Nú hefur íslenskan og stærðfræðin fengið á sig annan brag. Við vinnum samkvæmt Byrjendalæsinu í ísl. en hver og einn vinnur í stærðfræðinni í eigin bók.
Í náttúrufræði verður unnið með dýr í vetrarham, veðurathuganir og þurrkun blóma.
Í samfélagsfræðinni verður fjallað áfram um mannkynssöguna og örlítið um
umferðina.Mannkynssagan verður á áætlun í nokkurn tíma.
Í stærðfræði vinnum við áfram í Sprota á einstaklingsgrundvelli.
Í íslensku förum við í byrjendalæsi, stöðvavinnu og byrjum á að koma okkur upp
bekkjarreglum.
Í ensku verður unnið út frá orðaforða um dýr, samþætt upplýsingatækni.
Í myndmennt hefur annar hópurinn verið að teikna myndir úr ævintýrum og líma á striga á
blindramma. Hinn hópurinn hefur gert pappír og málað svo á hann blautan.
Þessari vinnu lýkur í vikunni og þá verður farið í að stimpla/mála myndir með
ávöxtum og grænmeti.
Svo fara nemendur líka í hringekju, tónmennt, íþróttir, sund, dans og útiveru.
Gott væri að heyra frá ykkur foreldrum í sambandi við vikuáætlunina, hvar best er að skoða
hana. Okkur þykir mentor.is góð leið en ef fleiri vilja að við setjum hana upp
í þessu formi eins og núna og á grisa.isafjordur.is þá gerum við það. En við
þurfum að heyra frá fleiri foreldrum.
