Á morgun ætlum við í 4. bekk að fara í fjallgöngu og ganga upp í Naustahvilft.
Þeir sem eiga heima inn í Firði mega mæta hjá Orkubúshólnum ( bak við raðhúsin í Hafraholtinu) kl. 9 á hjólum. Árný mun bíða þar eftir þeim. Allir aðrir mæta í skólann kl. 8 á með hjólið sitt með sér og við leggjum af stað inn í fjörð í seinasta lagi 8:30.
Allir þurfa að vera í góðum skóm, klædd eftir veðri, með hjólahjálm, berjabox og með gott nesti fyrir morgunhressinguna í léttum bakpoka, gott er að hafa vatn eða annan drykk í margnota flösku eða jafnvel heitt kakó á brúsa. Þeir sem eru í mötuneytinu fá pylsur ( 2 á mann) þaðan í hádeginu og þeir sem eru ekki í mötuneyti koma með pylsur eða annað sem þeir vilja borða í hádegismat. Skólataskan á að vera heima.
Lögreglan ætlar að fylgja okkur eftir þann spotta sem við þurfum að hjóla á þjóðveginum en við notum auðvitað hjóla- og göngustíga þegar það er hægt.
Eftir fjallgönguna hjólum við inn í Fjörð og förum á leikvöllinn og þar í nágreninu ætlum við að grilla pylsurnar.
Við leggjum af stað heim um 12:20 og þeir sem eiga heima inni í Firði mega fara beint heim ef foreldrar vilja, gott er að láta mig vita ef þau eiga að koma með okkur út á Eyrina.
Kveðja Helga
