28. nóvember - 2. desember

Opið hús í GÍ á fullveldisdaginn.

1. desember er í næstu viku og þá er orðin hefð í skólanum að allir sem geta mæti í betri fötunum. Foreldrar og aðrir velunnarar skólans eru líka boðnir í heimsókn því þennan dag er opið hús hjá okkur.

 

 

Í síðustu viku fengum við heimsókn frá Slökkviliði Ísafjarðar í tilefni af Eldvarnarvikunni.  Þeir Hermann og Sveinn frá Slökkviliðinu fræddu krakkana um eldvarnir og hvernig þeir eiga að haga sér ef kviknar í.  Þeir færðu krökkunum líka 2 bækur og vasaljós að gjöf.  Foreldrar eru vinsamlega beðnir að lesa þessar bækur með börnunum sínum og yfirfara það með þeim hvað þið ætlið að gera á ykkar heimili ef kviknar í.  Þið megið líka búast við að þau minni ykkur á að yfirfara reykskynjarana og skipta um rafhlöður og kanna hvort slökkvitækin og eldvarnarteppin  séu ekki í lagi.   

 

Jólaföndur

Við erum farin að huga að jólaföndri og við viljum athuga hvort það séu til pússluspil heima sem vantar í.  Við ætlum að nota kubbana í jólaföndur (endurvinnsla). Börnin mega líka  (ekki nauðsynlegt) koma með tússliti, glimmerlím, notaðan jólapappír, tóma morgunskornpakka, kreppappír  og annað föndurefni í skólann.   

 

Verkefni vikunnar: 

 

Íslenska: Ritrún 3 bls. 7,   sögugerð og lesskilningur.

Stærðfræði: Sproti 3A, bls. 100 – 105 í nemendabók og æfingahefti bls. 42 – 49(val)

Samfélagsfræði: Komdu og skoðaðu landakort, bls. 18 – 21 Jörðin og hnattlíkön.

Náttúrufræði: Komdu og skoðaðu hringrásir 13 - 14, fæðan.

Kristinfræði:  Aðventan og fæðing Jesú.  

Tónmennt:  Jólalögin.

Lífsleikni: uppbyggingarstefnan

 

 Einnig förum við í smíðar, heimilisfræði, textílmennt, myndmennt, íþróttir og dans.

 

3 sinnum taflan :

3 * 1 = 3    

3 *  2 =6

3 *  3 = 9

3 *  4 = 12                                                    

3 * 5 = 15

3 * 6 = 18

3 * 7 = 21

3 * 8 = 24

3 * 9 = 27

3 * 10 = 30                                        Kær kveðja,  Helga