudaginn 31. maí er vorverkadagur og verðum við út um allan bæ. Koma með nesti í léttum bakpoka og vera klædd eftir veðri. Skólatími 8-12.

Munið að vera dugleg að lesa ykkur til ánægju og yndisauka

• Mánudag og þriðjudag 3. og 4. júní er síðustu dagar skólaársins. Þá munum við vera í tiltekt og útivist. Nemendur koma með tvöfalt nesti þar sem mötuneytið er lokað. Koma með skólatösku og pennaveski.


• Miðvikudaginn 5 júní  er starfsdagur og engin kennsla.


• Fimmudaginn 6 júní eru skólaslit og eiga nemendur að mæta kl. 10 og fá einkunnir afhentar. Foreldrar eru að sjálfsögðu velkomnir eins og ávallt :)

 

• Þar sem þetta er síðasta vikuáætlunin viljum við þakka ykkur foreldrum fyrir samstarfið í vetur, með ósk um að allir njóti sumarsins sem best.

                                                        Bestu kveðjur

                                                                Kristín og Ranný