Síðasta vikan fyrir jólafrí!
Mánudaginn 16. desember verður Tarzanleikur í leikfimitímanum.
Á fimmtudag verður venjulegur skóladagur og á föstudag eru litlu jólin.
Þá mæta nemendur spariklæddir í skólann klukkan 9 og fara úr skólanum klukkan 12.
Pakkaleikurinn verður á sínum stað, hámarksverð er 500 kr. og gott væri að allir pakkar séu komnir til okkar á miðvikudag.
Hraðlestrarprófsblöðin voru send heim í vikunni. Við minnum á að kvitta á blöðin og skila þeim aftur til okkar.
Kennsla hefst aftur þriðjudaginn 7. janúar samkvæmt stundaskrá.
Viðfangsefni vikunnar eru eftirfarandi:
Í náttúrufræði skoðum við snjókornakristalla og förum í jólaföndur.
Í samfélagsfræðinni tökum við sögur úr Birtunni, þær sem tengjast aðventu og jólum. Þar er talsvert tekið á félagsfærni.
Í stærðfræði vinnum við áfram í Sprota á einstaklingsgrundvelli.
Í íslensku vinnum við áfram í byrjendalæsi út frá kvæðinu Jólasveinarnir eftir Jóhannes úr Kötlum, skrifum og lesum, förum í
stöðvavinnu og jólaföndur.
Upplýsingatæknin verður samþætt íslensku og jólavinnu.
Svo fara nemendur líka í hringekju,myndmennt, dans, tónmennt, íþróttir og útiveru.
Kveðjur,
Árný og Laufey
