Af nógu hefur verið að taka þessa viku. Á mánudaginn heimsótti vinabekkurinn (10. bekkur) okkur. Þau tóku þátt í aðventustund og svo spiluðum við saman ýmis spil. Í gær og í dag fórum við í tveimur hópum á jólasýninguna á bókasafnið. Þar sagði Jóna Símonía okkur frá gömlu jólasveinanöfnunum og fleira um þá. Einnig fengum við að heyra Grýlu, Leppalúða og jólaköttinn ræða saman. Í dag fórum við einnig á dansýninguna Hnetubrjótinn í Edinborgarhúsinu. Þar var margt að gerast og hélst athygli barnanna allan tímann.
