Í morgun hjóluðum við inn í Tunguskóg og tókum til hendinni í skógræktinni. Gísli Eiríksson frá skógræktarfélaginu lóðsaði okkur um og sá okkur fyrir verkfærum.
Krakkarnir söguðu eldivið sem notaður verður í útikennslustofunni okkar í Jónsgarði næsta vetur og var afraksturinn kerruhlass af eldivið!
Einnig klipptu þau og snyrtu greinar meðfram stígunum í skóginum og svo voru nokkrir sem gerður við brýr yfir litla læki.
Allir skiluðu góðu dagsverki og erum við mjög ánægð með hvernig til tókst.
Á myndasíðunni eru fleiri myndir úr ferðinni.
Á mánudaginn ætlum við að hjóla inn í golfskála og fara í golf.
Þeir sem búa í Holtahverfi eiga að hjóla að heiman og vera komnir við golfskálann klukkan 9:00.
Þeir sem búa í bænum og Hnífsdal hittast við sundlaugina klukkan 8:20, við leggjum af stað klukkan 8:30.
Við ætlum að grilla pylsur þannig að þau koma með pylsur og brauð og við sköffum meðlætið.
Á þriðjudaginn verður svo leikjadagur í Torfnesi, mæting hjá öllum klukkan 9:00 fyrir utan íþróttahúsið í Torfnesi með nesti.
Á miðvikudagur er starfsdagur hjá okkur og frí hjá krökkunum.
Á fimmtudaginn verður svo einkunna afhending í kennslustofunni klukkan 10:00.
