Í dag var handagangur í öskjunni hjá 4. bekk og gekk á ýmsu. Fyrsta árshátíðaræfingin var á sviðinu sem gekk ljómandi vel og eftir hádegi var tekið til hendinni og unnið náttúrufræðiverkefni. Í lok dagsins var sagarilmur í lofti og stofan og börnin (líka kennarinn) þakin í sagi og bros á öllum andlitum. Út í glugga má nú finna 24 grashausa, mjög dúllulega og flotta. Hvað eru grashausar ???? Grashausar eru karlar búnir til úr nælonsokki, grasfræi, sagi , glerkrukku og gúmmíteygjum. Fræ eru sett í tána á nælonsokki og síðan er sagi troðið í hann og bundið fyrir, að því loknu er andlitið búið til, nef og eyru eru mótuð með hjálp frá gúmmíteygjum. Þegar karlarnir eru tilbúnir eru þeir látnir drekka í sig vatn og svo er bara að bíða og sjá hvort við uppskerum ekki hárvöxt (grashár) á karlana .
