Viðfangsefni vikunnar eru eftirfarandi:
Í náttúrufræði erum við að ljúka bókinni um hafið. Við höfum verið að okkur strandlengju Íslands og sjávarútveginn nú og áður fyrr.
Í samfélagsfræðinni vinnum við áfram verkefni um lifnaðarhætti í Afríku og gerum verkefni um húsin þar. Síðan ætlum við að líta á íslenska þjóðhætti og gömlu mánaðarnöfnin.
Í stærðfræði vinnum við niður bls. 44 í Sprota 4B, sem er margföldun og deiling. Við gerum æfingarblaðsíðurnar (bls. 45 og 46) í skólanum og tökum e.t.v. könnun úr kaflanum. Þeir sem eru á góðu róli vinna svo í aukabókum.
Í íslensku verður hefðbundin vinna, lestur, skrift og ljóðavinna. Við erum að undirbúa Lestrarveisluna. Ef tími gefst lesum við Sögustein og gerum verkefni samkvæmt Byrjendalæsi úr þeirri bók.
Í ensku verður upprifjun á orðaforða og unnið með bókina Amazing animals.
Upplýsingatækni verður samþætt íslensku.
Svo fara nemendur líka í hringekju, dans, myndmennt, tónmennt, sund, leikfimi og útiveru.
