Íslenska:
Vinnubók bls. 85, framsögn og jólasögur.
Stærðfræði:
Stjörnubækur og unnið út frá jólaundirbúningi.
Náttúrufræði:
Unnið upp óklárað efni og horft á myndband.
Samfélagsfræði:
Kristinfræði – jólakveðjur til bekkjarfélaga.
Danska:
Start læsebog og opgavebog - orðaforði.
Enska:
Myndband – Lion King.
Upplýsingatækni:
Jólavefir.
Lífsleikni:
Bekkjarandi og jólaföndur
Tilkynningar:
- Nú fer í hönd síðasta kennsluvika fyrir jólaleyfi. Vinnan verður því nokkuð á jólalegum nótum og verður engin vinnuáætlun þessa viku.
- Kennt verður samkvæmt stundaskrá fram á miðvikudag, en eitthvað uppbrot verður á fimmtudaginn og kemur það í ljós eftir helgi. Mötuneytið verður á sínum stað fram á fimmtudag.
- Á föstudag verða litlu jólin hjá okkur. Þann dag mæta nemendur prúðbúnir kl. 9:00. Samkvæmt venju verður dansað í kringum jólatré, sungið og átt notalega stund í bekkjarstofu. Nemendur mega hafa smákökur og drykk að eigin vali í nesti.
Venja er að nemendur skiptist á litlum jólapökkum á litlu jólunum. Verðmæti pakkans er kr. 500 að hámarki og þarf að koma með hann í skólann í síðasta lagi á fimmtudag.
Skóla lýkur kl. 12:00 þann dag og er mötuneytið lokað.
- Kennsla hefst aftur að jólaleyfi loknu þriðjudaginn 7. janúar 2014.
Við óskum nemendum og fjölskyldum gleðilegra jóla og farsældar á komandi ári.
Þökkum góð samskipti og samstarf
á árinu sem er að líða,
Auður og Helga
