Vikuáætlun 2. bekkur
16. desember – 20. desember
Þá er komið að síðustu skóladögunum fyrir jólafríið.
Mánudagur til fimmtudags eru venjulegir skóladagar og þá ætlum við
að halda áfram að rifja upp og æfa okkur í ýmsum lestratengdum verkefnum og samlagningu og frádrætti auk þess sem við vinnum ýmislegt sem tengist jólahátíðinni. Leikfimin verður á sínum stað og í jólasundinu á þriðjudaginn mega nemendur hafa með sér vatnsleikfang að viðráðanlegri stærð.
Enginn sérstakur skreytingadagur verður að þessu sinni heldur verður fimmtudagurinn bara hefðbundinn skóladagur frá 8-14. . Gott væri að nemendur hefðu með sér heftara og hefti í skólann þann daginn þar sem við ætlum að búa til jólakeðjur.
Föstudaginn 20. desember
eru svo Litlu jólin og mæta þá nemendur spariklæddir kl: 9.00. Nemendur koma þá með smákökur og gos eða fernudrykk með sér í nesti. Við ætlum að hafa notalega stund í stofunni okkar og fara á jólaball. Skóla lýkur svo kl. 12:00 og þar með hefst jólafríið. Strætisvagnar fara þá frá skólanum kl. 12:15 og Dægradvöl opnar kl. 12:00
Sú hefð hefur skapast hér við skólann að börnin skiptast á gjöfum á Litlu jólunum. Börnin eiga að skila gjöfunum til umsjónarkennara eigi síðar en miðvikudaginn 18. desember. Gjöfin á að vera innpökkuð og henta báðum kynjum. Hámarksverð er 500 kr.
Kennsla hefst aftur þriðjudaginn 7. janúar samkvæmt stundaskrá.
Óskum nemendum og fjölskyldum þeirra gleðilegra jóla og þökkum samvinnuna á árinu sem er að líða.
Jón Heimir og Sigþrúður
