grunnskolar-isafjardar

Skólaslit G.Í.

Wed, 10 Jun 2026 10:53:25 GMT

Grunnskólanum á Ísafirði var slitið í 151. skipti föstudaginn 5. júní síðastliðinn og fór athöfnin fram í Ísafjarðarkirkju. Jón Hálfdán Pétursson, deildarstjóri unglingastigs setti athöfnina, en að því loknu tóku kynnar við, þau Emilía Rós Sindradóttir og Garðar Logi Guðmundsson, nemendur í 9.bekk.

Guðbjörg Halla Magnadóttir skólastjóri, flutti ávarp og það gerðu einnig þau Saga Björgvinsdóttir og Hilmir Norðfjörð fyrir hönd útskriftarnema.

Nemendur buðu upp á tónlistaratriði þar sem Kristín Eik Sveinbjörnsdóttir lék Sonatinu í G-dúr eftir Ludwig van Beethoven.

Eftirtaldar viðurkenningar voru veittar í 8. og 9. bekk:

8. bekkur - Ylfa K. Rósinkara Tómasdóttir hlaut viðurkenningu Rotary klúbbsins á Ísafirði fyrir ástundun og framfarir.

9. bekkur - Dagbjört Sjöfn Magnúsdóttir hlaut viðurkenningu Rotary klúbbsins á Ísafirði fyrir ástundun og framfarir.

Eftirtaldar viðurkenningar voru veittar í 10. bekk:

Rotary klúbburinn á Ísafirði veitti viðurkenningu fyrir ástundun og framfarir í 10. bekk og hana hlaut Sölvey Marie Tómasdóttir.

Kvenfélagið Hvöt gaf eftirfarandi viðurkenningar fyrir verk- og listgreinar:

Viðurkenningu fyrir framfarir og vinnubrögð í í smíði og hönnun hlaut Sigríður Jóna Haraldsdóttir.

Viðurkenningu fyrir listræna hæfileika, jákvæðni og áhugasemi í myndmennt hlaut Roza Matijevic Ismailovski.

Viðurkenningu fyrir brennandi áhuga, kraft og dugnað í heimilisfræði hlaut Heimir Logi Samúelsson.

Stöðin Heilsurækt gaf viðurkenningar fyrir góða ástundun og námsárangur í íþróttum. Þær viðurkenningar hlutu Hilmir Norðfjörð og Saga Björgvinsdóttir.

Danska Menntamálaráðuneytið gaf viðurkenningu fyrir góða ástundun, vinnusemi, góð skil og framfarir í dönsku og hlaut Saga Björgvinsdóttir þau verðlaun.

Grunnskólinn á Ísafirði veitti eftirfarandi viðurkenningar:

Viðurkenningu fyrir metnað, góða ástundun og námsárangur í stærðfræði hlaut Saga Björgvinsdóttir.

Viðurkenningu fyrir góða ástundun og námsárangur í náttúrufræði hlaut Saga Björgvinsdóttir.

Viðurkenningu fyrir góða ástundun og námsárangur í samfélagsfræði hlaut Þórey Þórsdóttir.

Viðurkenningu fyrir góða ástundun og námsárangur í ensku hlaut Guðmundur Arnór Shiransson.

Viðurkenningu fyrir frumkvæði, ábyrgð og áreiðanleika í tækniráði hlutu þeir Jakob Ingi Ingvarsson og Ólafur Pálmi Birgisson.

Dokkupúkinn veitti verðlaun í íslensku til minningar um Ölmu Guðrúnu Frímannsdóttur, fyrrverandi kennara G.Í.

Þau verðlaun hlaut Kristín Eik Sveinbjörnsdóttir fyrir metnað, góða ástundun og námsárangur.

Starfsfólk Grunnskólans á Ísafirði þakkar árgangi 2010 samfylgdina í gegnum árin og óskar þeim velfarnaðar í framtíðinni.

Vorferð

Thu, 21 May 2026 10:33:44 GMT

Vorferð

Nemendur á yngsta stigi fóru í vorferðina í dag ásamt elsta stig á leikskólanum. Farið var til Flateyrar þar sem þau ætla að njóta veðurblíðunar.

Miðstig fór einnig í vorferð í dag en þau fóru á Ísafjörð. Farið var í Byggðarsafnið. Gengið var um Ísafjörð og farið á ærslabelgin.

Hafið

Fri, 01 May 2026 16:55:08 GMT

Þemað þessar vikurnar er hafið.

Þemað þessar vikurnar er Hafið. Í dag vorum við svo heppin að fá að fylgjast með og taka þátt í því hvernig harðfiskur er verkaður. Næst er að setja á rár, pækla og hengja upp í hjallinum en það verður gert á morgun og ætlum við að taka þátt í því líka

Nemendurnir voru líka mjög spennt fyrir tönnunum í steinbítnum. Við ákváðum að taka nokkra hausa með í skólann og sjóða úti á báli til að auðvelda okkur verkið (eða bara afþví að það er gaman að brasa)

Takk fyrir okkur Sunna, Maggi og Friðrik

Niðurstöður nemendaþings

Thu, 30 Apr 2026 11:30:37 GMT

Frá árinu 2013 höfum við haldið nemendaþing annað hvert skólaár. Markmið þessara umræðuþinga eru fjögur;

- að veita nemendum tækifæri til að taka þátt í lýðræðislegri samræðu um málefni sem hefur merkingu fyrir daglegt líf þeirra og skipulag skólastarfsins

- að efla vitund nemenda um eigin áhrif í skólastarfinu

- að fá fram rödd og sjónarhorn nemenda í ýmsum málaflokkum

- að fá fram tillögur frá nemendum um hvað hægt er að gera til að hafa jákvæð áhrif á deglegt starf í skólanum.

Þingin hafa verið sett upp með formlegu sniði, þar sem borðstjórar hafa komið úr efri bekkjum og fengið sérstaka þjálfun í að virkja samnemendur til þátttöku og að stýra umræðum þannig að allir fái að tjá sig.

Viðfangsefnin hafa verið þessi: skólasamfélagið, kynjajafnrétti, samfélagsmiðlar, samskipti, símanotkun, einelti, og hvernig gerum við góðan skóla betri.

Sjöunda nemendaþing skólans var haldið 27.janúar 2026 og var viðfangsefnið líðan og hegðun. Í fyrsta skipti í sögu nemendaþinganna tók allur skólinn þátt frá 1.bekk og upp úr, en hingað til hefur yngsta stigið ekki verið með. Það reyndi því enn frekar á unglingana okkar að stýra þeim yngstu og fá fram svörun frá öllum. Nemendum skólans var skipt í 14 hópa á hverju stigi, eða samtals 42 hópa og komu hópstjórar úr 7. - 10. bekk. Einkunnarorð skólans eru virðing, samhugur og menntun og var það kjarninn í umræðunum. Hópstjórar hófu starfið með því að lesa úr barnasáttmálanum um réttindi barna, þar sem segir að börn eigi rétt á því að tjá sig frjálslega um öll málefni sem hafa áhrif á líf þeirra og að fullorðnir eigi að hlusta og taka mark á þeim.

Í framhaldinu voru lagðar fyrir 6 spurningar:

1. Virðing - hvernig sjáum við hana, heyrum hana og finnum hana?

2. Samhugur - hvernig sjáum við hann, heyrum hann og finnum hann?

3. Góð líðan - hvernig sjáum við hana, heyrum hana og finnum hana?

4. Hvað getur þú gert til að þér líði betur?

5. Hvað getur starfsfólk skólans gert til að þér líði betur?

6. Hvað getur þú gert til að öðrum líði betur?

Nemendur tjáðu sig allir á post-it miða, sem voru settir við hverja spurningu. Nemendaráð fékk svo það hlutverk að taka saman niðurstöður allra 42 hópanna. Nú í vikunni fór nemendaráð svo inn í alla bekki og kynnti niðurstöðurnar, sem voru svo hengdar upp á öllum göngum skólans. Kennarar munu svo nýta þær enn frekar til umræðna og ígrundunar inni í bekkjum.

Niðurstöðurnar eru skýrar hjá nemendum og má sjá kjarnann í þeim innrammaðan á hverju spjaldi. Vinnan sem fram fór í hópunum er einnig ómetanleg, þar sem allir nemendur höfðu rödd, sem hefur svo jákvæð áhrif á skólastarfið.

Síðustu vikur fyrir jól

Fri, 12 Dec 2025 15:18:49 GMT

Jólasýning í Safnahúsinu

Þessar síðustu vikur hafa að mestu einkennst af vinnu við jólaverkefnið sem er samstarfsverkefni fámennu skólanna. Nemendur eru nú að leggja lokahönd á verkefnin sín sem verða sett upp á sýningu í Safnahúsinu á Ísafirði og munum við upplýsa ykkur þegar sýningin opnar. Nemendurnir í 1.–2. bekk hafa unnið fjölbreytt verkefni í íslensku, samfélagsfræði og list- og verkgreinum þar sem þau hafa meðal annars búið til jólasvein, lært og samið ljóð, fræðst um jólahefðir og tekið viðtöl um mismunandi venjur. Nemendur í 4.–7. bekk hafa fjallað um jól í öðrum löndum og unnið með lönd starfsfólks Ísafjarðarbæjar, sem eru yfir 20 talsins. Þar hafa nemendur safnað upplýsingum um jólamat, skreytingar, trú og tónlist og sett afraksturinn fram á plaköt sem fara bæði á sýninguna og á heimasíðu skólans. Framundan er síðasta vikan fyrir jól þar sem ýmislegt jólastúss verður á dagskrá, meðal annars piparkökuhúsabakstur, jólakortagerð, Tarzan leikur í íþróttahúsinu með leikskólabörnum, jólaball í leikskólanum og að lokum jólamatur á Gunnukaffi.

Bleikur október

Thu, 02 Oct 2025 08:36:35 GMT

Bleikur október er runninn upp, þar sem landsmenn eru hvattir til að lýsa upp skammdegið í bleikum ljóma, svo allar konur sem greinst hafa með krabbamein finni stuðning og samstöðu. Bleiki dagurinn verður miðvikudaginn 22.október, en þar sem hann ber upp á starfsdag hjá okkur þetta árið, þá hvetjum við nemendur og starfsfólk til að klæðast einhverju bleiku föstudaginn 24.október.

Skólasafnið okkar er komið í októberfötin og býður upp á úrval bleikra bóka.

Vikan 31.mars - 4.apríl

vilborgbj@isafjordur.is (Vilborg Ása Bjarnadóttir) — Tue, 08 Apr 2025 12:38:29 GMT

This is a subtitle for your new post

Undirbúningur fyrir Árshátíðina er í fullum gangi þessa vikuna. Söngur heyrist frá kennslustofum og nemendur eru byrjaðir að æfa inn í Félagsheimili. Mikil spenna og gleði svífur yfir öllum.

Árshátíðin okkar verður þriðjudaginn 8.apríl. Þemað í ár er Þjóðsögur. Við bjóðum upp á tvær sýningar eins og vanalega. Fyrri sýning hefst kl:17:00 og seinni sýningin er kl:20:00. Ball verður fyrir nemendur eftir seinni sýningu og reiknað með að því verði lokið kl: 22:00

Á þriðjudaginn eiga nemendur að mæta kl:9:00. Generalprufa verður klukkan 10:00. Nemendur mæta síðan fyrir sýningar sem hér segir.

Mæting í félagsheimilið á þriðjudaginn.

Klukkan16:30 fyrir fyrri sýningu
Klukkan 19:30 fyrir seinni sýningu.

Hlökkum til að sjá ykkur.

Vel heppnuðu Vestfjarðamóti í skólaskák lokið

jonasv@isafjordur.is (Jóna Lára Sveinbjörnsdóttir) — Tue, 01 Apr 2025 13:40:13 GMT

skák

Árshátíð

Tue, 25 Mar 2025 17:30:09 GMT

Árshátíð GÍ 2025

Þá er komið að árshátíðinni okkar. Nemendur hafa æft stíft undanfarnar vikur og hlakka til að fá foreldra/forráðamenn, ömmur og afa, frænkur og frændur og alla hina á sýningar á morgun miðvikudag og fimmtudag.

Skipulagið er hér að neðan.

https://grisa.isafjordur.is/ymis_skjol/skra/922/

Árshátíð

Fri, 28 Feb 2025 09:02:54 GMT

Árshátíð

Skipulagið er hér að neðan.

Árshátíð skipulag

Nýtt merki skólans

Wed, 15 Jan 2025 17:01:00 GMT

Það hefur lengi staðið til að skólinn eignist sitt merki og nú er komið að því. Ágúst Atlason, margmiðlunarhönnuður og ljósmyndari, hannaði merkið og erum við ánægð með útkomuna.

Lestrarátak í byrjun skólaárs

Wed, 15 Jan 2025 13:57:00 GMT

Í Grunnskóla Önundarfjarðar hefur nú hafist spennandi lestrarátak sem stendur yfir næstu fimm vikurnar. Markmið átaksins er að efla lestrarfærni og lestrargleði á sama tíma.

Hvernig virkar lestrarátakið?

Lestrardagbók: Kláraðar bækur eru skráðar í bókadagbók. Eins og staðan er í dag þá hafa nemendur lesið 32 bækur og 1690 blaðsíður (þær bækur sem búið er að skrá) og þeim fjölgar á meðan að ég skrifa þennan texta. Þetta er aðeins upphafið og búist er við að þessi tala hækki á ógnarhraða á næstu dögum.

Lestrarbingó: Allir nemendur hafa fengið bingóspjald. Fyrir eina fullkláraða línu fá nemendur óvæntan glaðning og fyrir fullt spjald fá þeir einn valtíma.

Heimalestrarmiðar: Nemendur skrá á lestrarmiða fyrir hvern dag sem þeir lesa heima. Lestrarmiðarnir eru hluti af skemmtilegu verkefni þar sem við erum að safna í heimalestrarorminn okkar í skólanum!

Þegar lestrarátakinu lýkur þann 14. febrúar verður uppskeruhátíð þar sem nemendur hafa valið að hátíðin verði tengd almennum kósýheitum – kvikmynd, yndislestur, góðgæti, spil, teppi, bangsar og koddar.

Þetta er sameiginlegt átak heimili og skóla og erum við afar ánægð með að þátttaka hafi verið frábær strax frá fyrsta degi. Hérna í skólanum sé ég áhuga, metnað og mikla kappsemi og gaman að sjá nemendur lesa í hverju hornu og ræða lestur sín á milli.

Við hlökkum til að fylgjast með framhaldinu!

Domino í skólanum

Mon, 13 Jan 2025 18:56:00 GMT

Mikið fjör var í skólanum í dag - nemendur komu með morgunverðakassa í skólann og úr varð Domino. Tæplega 300 kassar fengu að falla á göngum skólans og allir voru sammála um að þetta þyrfti að endurtaka. Það voru tveir drengir í 4. bekk, þeir Kári og Birkir Snær, sem komu að máli við Höllu skólastjóra og sögðust hafa séð svo skemmtilegt myndband á netinu og spurðu hvort þetta væri hægt í skólanum okkar.

Stöðvavinna í 5. bekk

Thu, 09 Jan 2025 13:21:00 GMT

Nemendur í 5. bekk voru í stöðvavinnu í morgun. Þau voru að vinna á hreyfistöð, í stærðfræðispili, fóru í margföldunarleiki á Ipad og ýmislegt fleira.

Hjartastuðtæki að gjöf

Wed, 08 Jan 2025 14:39:00 GMT

Í dag fékk Grunnskólinn að gjöf hjartastuðtæki frá Oddfellowstúkunum á Ísafirðir. Það voru hjónin Ingólfur Þorleifsson og Guðrún Oddný Schmidt sem afhentu skólastjóra tækið fyrir hönd Oddfellows. Við þökkum kærlega fyrir.

Jólalestur

Tue, 07 Jan 2025 09:30:00 GMT

Krakkarnir í GÍ taka jólabókahefð Íslendinga alvarlega og voru dugleg að lesa í desember. Þau sem vildu tóku þátt í örlitlum jólaleik, sem fólst í því að fyrir hverja lesna bók var nafn bókarinnar skrifað á jólakúlu og hún var svo hengd á jólatréð í glugga bókasafnsins.
Yngri krakkarnir voru ötulli en þau eldri við skreytingarnar og ekki vildu allir skreyta en samtals fóru 160 kúlur, stjörnur og hjörtu á tréð. Það gera að minnsta kosti 160 lesnar bækur í desember.
Krakkarnir höfðu gaman af þessu uppátæki og voru stolt af skreytingunum sínum. Ef þú lesandi góður hefur ekki ennþá frétt af þessu uppátæki þá hvetjum við þig til að spyrja börnin í nágrenni þínu hvort þau hafi tekið þátt og hvaða bækur þau lásu.

Strætó á mánudaginn

Sat, 04 Jan 2025 15:20:00 GMT

No content

Desemberpóstur

Thu, 19 Dec 2024 12:56:00 GMT

Sæl öll

Nú er lítið eftir af þessu ári og jólafríið á næsta leiti.

Við höfum átt frábæra viku sem byrjaði á því að við fórum út í skóg og sóttum okkur jólatré. Við áttum notalega stund og fengum kakó og smákökur. Jólatréð stendur nú upplýst við skautasvellið og mun gleðja okkur yfir jól og áramót. Verður yndislegt að koma og skauta yfir hátíðarnar.

Við höfum brasað ýmislegt í desember og fengið til okkar góða gesti.

Lýðskólinn var með sína árlegu samfélagsviku og erum við svo heppinn að vera partur af henni. Nemendur Lýðskólans komu til okkar og voru með jólaföndur og daginn eftir var piparkökubakstur á Gunnukaffi. Notalegar stundir og ómetanlegar minningar.

Við fórum á Bryggjukaffi og fengum okkur heitt kakó með rjóma. Alltaf mikil gleði að koma og hitta Sunnu "skólastjóra". Notaleg stund með spilum og jólakósý.

Jólakortagerð er fastu liður í desember og að þessu sinni skrifuðu nemendur jólakort til nokkurra einstaklinga á Flateyri sem við síðan bárum í hús. Yndislegt að labba eyrina og sjá öll fallegu jólaljósin.

Nemendur bjuggu til sín eigin piparkökuhús og sýndu nemendur mikinn metnað, þolinmæði og gleði við sína vinnu. Þau hönnuðu sín eigin hús sem þau áttu að mæla, teikna upp og búa til skapalón.

Í dag voru nemendur á mið- og elsta stigi með kynningu og stóðu sig mjög vel. Verkefnið fékk titilinn ég læri-ég kenni og áttu nemendiur að velja sér viðfangsefni innan kafla er varðar hlýnun jarðar. Eftir kynninguna voru nemendur með jafningjamat. Þau vönduðu sig mikið og tóku verkefninu alvarlega.

Á morgun eru svo litlu jólin sem við ætlum að njóta með leikskólanum og endum við í jólamat á Gunnukaffi.

Kennsla hefst að nýju mánudaginn 6. janúar klukkan 08:10.

Með þessum jólapósti óskum við ykkur öllum gleðilegra jóla og farsældar á nýju ári.

Jólaleyfi

Thu, 19 Dec 2024 11:53:00 GMT

Desember hefur liðið hratt enda búið að vera nóg að gera. Nemendur hafa verið að gera jólakort og jólaskraut.

Litlu jólin voru hjá okkur í dag. Helgileikur sem yngsa stig bauð upp á og 10.bekkur sá um að lesa upp jólasögu og jólaljóð. Nemendur dönsuðu í kringum jólatré og að sjálfsögu fengum við jólasveina í heimsókn.

Skólahald hefst aftur 6.janúar.

Við óskum ykkuröllum gleðilegra jólahátíðar með kærri þökk fyrir árið sem er að líða.

Litlu jólin og jólafrí

Wed, 18 Dec 2024 20:38:00 GMT

Nú er lítið eftir af þessu ári og styttist í jólafrí. Í dag var síðasti valgreinadagur á unglingastigi.

Á föstudaginn eru litlu jólin hér í skólanum og þau verða frá 9:00-12:00.

Strætó fer frá Holtahverfi og Hnífsdal klukkan 8:40 og frá skóla 12:10.

Kennsla hefst mánudaginn 6. janúar klukkan 10:00 hjá umsjónarkennara.

Starfsfólk Grunnskólans á Ísafirði óskar öllum nemendum, foreldrum, forráðamönnum og öðrum velunnurum skólans gleðilegra jóla

Liltu jólin

Tue, 17 Dec 2024 14:48:00 GMT

19. desember verða „Litlu jólin“ kl. 10-12:10

Nemendur mæta í skólann kl. 10 spariklædd með jólalegt nesti (t.d. gos, safa, smákökur, sælgæti) og lítinn pakka í pakkaskipti (gjöf sem kostar ca. 1000-1500 kr.). Endilega koma með lítið kerti til að búa til stemmningu upp í stofu.

Dansað verður í kringum jólatréð, hver veit nema jólasveinar kíki í heimsókn eftir notalega stund upp í heimastofu hvers og eins með sínum umsjónarkennara.

Minnum alla á að lesa þó að það séu að koma jól- lestur er lykillinn að ævintýrum!

Sýnum hugrekki og góðvild.

Skólinn byrjar aftur eftir jólaleyfi 6. janúar kl. 8:10

Jólahurðir

Mon, 16 Dec 2024 22:24:00 GMT

Nemendur hafa verið önnum kafnir undanfarið að skreyta skólann og má segja að það finnist varla hurð í skólanum sem ekki er skreytt.

Jólapeysu/rauðupeysudagur á morgun

Sun, 15 Dec 2024 15:20:00 GMT

No content

Rauðurdagurinn-Huggulegt opið hús

Fri, 13 Dec 2024 14:02:00 GMT

Í dag var rauðurdagur í G.Þ. Þá komu nemendur og starfsfólk í einhverju rauðu til að búa til skemmtilega rauða stemmningu.

Á rauðum degi er opið hús þar sem nemendur sýna verkefni sín úr áhugasviði. Áhugasvið er einu sinni í viku hjá öllum aldurshópum og í þeim tímum fá nemendur tækifæri til að vinna verkefni út frá sínum áhuga og hugmyndum. Verkefnin eru því alskonar og fjölbreytt.

Í dag hófum við opna húsið á hugvekju sem Hildur Inga skóknarprestur flutti. Hún náði á sinn einstaka hátt að hrífa bæði börn og fullorðna með sér í hugvekju um frið og góðvild. Því næst spiluðu nemendur tónllistaskólans undir stjórn Skúla Mennska jólalög á gítar. Halloween þemaverkefni var sýnt og stuttmynd frá nemendum á elsta stigi.

Til þessa að hafa opna húsið huggulegt var boðið upp á heitt súkkulaði og skólagerðar LU kökur sem nemendur bökuðu á skreytingardaginn.

Takk fyrir komuna og leyfum ljósum hvers og eins og loga svo allir finni frið

Innlit í hringekju í 4. bekk

Tue, 10 Dec 2024 10:40:00 GMT

Nemendur fjórða bekkjar eru í allskonar verkefnum í hringekju. Þau eru að búa til rúm í tæknimennt og svo sængurföt fyrir rúmið í textílmennt. Jólin eru allsráðandi í myndmennt og svo eru verið að baka hafrabrauð í heimilisfræði.

Vikan 2. - 6.desember

Fri, 06 Dec 2024 13:09:00 GMT

Það er ýmislegt um að vera hjá okkur á aðventunni eins og alltaf. Á mánudag fengu nemendur á miðstigi að læra að gera sushi. Við fengum hana Kötlu Vigdísi til þess að kenna okkur það. Gekk það ljómandi vel hjá öllum og bragðaðist vel líka.

Föndurdagarnir okkar voru í gær fimmtudag og í dag föstudag. Við vorum með fjórar stöðvar þar sem nemendur fara á og gera það sem er í boði á hverri stöð.

Í dag var okkur einnig boðið í afmæli hjá Íslandssögu. Boðið var upp á kynnisferð um fyrirtækið og djús, kaffi og bakkelsi eftir það. Einnig fengum við að sjá þær breytingar sem stefnt er að og var spennandi að sjá. Skólinn fékk veglega gjöf frá Íslandssögu sem við þökkum kærlega fyrir. Að sjálfsögðu færðum við Íslandssögu afmæliskort þar sem allir í skólanum tóku þátt í að gera. Í lok dags voru allir leystir út með gjöfum frá Íslandssögu en það var bæði fiskur og nammipoki.

Við óskum Íslandssögu til hamingju með daginn og þökkum kærlega fyrir okkur.

Kaffihúsakvöld 5. desember

Wed, 04 Dec 2024 13:23:00 GMT

Kaffihúsakvöld grunnskólans verður á morgun fimmtudaginn 5. desember klukkan 17:00. Nemendurnir eru búnir að undirbúa dagskrá fyrir kvöldið og ætlum við að fá hjálp frá ykkur við að búa til jólasveina sem við ætlum að hengja upp í skólanum. Nemendurnir hafa allir valið sér einn jólasvein sem þau gerðu skissu af og vonumst við til að geta klárað allavegana nokkra af þeim á morgun.
Einnig verðum við með skákborðin tilbúin og væri gaman að geta tekið nokkrar skákir.

Það kostar 1500 krónur inn en frítt fyrir 15 ára og yngri.

Hlökkum til að sjá ykkur

Kósý desember á bókasafninu

Mon, 02 Dec 2024 10:49:00 GMT

Það er fátt jólalegra en bækur og huggulegheit. Þetta vita þær á bókasafninu og þess vegna hafa þær útbúið kósýhorn þar sem börnin geta hjúfrað sig með bók núna í desember. Hjá kósýhorninu er jólabókadagatal þar sem úrval bóka er að finna við hvern skóladag í mánuðinum.
Öll börn sem lesa bók og jafnvel starfsfólk líka, getur svo fengið jólakúlu, skrifað nafnið sitt og bókarinnar á hana og hengt upp á jólatré sem er teiknað á gluggann. Þegar líður á mánuðinn fyllist jafnt og þétt á tréð og það er jafnvel hægt að sjá glitta í það utan frá götunni. Vonandi fyllist tréð í desember og verður fallega skreytt fyrir hátíðarnar.

Opinn dagur í dag

Mon, 02 Dec 2024 07:48:00 GMT

No content

Ég veit - úrslit

Fri, 29 Nov 2024 11:42:00 GMT

Ég veit! spurningakeppni miðstigs var í dag. Undanfarna mánuði hafa krakkarnir á miðstigi verið undirbúa sig fyrir spurningakeppnina með því að lesa 8 valdar skáldsögur. Valdir voru þrír fulltrúar úr hverjum bekk í keppnislið en samt sem áður þurftu allir að undirbúa sig vel því oft getur keppnisliðið fengið hjálp frá bekknum sínum til að svara spurningunum.

Þriðjudag, miðvikudag og fimmtudag kepptu bekkirnir í stigakeppni, þau tvö lið sem voru með hæstu samanlögðu stigin kepptu svo til úrslita í dag en það voru 6. AS og 7. JE. Svo fór að 6. AS bar sigur úr býtum og hreppti farandbikarinn Vitann sem mun tilheyra bekknum fram að næstu keppni sem áætlað er að halda að ári.

Einnig fékk keppnisliðið sjálft verðlaun en það var Penninn Eymundsson sem gaf hverjum liðsmanni bókina Orri óstöðvandi Heimsfrægur á Íslandi eftir Bjarna Fritz að gjöf. Við óskum þeim innilega til hamingju með sigurinn og um leið óskum við öllum nemendum á miðstigi til hamingju með vel heppnaðan undirbúning og skemmtun.

Listasýning 6. bekkjar

Thu, 28 Nov 2024 13:33:00 GMT

Það var mikið líf og fjör hjá nemendum 6. bekkjar á þriðjudag, en þá buðu þeir foreldrum sínum á listasýningu í skólanum. Á sýningunni mátti sjá myndlist af ýmsum toga, skúlptúra, nokkrar gerðir verka sem unnin voru úr textíl og allskonar smíðagripi svo sem lampa.

Nemendur buðu gestum upp á heitt kakó og smákökur, sem þau höfðu sjálf bakað, og sáu auk þess um móttöku og alla þjónustu við gestina. List-og verkgreinakennarar skólans stóðu að þessum viðburði. Þeir eru afar ánægðir með hvernig til tókst og eru virkilega stoltir af nemendum sínum

Uppáhalds bækur 10. bekkjar

Mon, 25 Nov 2024 11:53:00 GMT

Á bókasafninu eru oft skemmtilegir lestrarleikir sem nemendur geta tekið þátt í. Nóvemberleikurinn snérist um 10. bekk en í byrjun mánaðarins voru nemendur bekkjarins beðnir um að finna uppáhaldsbækurnar sínar á bókasafninu. Bókunum var síðan stillt upp til sýnis og unglingarnir hvattir til að taka þátt í leiknum. Leikurinn snýst um það að lesa tvær bækur af þessum 33 sem valdar voru, eða velja sér aðrar þyngri. Í lok nóvember kemur í ljós hversu mörg tóku þátt og eru 10 verðlaun í boði fyrir þau sem klára leikinn.

Það hefur verið áhugavert að sjá hvaða bækur unglingarnir velja fram yfir aðrar og tilvalið að spjalla heima um það hvaða lesefni þeim finnst skemmtilegt.

Grænland í nýju ljósi

Fri, 22 Nov 2024 13:48:00 GMT

Í dag heimsótti Karl Inuk nemendur í dönskutíma hjá 8., 9. og 10. bekk og kynnti landið sitt, Grænland. Hann ræddi við þau um hvernig það er að alast upp á Grænlandi og sagði frá menningu og hefðum landsins. Nemendur áttuðu sig á því að Grænland er kannski ekki svo ólíkt Íslandi.

Nemendur sýndu mikinn áhuga á því að fræðast um ísbirni og voru sumir hissa að heyra að Grænland er ekki eingöngu ís og snjór, heldur er þar einnig mikill gróður. Þau ræddu einnig menningu tengda sleðahundum og hvernig landið skiptist í raun í tvennt þegar kemur að hundasleðum, þ.e. suður- og norðurhluta Grænlands.

Árshátíð G.Þ.

Tue, 19 Nov 2024 17:28:00 GMT

Árshátíð G.Þ. verður fimmtudaginn 21. nóvember. Nemendur á elsta stigi og miðstigi hafa undanfarnar vikur verið að semja æfa leikrit þar sem persónur úr ævintýrum fjalla um mikilvægi vináttu og læra af mistökum. Nemendur á yngsta stigi ætla að syngja og leika Minkinn í hænsnakofanum.

Fyrri sýning er kl. 10 og börnin á Laufási koma fram. Ávextir í boði í hléi.

Seinni sýning verður kl. 19:30 og sjoppa í hléi.

Aðgangseyrir er 2000 kr. fyrir 18 ára og eldri.

Allur ágóði rennur í ferðasjóð nemenda.

Af mistökum lærum við margt. Hlökkum til að sjá ykkur.

Árshátíð G.Þ.

Tue, 19 Nov 2024 17:28:00 GMT

Árshátíð G.Þ. verður föstudaginn 5. apríl. Nemendur hafa undanfarnar vikur verið að æfa leikritið um hafmeyjuna Ariel og vini hennar. Ariel verður ástfangin af manni og er tilbúin til að fórna röddinni til að fá fætur fyrir sporð.

Fyrri sýning kl. 10 og börnin á Laufási koma fram. Ávextir í boði í hléi.

Seinni sýning verður kl. 19:30 og sjoppa í hléi.

Aðgangseyrir er 2000 kr. fyrir 18 ára og eldri.

Allur ágóði rennur í ferðasjóð nemenda.

Sjáum nú hvort ástin sigrar. Hlökkum til að sjá ykkur.

Fréttir af skólastarfi vikuna 11. – 15. nóvember.

Fri, 15 Nov 2024 12:56:00 GMT

Eins og flestir vita var vatnsleysi á Flateyri í vikunni og skólinn auðvitað engin undantekning þar á. Vatnsleysið gaf okkur m.a. tækifæri til að ræða mikilvægi vatns og hversu háð við erum því í daglegu lífi. Sérstaklega var rætt um vatnsnotkun tengda klósettferðum og hversu ómissandi hreint vatn er í því samhengi. Nemendur tóku þessu vatnsleysi með miklu jafnaðargeði en hugsanlega hafa þau aldrei verið jafn þyrst og þar sem skólastjórinn býr á Ísafirði fengu þau hreint og ferskt ísfirskt vatn að drekka. Sumir töldu sig finna bragðmun sem við munum rannsaka við tækifæri þegar að vatnið á Flateyri er komið í lag.

Annað sem við tökum okkur fyrir hendur fyrir utan almenna kennslu er t.d. skákkennsla en nemendur eru allir með amk. einn fastan skáktíma á viku í töflu. Nemendur læra grunnatriði skákarinnar og fá að æfa sig og keppa við hvert annað. Skák eflir m.a. einbeitingu, þjálfar rökhugsun og félagsfærni. Skákkennsla er einnig frábær leið til að styrkja þolinmæði og sjálfstæða hugsun, svo eitthvað sé nefnt.

Í fámennum skóla skiptir máli að þjálfa samvinnu og félagsfærni þar sem að nemendur vinna oft saman í fjölbreyttum hópum þvert á aldur og getu. Í litlum hópum hefur hver einstaklingur áhrif á heildina og hvetur þessi þjálfun til ábyrgðar, trausts og samheldni. Auk þess undirbýr þetta nemendur fyrir lífið í fámennu samfélagi, þar sem samstarf og samskipti eru mikilvæg. Slík þjálfun styrkir skólabraginn og skólasamfélagið í heild. Við nýtum m.a. félagsfærnispilið sem og fjölbreytta samvinnu- og samskiptaleiki.

Áhugasvið nemenda í GÖ eru fjölbreytt og leggjum við áherslu á að efla þau jafnt í námi sem og í frjálsum tíma. Nemendur hafa m.a. aðgang að hljóðfærum í tónlistarstofunni til að æfa sig, prjóna þegar að það á við, hnoðast undir leiðsögn, velja sér bækur útfrá áhuga og nýta verkmenntastofuna til fjölbreyttra verka.

Þessa stundina taka nokkrir nemendur þátt í uppsetningu leikritsins Blái hnötturinn á vegum Leikfélags Flateyrar og hvetjum við öll til að gera sér ferð á sýningu.

Setning Stóru upplestrakeppninnar

Thu, 14 Nov 2024 15:49:00 GMT

Stóra upplestrarkeppnin er árleg keppni í upplestri sem haldin er fyrir nemendur í 7. bekk. Markmið keppninnar er að efla lesskilning og lesskilningi ásamt því að auka áhuga á bókmenntum og menningu. Nemendur taka þátt í keppninni með því að lesa upphátt úr ýmsum textum, oft bæði ljóðum og sögum, og er lögð áhersla á að flytja textann á skýran og skilmerkilegan hátt.

Keppnin stuðlar að því að efla upplestrarmenningu, eykur færni nemenda í að tjá sig munnlega og hefur almennt jákvæð áhrif á skólastarf. Þetta er mikilvægur vettvangur fyrir nemendur til að sýna framfarir sínar í lestri og njóta þess að miðla sögu eða ljóði til áheyrenda.

Nú sem endranær er keppnin sett í tengslum við Dag íslenskrar tungu og er hann einmitt á laugardaginn 16. nóvember. Halla skólastjóri setti keppnina Tveir nemendur úr 8. bekk lásu ljóð og texta úr bók. Í lokin sungu allir viðstaddir lagið ,,Á íslensku má alltaf finna svar"

Sjálf keppnin verður í mars og mun Grunnskólinn á Ísafirði standa að keppninni, skólar á norðanverðum Vestfjörðum taka þátt.

Saman gegn einelti

Tue, 12 Nov 2024 16:05:00 GMT

8. nóvember er baráttudagur gegn einelti ár hvert. Í tilefni þess héldum við fund "á sal" þar sem við fórum saman yfir það hvað er einelti og hvernig hægt er að sporna við því. Dagur gegn einelti tengist 2. grein Barnasáttmálans um jafnræði og bann við mismunun.

Eftir fundinn bjuggum við til sáttmála sem fellst í því að við samþykkjum ekki einelti í skólanum okkar. Nemendur stympluðu hendina sína á efni sem verður hengdt upp á vegg til að minna okkur á. Umsjónarkennarar héldu umræðum áfram og bekkjarsáttmáli skoðaður í námshópum.

Góðmennska er allrabesti ofurkrafturinn sem allir geta æft sig í.

Áætlun gegn einelti má finna hér (á heimasíðuskólans). Áæltunin var einnig send á foreldra og kennara í tölvupósti.

Hrekkjavökuuppskeruhátíð

Tue, 12 Nov 2024 15:49:00 GMT

Hrekkjavöku þemanu lauk 31. október með uppskeruhátíð "litlu skólanna" á Suðureyri. Nemendur í skólunum þremur voru þá búin að vinna í þemaverkefni tengt Hrekkjavöku síðan í september. Nemendur voru búnir að gera stuttmyndir, sögu, búninga og skreytingar fyrir hátíðina. Einnig voru þeir búnir að búa til allskonar bakkelsi sem boðið var upp á s.s. hrekkjavökumuffins, fingur, pylsubita í felum, kókóskúlur og popp. Stuttmyndir voru sýndar og dansað. Þetta heppnaðist mjög vel og allir skemmtu sér konunglega.

Næsta verkefni hefst eftir árshátíðina í lok nóvember. Það verkefni er íslensku og lífsleikni miðað og heitir "Bókin mín".

Baráttudagur gegn einelti

Fri, 08 Nov 2024 12:35:00 GMT

Jæja, skólastjóralífið gengur bara mjög vel og komin rútína á skólavikuna. Skákkennslan vekur mikla lukku og mikill metnaður hjá nemendum. Ég er ekki frá því að við förum að finna skákmót fyrir þessa skákmeistara.
Við fengum heimsókn frá lögreglunni sem ræddi við 1. - 4. bekk um umferðina hjálmanotkun og umferðarreglur og 5. - 8. bekk um útivistartíma, rafhlaupahjól, ofbeldi, samfélagsmiðla og áföll. Frábært að fá lögregluna í heimsókn og fengu krakkarnir hrós fyrir áhugasemi og hversu vel þau hlustuðu.

Í tilefni af baráttudegi gegn einelti unnum við verkefni tengt gildunum okkar.

Virðing - Gleði - Ábyrgð - Metnaður

Við byrjuðum daginn á að horfa á myndband sem gert var fyrir baráttudag gegn einelti.

Við ræddum um gildin okkar og hvað þau þýða. Við vorum sammála um að þau lýstu því sem skiptir okkur máli í lífinu, hvernig við viljum koma fram við aðra og hvernig samskipti við viljum eiga.

Afurð verkefnisins er veggmynd sem allir tóku þátt í að búa til og sýnir fjölbreytileikann í skólasamfélaginu okkar. Veggmyndin sem mun hanga í anddyrinu hjá okkur á að tákna það að við erum öll í sama liði.

Nemendur sýndu verkefninu mikinn áhuga, tóku ábyrgð og sýndu mikinn metnað. Frábær dagur og skólastjórinn mjög stolt af öllu sínu fólki

Jóna Lára

Vikan 4. - 8. nóvember

Fri, 08 Nov 2024 12:00:00 GMT

Það er baráttudagur gegn einelti í dag og tilefni þess mættum við í rauðum fötum. Einnig var ákveðið að gera sáttmála sem fellst í því að við samþykkjum ekki einelti í skólanum okkar. Allir stympluðu hendina sína á efni og skrifuðu nafnið sitt undir. Verður hann síðan hengdur upp í skólanum. Einnig var umræðan tekin í hópunum um einelti.

Í næstu viku eru foreldraviðtöl og eru foreldrar hvattir til þess að mæta með börnum sínum og spjalla við umsjónakennara um nám þeirra.

Aðeins farið að hvessa

Thu, 07 Nov 2024 12:46:00 GMT

Það er aðeins farið að hvessa og nemendur bráðum búnir með skólann. Allar stöðvar að klárast og mikil gleði búin að vera í skólanum í allan dag. Við viljum beina því til foreldra að fylgjast með hvort yngstu börnin fari ekki á sína staði eftir að skóla lýkur.

Skelfilegi bókaklúbburinn

Fri, 01 Nov 2024 14:27:00 GMT

Í október var lestrarleikur á bókasafninu sem kallaðist Skelfilegi bókaklúbburinn. Hann snérist um að lesa 10 bækur um Skúla skelfi, skrá þær niður og fá miða fyrir hverja lesna bók. 4. bekkingar tóku þátt af fullum krafti og lásu samtals yfir 200 bækur.

Á hrekkjavöku fengu þau sem tóku þátt viðurkenningu og við erum virkilega stolt af þessum krökkum

Hrekkjavökuhátíð

Fri, 01 Nov 2024 13:22:00 GMT

Í gær á Hrekkjavökunni héldu skólarnir á Suðureyrir, Flateyri og Þingeyri uppskeruhátíð. Við erum búin að vinna í þemaverkefni tengt Hrekkjavöku síðan í september. Nemendur voru búnir að gera stuttmyndir, sögu, búninga og skreytingar fyrir hátíðina. Einnig voru þeir búnir að búa til allskonar bakkelsi sem boðið var upp á s.s. hrekkjavökumuffins, fingur, pylsubita í felum, kókóskúlur og popp. Stuttmyndir voru sýndar og dansað. Þetta heppnaðist mjög vel og allir skemmtu sér konunglega.

Næsta verkefni okkar hefst síðan í nóvember en það er verkefnið Bókin mín.

Hrekkjavökuhátíð

Fri, 01 Nov 2024 12:00:00 GMT

Næsta verkefni okkar hefst síðan í nóvember en það er verkefnið Bókin mín.

Hrekkjavaka í dag

Thu, 31 Oct 2024 11:16:00 GMT

Undafarið hefur mikið verið um að vera hérna í skólanum í tengslum við hrekkjavöku. Nemendur hafa verið að vinna verkefni í mörgum greinum í tengslum við hana og afraksturinn hefur verið sýnilegur á göngum skólans, á bókasafni og fleiri stöðum. Í gær stóð foreldrafélag skólans fyrir hrekkjavökuballi fyrir 1.-7. bekk. Í kvöld verður ball fyrir unglingastigið.

Make the most of the season by following these simple guidelines

Thu, 31 Oct 2024 09:49:48 GMT

The new season is a great reason to make and keep resolutions. Whether it’s eating right or cleaning out the garage, here are some tips for making and keeping resolutions.

Make a list

Lists are great ways to stay on track. Write down some big things you want to accomplish and some smaller things, too.

Check the list regularly

Don’t forget to check in and see how you’re doing. Just because you don’t achieve the big goals right away doesn’t mean you’re not making progress.

Reward yourself

When you succeed in achieving a goal, be it a big one or a small one, make sure to pat yourself on the back.

Think positively

Positive thinking is a major factor in success. So instead of mulling over things that didn’t go quite right, remind yourself of things that did.

Keep in touch with site visitors and boost loyalty

Thu, 31 Oct 2024 09:49:48 GMT

There are so many good reasons to communicate with site visitors. Tell them about sales and new products or update them with tips and information.

Here are some reasons to make blogging part of your regular routine.

Blogging is an easy way to engage with site visitors

Writing a blog post is easy once you get the hang of it. Posts don’t need to be long or complicated. Just write about what you know, and do your best to write well.

Show customers your personality

When you write a blog post, you can really let your personality shine through. This can be a great tool for showing your distinct personality.

Blogging is a terrific form of communication

Blogs are a great communication tool. They tend to be longer than social media posts, which gives you plenty of space for sharing insights, handy tips and more.

It’s a great way to support and boost SEO

Search engines like sites that regularly post fresh content, and a blog is a great way of doing this. With relevant metadata for every post so search engines can find your content.

Drive traffic to your site

Every time you add a new post, people who have subscribed to it will have a reason to come back to your site. If the post is a good read, they’ll share it with others, bringing even more traffic!

Blogging is free

Maintaining a blog on your site is absolutely free. You can hire bloggers if you like or assign regularly blogging tasks to everyone in your company.

A natural way to build your brand

A blog is a wonderful way to build your brand’s distinct voice. Write about issues that are related to your industry and your customers.

Tips for writing great posts that increase your site traffic

Thu, 31 Oct 2024 09:49:48 GMT

Write about something you know. If you don’t know much about a specific topic that will interest your readers, invite an expert to write about it.

Speak to your audience

You know your audience better than anyone else, so keep them in mind as you write your blog posts. Write about things they care about. If you have a company Facebook page, look here to find topics to write about

Take a few moments to plan your post

Once you have a great idea for a post, write the first draft. Some people like to start with the title and then work on the paragraphs. Other people like to start with subtitles and go from there. Choose the method that works for you.

Don’t forget to add images

Be sure to include a few high-quality images in your blog. Images break up the text and make it more readable. They can also convey emotions or ideas that are hard to put into words.

Edit carefully before posting

Once you’re happy with the text, put it aside for a day or two, and then re-read it. You’ll probably find a few things you want to add, and a couple more that you want to remove. Have a friend or colleague look it over to make sure there are no mistakes. When your post is error-free, set it up in your blog and publish.

Vá Vest fyrirlestur í dag kl. 17.00

Tue, 29 Oct 2024 13:53:00 GMT

Við viljum minna á fyrirlesturinn í dag uppi í Menntaskóla kl. 17.00.

Hildur H. Pálsdóttir hefur farið í marga grunnskóla og framhaldsskóla með fyrirlestur um forvarnir gegn fíkniefnum. Hún nýtir eigin reynslu en hún missti 15 ára gamla dóttur sínu úr neyslu fíkniefna. Hildur mun hitta nemendur í 9.bekk á norðanverðum Vestfjörðum og 1.bekk í Menntaskólanum á Ísafirði í dag með þessa áhrifaríku fræðslu. Við viljum bjóða foreldra og aðra áhugasama velkomna á fyrirlestur hjá henni á þriðjudaginn 29.október kl 17.00 í sal menntaskólans á Ísafirði.
Notum tækifærið, fræðumst, spjöllum og vinnum saman að forvörnum ungmenna.

Útivist og fjallamennska

Tue, 29 Oct 2024 09:18:00 GMT

Í haust bjóðum við upp á val á unglingastigi sem tengist útivist og fjallamennsku. Nemendur hafa farið í gönguferðir, farið í heimsóknir og fleira. Í gær fengu þau kynningu á allskonar klifri, meðal annars klettaklifri og ísklifri. Síðan var farið yfir í Skátaheimilið þar sem krakkarnir fengu að klifra og fengu góða leiðsögn frá Björgvini Hilmarssyni sem hefur sérhæft sig í klifri ásamt öðru sem tengist útivist.

Samstarfsverkefni

Fri, 25 Oct 2024 16:52:00 GMT

Grunnskólinn á Suðureyri, Grunnskólinn á Þingeyri og Grunnskóli Önundarfjarðar

Fámennu skólarnir þrír hjá Ísafjarðarbæ, undir leiðsögn Ásgarðs skólaþjónustu, hófu á þessu skólaári samstarf um útfærslu á fjórum þemaverkefnum sem útbúin hafa verið út frá nýrri menntastefnu ríkisins.

Verkefnið, sem stendur í tvö ár, fékk 2 mkr styrk frá Sprotasjóði sem er veglegur stuðningur við gæðastarf í skólunum. Sérstök áhersla verður lögð á teymiskennslu kennara og leytast verður við að verkefnin verði við hæfi allra nemenda og að fjölbreytileikinn fái að njóta sín.

Innihald og inntak verkefna nemenda verða sýnileg á námsvegg í skólanum sem og á heimasíðu/facebooksíðu skólans. Auðvelt ætti því að vera fyrir foreldra og samfélagið í kring að taka virkan þátt í vinnunni t.d með því að spyrja af áhuga og jafnvel bjóðast til þess að aðstoða við vinnu nemenda.

Fyrra skólaárið er hafið en í vetur vinna nemendur og kennarar eftirfarandi verkefni:

Megináhersla er lögð á að nemendur hittist þvert á skólana og ræði verk sín og deili afrakstrinum með hvort öðru.

Á vorin munu nemendur og starfsfólk, í samvinnu við hverfaráðið, hittast á skólaþingi þar sem óskir allra innan skólasamfélagsins heyrast. Öll sem hafa áhuga á skólamálum eru velkomin.

Utanumhald verkefnis er í höndum skólastjórnenda skólanna og Ásgarðs skólaþjónustu.

Samstarfsverkefni

Fri, 25 Oct 2024 12:45:00 GMT

Nemendur og kennarar eru á fullu í vinnu með hrekkjavökuþemað og er virkilega gaman að fylgjast með krafti þeirra og sköpun í þessu verkefni. Þemað er hluti af samstarfsverkefni okkar fámennu skólanna þar sem markmiðið er m.a. að efla teymiskennslu og samstarf skólanna.

Hérna fyrir neðan er hlekkur með nánari upplýsingum um verkefnið.

Samstarfsverkefni

Verkefninu lýkur með hrekkjavökuskemmtun í Félagsheimilinu á Suðureyri þann 31. október. Nemendur verða allir í heima/skólagerðum búningum og hafa verið á fullu að skapa sína eigin búninga þar sem lögð er áhersla á endurnýtingu og sjálfbærni. Frábært að sjá samvinnuna, hugmyndaflugið og útsjónarsemina hjá þeim.

Við erum afar stolt af nemendum fyrir að taka þátt af áhuga og gleði og sjáum góðan árangur í vinnubrögðum þeirra og sköpun.

Að lokum er gaman að segja frá því að yngsta stigið er komið í 21. öldina og hefur fengið tússtöflu (í stað gömlu krítartöflunnar) og sjónvarp í stofuna sína. Elsta stigið og Viktor sáu um uppsetninguna að beiðni húsvarðar (Jónu). Aldeilis flott að vera með svona öflugt lið skólanum sem er tilbúið að ganga í öll verk.

Snjórinn kominn

Fri, 25 Oct 2024 10:26:00 GMT

Það hefur sannarlega verið mikið stuð á skólalóðinni undanfarna daga. Nemendur ánægðir með að fá snjóinn og nýta hvert tækifæri til að leika sér. Njótið helgarinnar.

Vetrarfrí

Thu, 17 Oct 2024 13:53:00 GMT

Vetrarfrí skólans verður föstudaginn 18.október og mánudaginn 21.október. Þriðjudaginn 22.október er síðan starfsdagur kennara og því frí hjá nemendum.

Skólahald hefst að nýju ,samkvæmt stundarskrá, miðvikudaginn 23. október en þá er bleiki dagurinn. Við hvetjum alla til að mæta í bleiku þann dag.

Njótið helgarinnar.

Skelfilegur bókaklúbbur

Tue, 15 Oct 2024 16:03:00 GMT

Á bókasafninu okkar er bókaklúbbur sem hefur yfirskriftina ,,skelfilegur bókakúbbur". Hrekkjavakan er á næsta leyti og gaman að lesa bækur sem snúa að henni og allskonar öðrum skelfilegum hlutum. Við hvetjum foreldra til að lesa með börnunum sínum.

Jógahjartað og gullskórinn

Tue, 15 Oct 2024 13:11:00 GMT

Nemendur og starfsfólk tóku þátt í hugleiðsludeginum 9.10. sl. eða jógahjartanu. Skólinn hefur tekið þátt í þessum viðburði í nokkur ár. Jógahjartað er styrktarfélag sem vinnur að því að veita börnum og unglingum aðgang að kennslu á jóga og hugleiðslu innan skólakerfisins og boða til friðar á afmælisdegi bítilsins Johns Lennon.

Eftir hugleiðsluna sem allir tóku þátt í saman á sal skólans var "Gullskórinn" afhentur. Gullskórinn er verðlaunagripur til námshóps sem vinnur göngum í skólann átakið. Elsta stig vann mið stig naumlega. Óskum þeim til hamingju með titilinn góða og hvetjum í leiðinni til virks ferðamáta til og frá skóla.

Vikan 7. - 11. október

Fri, 11 Oct 2024 12:00:00 GMT

Það er búið að vera nóg um að vera hjá okkur þessa vikuna. Yngsta stigið fór í heimsókn í Íslandssögu þar sem Oddný fræddi nemendur um ýmislegt tengt fiski. Unglingastigið fór á hina árlegu Íþróttahátíð í Bolungarvík en þar var kepp í hinum ýmsu greinum s.s. körufbolta, Bandý, Dodgeball, reipitogi, skák og spurningarkeppni.

Þorgrímur Þráinsson kom að heimsækja nemendur á miðstigi. Hann kynnt ýmsar bækur frá sér ásamt því að hvetja krakkana til að lesa fleiri bækur og efla þannig orðaforða sinn.

Föstudaginn 18. október hefst verarfrí hjá okkur. Skóli hefst aftur miðvikudaginn 23. október.

Njótið helgarinnar.

Nemendur og kennarar í Portúgal á vegum Erasmus

Thu, 10 Oct 2024 17:51:00 GMT

8. bekkur í hópefli

Wed, 09 Oct 2024 11:26:00 GMT

Í gær og í dag hefur 8. bekkur verið í hópefli. Það hefur verið óformleg kennsla með skemmtilegri dagskrá. Þau fóru meðal annars í Blómagarðinn með vinabekknum sínum. Í dag fara þau svo öll saman í félagsmiðstöðina þar sem verður haldið ,,Pálínuboð"

Hrekkjavökuundirbúningur í 8. bekk

Tue, 08 Oct 2024 11:55:00 GMT

8.bekkur hefur verið að undirbúa sig fyrir hrekkjavökuna með því að búa til myndir og skreytingar í myndmennt. Það eru bæði einstaklings- og hópaverkefni í gangi og þó nokkur upplýsingavinna búin að eiga sér stað.

Draugagangur, dagur hinna dauðu (mexíkóskur hátíðisdagur), og ýmislegt að handan rætt og skoðað. Og auðvitað hin hefðbundna hrekkjavaka skoðuð.

Skólastarfið

Fri, 04 Oct 2024 14:59:00 GMT

Fjölbreytt og skemmtileg vika er á enda.
Á þriðjudaginn fengum við heimsókn frá kennurum frá Eistlandi, Lettlandi og Litháen. Sú heimsókn er liður í Nordplus verkefni sem skólinn tekur þátt í. https://gron.isafjordur.is/skolinn/nordplus/

Þeir skoðuðu skólann og aðstæður til náms og kennslu bæði innan og utan dyra. Síðan var farið í göngutúr um bæinn þar sem gestirnir fræddust um ýmislegt tengt Flateyri. Þetta var frábær upplifun fyrir nemendur og kennara að fá að deila sínum venjum og umhverfi með erlendum gestum.

Sérstaka athygli vakti hjólabrautin sem þeir Kristján og Kamil hafa verið að hanna og búa til. Heilmikil vinna sem þeir hafa lagt í þetta verkefni og hvet ég alla til að gera sér ferð á hjólinu sínu, en brautin er staðsett fyrir neðan varnargarðinn bakvið Goðahól. Nemendur fá einnig tækifæri til að lagfæra og ditta að hjólunum sínum og var það eitt af verkefnum vikunnar.

Nemendum á yngsta stigi var boðið á sögulestur í leikskólanum í morgun, þar las Elfar Logi bókina sína: Matti litli - Sagan af drengnum með breiða nefið.

Nemendur á yngsta stigi unnu að sameiginlegri sögugerð í vikunni í samstarfi við nemendur á Suðureyri og Þingeyri. Á mið- og unglingastigi hefur handritagerð verið í fullum gangi í tengslum við hrekkjavökuþemað. Skemmtilegir hlutir eru að gerast í þessu verkefni, og við hlökkum til að sjá útkomuna.

Skólavinir - vinaliðaverkefni
Hérna í skólanum höfum við sett á fót verkefni sem við köllum Skólavinir. Fyrirmynd þessa verkefnis er frá verkefni sem heitir Vinaliðar en verkefnið hefur það að markmiði að stuðla að jákvæðri afþreyingu í frímínútum. https://gron.isafjordur.is/skolinn/skolavinir/

Góða helgi til ykkar

Skuggaleikhús 6. bekkjar - Leikur í skugganum!

Wed, 02 Oct 2024 17:07:00 GMT

Í byrjun skólaárs fengu krakkarnir í 6. bekk það verkefni að skapa karaktera, skrifa handrit og búa til pappírsverur sem áttu að líta vel út í skuggaleikhúsi. Á mánudaginn héldu þau svo skuggaleiksýningu fyrir bekkjarfélaga sína. Frá hugmyndum um drauga til furðudýra, var sköpunarkrafturinn í hámarki. Sögurnar voru bæði spennandi og skemmtilegar, og þegar kom að leiksýningunni var spennan í loftinu. Með dimmum ljósum tóku skuggarnir að lifna við á tjaldinu. Skuggaleikhúsið var ekki bara verkefni, heldur líka dýrmæt reynsla sem sýndi hversu gaman er að láta ímyndunaraflið fljúga

Gönguferðir námshóp

Tue, 01 Oct 2024 10:38:00 GMT

September mánuður einkenndist af mikill útiveru enda ekki hægt annað í veðurblíðunni sem lék við okkur.

Yngsta stig gekk Öxl yfir í Brekkudal. Þar fundum við skjól frá rigningunni inn í "ævintýraskóg". Þar borðuðum nesti, fórum í falinn hlutur og hvað er undir teppinu. Nemendur undu sér allir í fallegri náttúrunni og gengu alla leið til baka yfir Brekkuháls að skólanum.

Miðstig gekk Mýrarfell (ekki dal sem var þemað í ár) en þau áttu eftir þá gönguleið og okkur fannst mikilvægt að þau færu þessa göngu. Það má segja að miðstigið hafi unnið í veðurlottóinu en fjörðurinn var spegil sléttur allan tíman, sólin skein og það var heiðskýrt. Það má geta þess að aldrei hafa nemendur gengið jafn rösklega þessa leið og því var tími til að skreppa í Skrúð áður en heim var haldið.

Elsta stig gekk af Sandsheiði niður og fram Núpsdal. Gangan er löng og því margir sem lögðu töluvert erfiði á sig til að klára ferðina. Efttir námskeið 1 í útvist klóruðu nemendur sig í þokunni af heiðinni og það birti til og Núpsdalur skartaði sínu fegursta í haustlitum og tært lindarvatnið var ferskara en allt.

Gönguferðirnar eru fyrir löngu orðin fastur liður í skólastarfinu, þær eru mikilvægar fyrir bekkjarbraginn og samskipti ásamt því að leggja áherslu á hreyfingu fyrir líkama og sál.

Við þökkum öllum foreldrum sem tóku þátt með okkur kærlega fyrir þeirra innlegg, það er mjög mikilvægt.

Samráðsdagur

Mon, 30 Sep 2024 15:31:00 GMT

Á morgun, þriðjudaginn 1. október, er samráðsdagur og því ekki hefðbundin kennsla. 10. bekkur mun selja vöfflur og djús og hvetjum við foreldra til að eiga notalega stund með krökkunum fyrir eða eftir viðtöl.

Allir í hókípókí

Mon, 30 Sep 2024 12:41:00 GMT

Í lok hreyfiviku Evrópu fóru allir nemendur og starfsfólk í hókípókí á Eyrartúni. Það er nauðsynlegt að leika sér og hafa gaman. Allir skemmtu sér vel og voru vinabekkir saman þar sem eldri nemendur leiddu yngri nemendur í leiknum.

Uppbrot í íþróttakennslu

Thu, 26 Sep 2024 13:55:00 GMT

Nemendur í 5. - 10. bekk fengur að fara í mínígolf og í hjólabraut í íþróttatímum vikunnar. Einnig fengu þau að prófa leikinn ,,Cornhole" sem er leikur þar sem kasta þarf baunapokum og reyna að hitta ofan í holu. Í næstu viku fara allir nemendur inn í íþróttahúsin og því kjörið tækifæri að enda skemmtilegan september með öðruvísi íþróttum.

Stöðvavinna í 4. bekk

Tue, 24 Sep 2024 13:09:00 GMT

Krakkarnir í 4. KS voru í stöðvavinnu í stærðfræði og náttúrufræði. Þau eru að vinna með Sprota í stærðfræði og Halló heimur í náttúrufræði.

Fyrstu skólavikurnar

Fri, 20 Sep 2024 16:18:00 GMT

Fyrstu skólavikurnar hafa gengið vel og við höfum haft fjölbreytt verkefni í gangi.

Fyrstu vikuna eyddum við miklum tíma utandyra þar sem nemendur skoðuðu fjöruna, heimsóttu Sunnu á Bryggjukaffi, skoðuðu listaverk og fóru í berjamó. Við höfum verið að sanka að okkur timbri og höfum verið að vinna úr því síðustu vikurnar. Fengum m.a. góða sendingu frá Sighvati, garðyrkjufulltrúa Ísafjarðarbæjar, en hann var að grisja tré og runna hérna á Flateyri.

Þemað næstu vikurnar er hrekkjavaka þar sem nemendur munu læra um drauga og annað skemmtilegt tengt hátíðinni. Þau eru m.a. byrjuð að semja hryllilega tónlist fyrir hrekkjavökuhátíðina sem við áætlum að halda í lok október. Markmið verkefnisins eru að m.a. að þjálfa sjálfstæði, skapandi vinnubrögð, efla tungumálakunnáttu og styrkja samheldni í hópnum.

Þetta er liður í samþættu verkefni sem unnið er í samvinnu við Grunnskólana á Þingeyri og Suðureyri undir umsjón Ásgarðs skólaráðgjafar. Verkefninu er ætlað að þróa teymiskennslu þvert á skólana þrjá.

Í síðustu viku rannsökuðum við kóngasvarm (fiðrildið) og í þessari viku fengum við óvænt háf í skólann sem leiddi til skemmtilegs og lærdómsríks verkefnis.

Lestur hefur verið í brennidepli, og við hvetjum öll börn til heimalesturs til að efla lestrarfærni og ímyndunarafl

Með góðum kveðjum til ykkar allra

Jóna Lára

Myndmennt í hringekju

Fri, 20 Sep 2024 14:57:00 GMT

Nemendur í 4. bekk í hringekjuhópi luku við formfræði æfingu og skreyttu gluggann í myndmenntastofunni, myndirnar fá að vera uppi þangað til lotunni lýkur. Einnig voru þau að æfa sig í að vinna standandi við trönur fyrir komandi verkefni.

Nemendaþing

Fri, 20 Sep 2024 12:18:00 GMT

Í dag var fyrsta nemendaþing vetrarins hjá okkur. Ræddu nemendur um íslenska tungu. Nokkrar spurningar voru settar fram og nemendur svöruðu þeim sameiginlega í hóp. Margar góðar hugmyndir komu frá þeim um hvernig við getum elft orðaforða og íslensku í skólanum. Einnig komu þau með skýringar á því hvers vegna við tölum íslensku og lærum íslensku.

Niðurstöður verða kynntar hér á heimasíðunni.

Ólympíuhlaupið

Thu, 19 Sep 2024 08:38:00 GMT

Ólympíuhlaup ÍSÍ, áður Norræna skólahlaupið, hefur verið fastur liður í skólastarfi margra grunnskóla allt frá árinu 1984. Nemendur Grunnskólans á Ísafirði ætla að hlaupa í dag eins og mörg undanfarin ár.

Hlaupið hefst kl. 10.00 og er hlaupið inn Seljalandsveginn og svo er misjafnt eftir árgöngum hversu langt þeir hlaupa.

1. - 4. bekkur - að Engi og til baka.

5. - 7. bekkur - að ,,Brúarnesti" og til baka.

8. - 10. bekkur - að Golfskála og til baka.

Þrír skólaar sem ljúka þátttöku í hlaupinu fyrir 10. október og skila inn upplýsingum til ÍSÍ eru dregnir út og hver þeirra fær 150.000 króna inneign í Altis.

Textílmennt og endurvinnsla

Sun, 15 Sep 2024 17:11:00 GMT

Nemendur hafa verið að vinna með það að endurvinna kassa utan af ,,Ipödum" í textílmennt. Í 3. bekk var teiknuð mynd af einhverju eftirminnilegu frá sumrinu og unnið áfram yfir í efni og þaðan á kassana. 5. og 6. bekkur teiknaði mynd og útfærði það svo með garni.

Klæðumst bleiku á morgun

Thu, 12 Sep 2024 10:49:00 GMT

Sú sorg sem hefur verið í samfélaginu hefur ekki farið fram hjá neinum undanfarnar vikur. Ung stúlka var tekin frá fjölskyldu og vinum í blóma lífsins. Á morgun fer útför hennar fram og við hérna í skólanum viljum minnast hennar með því að klæðast bleiku. Það eiga margir um sárt að binda, fjölskyldur þolenda og ekki síður fjölskylda geranda. Það þarf heilt þorp til að ala upp barn og á stundum sem þessum þá er mikilvægt að hlúa að þeim sem standa manni næst en einnig að hugsa út fyrir boxið og skoða hvort að við getum hjálpað á einhvern hátt innan okkar samfélags eða á öðrum stöðum.

Bókasafnsdagurinn er í dag 6. september

Fri, 06 Sep 2024 10:53:00 GMT

Í dag er bókasafnsdagurinn og að því tilefni verður getraun í gangi á bókasafninu okkar út alla næstu viku. Yfirskriftin í ár er ,,Lestur er glæpsamlega góður" og er þemað glæpasögur.

Veðrið ekki að vinna með 10. bekkingum

Wed, 04 Sep 2024 11:44:00 GMT

Á hverju hausti eru fjallgöngur hjá öllum árgöngum skólans, erfiðari fjallgöngur eftir því sem líður á skólagönguna. Í dag ætluðu fjórir árgangar að fara en vegna rigningar þá var ákveðið að fresta, 1. bekkur skellti sér samt upp í Stórurð.

10. bekkingar koma inn að hausti og geta vart beðið eftir að fara í 10. bekkjar ferðina sína yfir á Hornstrandir. Það hefur aldeilis ekki gengið eftir að þau komist í sína ferð. Ferðinni hefur verið frestað tvivar sinnum og núna er verið að vinna að enn einu skipulaginu til þess að þau fái sína ferð. Foreldrar og umsjónakennarar í 10. bekk ætla að gera flest til að þess að þessi ferð verði farin, með einhverju breytti sniði þó.

Bakpokar frá Snerpu

Sun, 01 Sep 2024 17:30:00 GMT

Á föstudaginn fengu nemendur glaðning frá Snerpu. Allir fengu bakpoka með endurskini. Þar sem nemendur 5. bekkjar eru að byrja í íþróttum á Torfnesi í vetur þá fannst okkur tilvalið að kalla þessa poka Torfnespokana og allir nemendur verða vel sýnilegir þegar þau ganga í skólann eftir íþróttatímann á fimmtudögum.

7. bekkur á Reyki

Mon, 26 Aug 2024 12:39:00 GMT

Í morgun fóru nemendur 7. bekkjar ásamt kennurum og stuðningsfulltrúm á Reyki í Hrútafirði. Ungmennafélag Íslands sér um rekstur búðanna og hefur gert undanfarin 3 ár. Í skólabúðum UMFÍ kynnast ungmenni styrkleikum sínum og veikleikum og læra að vinna með þá til að bæta félagsfærni sína. Lífið í búðunum snýst að miklu leyti um samskipti og samveru. Krakkarnir dvelja á Reykjum fram á fimmtudag.

Skólasetning

Fri, 23 Aug 2024 12:44:00 GMT

Skólasetning Grunnskólans á Suðureyri verður þriðjudginn 27.ágúst kl: 10:00. Hlökkum til að sjá ykkur

Skólasetning G.Þ. 2024

Mon, 19 Aug 2024 17:05:00 GMT

Fimmtudaginn 22. ágúst kl. 10 verður skólasetning "á sal" skólans.

Skólastjóri mun fara yfir helstu atriði í byrjun skólaársins og bjóða nemendur velkomna í skólann. Umsjónarkennarar mun svo taka á móti nemendum og foreldrum í heimastofum hvers námshóps. Foreldrar óska eftir viðtölum hjá umsjónarkennara ef þeir kjósa það og þurfa að koma upplýsingum á framfæri.

Skóli hefst samkv. stundaskrá kl. 8:10 á föstudeginum.

Búið er að ráða í allar auglýstar stöður innana skólans:

Elsa María verður umsjónarkennari á yngsta stigi

Sonja Elín verður umsjónarkennari á mið stigi

Dagbjartur Bjarnason verður umsjónarkennari á elsta stigi

Eydís mun sjá um íslensku kennslu á mið, og elsta stigi ásamt mynd,og textílmennt.

Reinis Vilks verður íþróttakennari

Hlökkum til að sjá ykkur og eiga farsælt skólaár 2024-25

Skólasetning

Fri, 16 Aug 2024 10:17:00 GMT

Kæru nemendur, foreldrar og forráðamenn.

Þá er komið að því sem þið hafið beðið eftir í allt sumar.....

Skólasetning Grunnskóla Önundarfjarðar fer fram í sal skólans fimmtudaginn 22. ágúst 2024 kl 10:00.

Að lokinni setningarathöfn verður starf vetrarins kynnt. Fyrirkomulagið verður þannig að Siggi og Sigga Anna byrja á því að ræða við nemendur og foreldra á eldra stiginu og á meðan fær yngra stigið og foreldrar þeirra að gæða sér á smá góðgæti og síðan verður skipt.

Kennsla hefst samkvæmt stundaskrá föstudaginn 23. ágúst og opnar dægradvöl sama dag að skóladegi loknum.

Við förum full tilhlökkunar inn í nýtt skólaár.

Starfsfólk Grunnskóla Önundarfjarðar.

Skóladagatal

Wed, 14 Aug 2024 11:04:00 GMT

Skóladagatal skólaársins 2024 - 2025 er komið hér á síðuna.

Skólasetning verður fimmtudaginn 22.ágúst.

Fréttir af gjaldskrárbreytingum og fleiru

Fri, 21 Jun 2024 14:49:00 GMT

Samþykkt hefur verið í bæjarstjórn að bjóða upp á gjaldfrjálsar skólamáltíðir fyrir nemendur í grunnskólum Ísafjarðarbæjar á komandi skólaári. Jafnframt verða foreldrar ekki rukkaðir fyrir hressingu fyrir börn í dægradvöl. Ekki verður í boði að vera í mjólkur eða ávaxtaáskrift en hafragrautur verður áfram í boði.

Skóladagatal næsta skólaárs er komið inn á heimsíðuna undir flipanum Grunnskóli

Sumarleikur í lestri

Fri, 14 Jun 2024 15:02:00 GMT

Sumarlestur

Thu, 13 Jun 2024 13:20:00 GMT

Lestrarþjálfun barna er sameiginlegt verkefni heimila og skóla. Lestur eykur orðaforða, eflir lesskilning og er góð lestrarfærni undirstaða ævináms og þess að geta aflað sér upplýsinga.

Við hvetjum foreldra og forsjáraðila til þess að kynna sér Lestrarstefnu Ísafjarðarbæjar og viðhalda lestri barna sinna í sumar með því að ýta undir yndislestur, þannig að börnin fái sem best notið lestursins. Mikið er til af allskyns góðum hugmyndum á Netinu til að hvetja til lesturs eins og t.d. hér. Einnig er Bókasafnið á Ísafirði með sitt árlega lestrarátak sem sérstaklega er ætlað 6-12 ára börnum og lýkur með uppskeruhátíð. Nánari upplýsingar má nálgast hér .

Við setjum okkur það markmið hér í skólanum að vera á landsmeðaltali í lestri. Því miður hefur það ekki náðst í vetur, en með góðu átaki í sumar og haust ætti árangur að nást. Æfingin skapar meistarinn í lestri jafnt og öðru og fátt betra en að njóta lestrar í sumarfríinu. Gleðilegt lestrarsumar - bæði börn og fullorðnir!

Útskrift

Tue, 28 May 2024 09:42:00 GMT

Útskrift nemenda verður föstudaginn 31.maí í Grunnskólanum. Útskrift hjá yngsta og miðstigi mun fara fram klukkan 11:00 en útskrift nemenda á unglingastigi verður klukkan 16:00.

Skólaslit Grunnskólans á Þingeyri 2024

Mon, 27 May 2024 14:04:00 GMT

Skólaslit G.Þ. verða fimmtudaginn 1. júní kl. 15 í Þingeyrarkirkju.Að lokinni athöfn mun Kvenfélagið Von sjá um kaffisölu í félagsheimilinu.

Einnig mun skólasýningin vera á sínum stað „á sal“ í skólanum til kl. 17:30.

Á milli kl. 17:30-18:00 sækja nemendur muni sína.

Allir velkomnir

Fréttir vikunnar 13. - 17. maí

Fri, 17 May 2024 12:54:00 GMT

Það er búið að vera nóg að gera hjá öllum þessa viku enda líður að lok skólaársins. Í gær fimmtudag var Litla íþróttahátíðinn haldin á Flateyri. Yngsta- og miðstig fóru þangað og skemmtu sér konunglega. Nemendur í 9. og 10. bekk eru búin að vera í skólaferðalagi þessa vikuna. Þau hafa farið í flúðasiglingar og kíkt til Vestmannaeyja svo eitthvað sé nefnt. Þau eru væntanleg heim seinnipartinn í dag.

Næsta vika verður nýtt í að klára það námsmat sem er eftir og einhverjir hópar fara í vorferðir.

Íþróttahátíð fámennu skólanna- Fjölgreindaleikar

Thu, 16 May 2024 11:04:00 GMT

Fimmtudaginn 16. maí var hin árlega íþróttahátíð fámennu skólanna á Norðanverðum Vestfjörðum haldin og var nú komið að okkur að bjóða heim og halda utan um skipulagið. Við ákváðum að hafa hátíðina í anda fjölgreindarleika þar sem reyndi á hina ýmsu hæfni. Fjölgreindirnar eru að minnsta kosti átta; málgreind, tónlistargreind, rök- og stærðfræðigreind, rýmisgreind, líkams-og hreyfigreind, samskiptagreind, sjálfsþekkingargreind og umhverfisgreind. Stillt var upp á sjö stöðvum og var þar meðal annars æfð samvinna, snerpa og samhæfing, kubb, golf, myndlist og ritun og má segja að komið hafi verið inn á flestar fjölgreindanna með einhverjum hætti. Það voru yfir 70 nemendur úr 1. - 7. bekk á Þingeyri, Suðureyri, Súðavík og Flateyri sem tóku þátt í leikunum og einning voru fjórir nemendur úr 8. bekk með en þau sáu um að taka á móti hópunum á stöðvum.

Eftir að fara á allar stöðvarnar fóru svo öll saman í sund og að lokum var boðið upp á grillaðar pylsur áður en gestirnir héldu heim á leið. Dagurinn tókst ljómandi vel

Skólaþing

Thu, 09 May 2024 20:25:00 GMT

Rýmingaræfing

Mon, 06 May 2024 10:36:00 GMT

Eitt af því sem þarf að gera reglulega er að æfa rýmingu skólans og var það gert í samvinnu við slökkviliðsmenn á Flateyri þann 6. maí. Við æfðum rýminguna tvisvar, annars vegar þegar allir nemendur voru í sínum stofum og fóru út um þann útgang sem næstur var, þ.e. yngir nemendur komust út um aðalinngang en eldri nemendur sem eru á efri hæðinni æfðu sig að fara niður brunastigann á svölunum. Sú rýming gekk fumlaust á vel innan við tveimur mínútum. Seinni rýmingin var æfð þannig að öll vorum við stödd á efri hæðinni og engin leið önnur en fara öll um brunastigann. Sú rýming reyndi meira á en öll fórum við niður að lokum með hvatningu og aðstoð.

Fræðsla um kvíða fyrir foreldra leik- og grunnskólabarna

Tue, 30 Apr 2024 10:48:00 GMT

Fræðslan fer fram í sal Grunnskólans á Þingeyri miðvikudaginn 8. maí kl. 16:30

Leiðbeinandi: Sólveig Norðfjörð sálfræðingur

Markmið með fræðslu er að foreldrar þekki einkenni kvíða og tileinki

sér hjálplegar leiðir til að auka sjálfstraust og takast á við kvíða.

Kynntar verða aðferðir til að hafa jákvæð áhrif á hegðun og

hugsunarhátt barna. Námskeiðið er ætlað foreldrum en starfsfólk leik-

og grunnskóla er velkomið að taka þátt.

Fræðsla um kvíða fyrir foreldra leik- og grunnskólabarna

Tue, 30 Apr 2024 10:48:00 GMT

Ísafjarðarbær býður foreldrum leik- og grunnskólabarna á fræðslu um kvíða í Fræðslumiðstöð Vestfjarða miðvikudaginn 31. maí kl. 20.

Markmið fræðslunnar er að foreldrar þekki einkenni kvíða og tileinki sér hjálplegar leiðir til að auka sjálfstraust og takast á við kvíða. Kynntar verða aðferðir til að hafa jákvæð áhrif á hegðun og hugsunarhátt barna og hvernig megi aðlaga daglegt líf að þörfum barna með kvíðaeinkenni. Námskeiðið er ætlað foreldrum en starfsfólki leik- og grunnskóla er velkomið að taka þátt, fræðslan er foreldrum og starfsfólki skóla að kostnaðarlausu.

Leiðbeinandi er Sólveig og Norðfjörð sálfræðingur

Nauðsynlegt er að skrá þátttöku með því að senda póst á gudrunbi@isafjordur.is .

Sumardagurinn fyrsti og starfsdagur

Wed, 24 Apr 2024 13:00:00 GMT

Á morgun fimmtudaginn 25. apríl er sumardagurinn fyrsti og því enginn skóli. Föstudaginn 26. apríl er starfsdagur hjá okkur og því ekki kennsla hjá nemendum. Þvi eru nemendur komnir í langt helgarfrí.

Óskum ykkur gleðilegs sumars og þökkum fyrir veturinn.

Púkafrétt,

Wed, 24 Apr 2024 10:11:00 GMT

Púkafrétt

Barnamenningarhátíð Vestfjarða Púkinn stendur nú yfir. Við í Grunnskóla Önundarfjarðar erum búin að taka viðtöl við Flateyringa og einn bónda í Önundarfirði til að leita að svari við spurningunni ,,Hvers vegna búum við hér“ sem er yfirskrift Púkans að þessu sinni. Við byrjuðum á því að taka ákvörðun um hvernig verkefni við vildum vinna í vikunni. Niðurstaðan var að gera myndband með viðtölum. Síðan sömdum við spurningarnar sem við vildum fá svör við. Við reyndum að finna ólíka viðmælendur, úr Grunnskóla Önundarfjarðar, úr Lýðskólanum, úr fjölskyldum okkar og aðra úr samfélaginu okkar.

Nemendur lærðu ýmislegt nýtt. Til dæmis að beina myndavélinni að þeim sem var að tala. Þau lærðu einnig á forritið cap cut sem er til að klippa myndbönd. Þau tóku upp á mörg tæki og þurftu svo að senda og safna á eitt tæki. Það þurfti mikla þolinmæði við að setja texta við öll viðtölin. Mesta áskorunin var að æfa sig að tala við fólk úr samfélaginu. Sum nefndu að það hafi verið dálítið erfitt að hafa úthald til að einbeita sér að verkefninu. Nemendur höfðu gaman að verkefninu og stóð þar upp úr að semja spurningarnar, taka viðtölin og þegar þau fengu einn viðmælandann til að leita að símanúmerum fyrir sig.

Það er ýmislegt gott við að búa á Flateyri og í Önundarfirði og sennilega erum við hér þess vegna. Þorpið er lítið. Hér eru engar biðraðir. Hér finnum við fyrir öryggi. Hér erum við nálægt náttúrunni, stutt í fjöruna og skóginn. Klofningur er merkilegur klettur og Holtsfjaran er æði. Það er hægt að labba ofan á A-inu. Hér höfum við leikskóla, grunnskóla og lýðskóla. Það er stutt í næstu bæjarkjarna. Við höfum frisbígolfvöll, körfuboltavöll, sparkvöll, leikvöll, ærslabelg, hjólabraut, skautasvell, sundlaug, íþróttahús, verslun, kaffihús, veitingastaði, skrifstofuhótel og bensínstöð. Hér höfum við líka skemmtilegt fólk og gæludýr.

Og svo er G.Ö. langbesti skólinn.

Púkakveðja frá nemendum Grunnskóla Önundarfjarðar

Fréttir vikunnar 15. - 19.apríl

Fri, 19 Apr 2024 12:13:00 GMT

Undirbúningur fyrir árshátíð er búin að vera í fullu gangi þessa vikuna. Nemendur lögðu sig vel fram í þessum undirbúningi. Það mátti síðan sjá afraksturinn á sýningunni í gær. Allir stóðu sig mjög vel og atriðin hjá öllum hópum mjög skemmtileg. Ballið var ekkert síðra, allir í góðu skapi og þau skemmtu sér vel.

Við erum mjög stollt af hópnum okkar eftir þessar sýningar og alla vinnunna sem þau hafa lagt í þetta.

Næsta vika verður í styttra lagi þar sem sumardagurinn fyrsti er á fimmtudeginum. Á föstudegi er starfsdagur þannig að það er enginn skóli hjá nemendum. Því eru bara 3 kennsludagar í næst viku.

Árshátíð

Tue, 16 Apr 2024 11:38:00 GMT

Fimmtudaginn 18. apríl verður Árshátíð Grunnskólans. Að venju verða 2 sýningar í boði, sú fyrri klukkan 17:30 og sú seinni kl:20:00. Eftir seinni sýningu verður diskótek fyrri nemendur.

Aðgangseyrir er 1500 kr. Frítt fyrir 15 ára og yngri.

Skólahald riðlast að sjálfsögðu af þessum sökum.

Hér er skipulag fimmtudagsins.

Enginn kennsla eftir hádegið.

Að seinni sýningu lokinni er diskótek til kl:22:00 hjá yngri (1. - 4. bekk) og 22:30 hjá þeim eldri (5. - 10. bekk)

Á föstudaginn hefst hefst skóli klukkan 10:20.

Árshátíð

Tue, 16 Apr 2024 11:38:00 GMT

Í gær var Árshátíð Grunnskólans haldin í Félagsheimili Súgfirðinga. Nemendur sýndu leikritið Dýrin í Hálsaskógi við góðar undirtektir áhorfenda. Eftir seinni sýningu var haldið ball og allir nemendur skólans voru vel virk á dansgólfinu og skemmtu sér konunglega. Við þökkum öllum þeim sem komu á sýninguna.

Fréttir vikunnar 18. - 22.mars

Fri, 22 Mar 2024 14:33:00 GMT

Vetur konungur lét heldur betur vita af sér þessa vikuna þar sem appelsínugular viðvaranir voru ríkjandi hér hjá okkur. Það hefur snjóað tölluvert hjá okkur og krakkarnir leika sér að fullu í snjónum á skólalóðinni. Að sjálfsögðu var skólinn opinn og margir létu sig hafa það að koma þó veðrið væri ekki sem best.
Á fimmtudaginn var páskabingó hjá okkur. Allir voru mjög spenntir fyrir því og lögðu sig fram við að fylgjast með tölunum á sínu spjaldi.

Nú hefst páskaleyfi hjá okkur en skólinn hefst að nýju miðvikudaginn 3.mars klukkan 8:00 stundvíslega.

Óskum nemendum og aðstandendum þeirra gleðilegra páska.

Árshátíðin að baki og páskafríið framundan

Fri, 22 Mar 2024 13:16:00 GMT

Á miðvikudaginn tókst okkur að halda árshátíðina okkar á milli vetrarlægða sem hafa sett strik í reikninginn í vikunni. Tókst hátíðin frábærlega vel. Mía í öðrum bekk samdi leikrit og fékk svo Izu í 4. bekk til að gerast meðhöfundur og leggja með henni lokahönd á handritið. Leikritið heitir Draugalega fótboltaferðalagið. Allir nemendur yngsta stigs léku eða sáu um að allt gengi upp á sviðinu en fengu einnig eldri nemendurna til að taka að sér hlutverk. Yngri nemendurnir sýndu einnig myndband sem sýndi hefðir og helgidaga sem þau hafa verið að læra um og fengu gesti til að giska á hvað væri um að ræða hverju sinni. Eldri nemendurnir gerðu grín að starfsfólki í myndbandi, léku pabba sína segja pabbabrandara á sviðinu, sáu um kynningu og leiki. Foreldrafélagið hélt uppteknum hætti og sá um að borð svignuðu af girnilegum veitingum.

Á mánudag og fimmtudag var appelsínugul viðvörun vegna veðurs sem hafði ekki teljandi áhrif á skólastarf fyrri daginn en í gær var veðrið heldur verra og meiri snjór búinn að safnast fyrir svo þau fáu sem mættu nutu öðruvísi skóladags þar sem gengið var frá eftir árshátíð, mikið var spilað og horft á mynd. Í dag voru svo öll mætt á ný og við lásum, skrifuðum saman ævintýri, föndruðum páskaskraut, leituðum að páskaeggjum um skólann og lásum málshættina saman.

Nú erum við farin í páskafrí og mætum aftur til starfa þriðjudaginn 2. apríl.

Gleðilega páska.

Skólahald vegna veðurs

Mon, 18 Mar 2024 07:00:00 GMT

https://www.isafjordur.is/static/files/ReglurOgSamthykktir/Skolamal/skolahald-og-vedurvidvaranir.pdf?fbclid=IwAR0gxl0Xc-S7dooTe0G5GnCvS_ND09pIo2T47xL4xM0CUd3YfHzSX-J9YIo_aem_AamJGLPVhL9hIGHcJQLHc-L0i4njmzr4QrUhV88lrxhZb7zEkS1Jl_C5I02OW4yIvFI

Árshátíðarundirbúningur

Fri, 15 Mar 2024 14:48:00 GMT

Þessa vikuna stendur yfir undirbúningur fyrir Árshátíð Grunnskóla Önundarfjarðar. Nemndur ætla að sýna atriði á sviði og á skjá og einnig að fá gesti til þátttöku í atriðum. Það er að mörgu að hyggja og ganga æfingar og annar undirbúningur vel og erum við spennt fyrir að taka á móti gestum miðvikudaginn 20. mars klukkan 18:30. Að vanda verður foreldrafélagið með fjáröflun og selur sínar margrómuðu veitingar.

Við hlökkum til að sjá húsið fyllast af gestum :)

Undanúrslit Stóru upplestrarkeppninnar

Fri, 15 Mar 2024 14:37:00 GMT

Í síðustu viku fóru undanúrslit Stóru upplestrarkeppninnar fram í G.Ö. Það voru 7. bekkingar frá Suðureyri, Þingeyri og Flateyri sem spreyttu sig á lestri úr bókinni Kennarinn sem hvarf eftir Bergrúnu Írisi, ljóði eftir Kristján frá Djúpalæk og loks ljóði að eigin vali. Öll stóðu þau sig með stakri príði en eftir milkla yfirlegu dómnefndar sem skipuð var Steinunni Ásu, Sigríði Júlíu og Erlu Margréti stóðu tveir verðugir fulltrúar eftir sem fara áfram í Stóru upplestrarkeppnina sem haldin verður á Þingeyri 11. apríl næstkomandi.

10. bekkur í heimsókn í MÍ

Wed, 13 Mar 2024 13:58:00 GMT

Í dag litu 10. bekkingar upp úr árshátíðarundirbúningi og skelltu sér á kynningu hjá Menntaskólanum á Ísafirði. En MÍ stendur árlega fyrir kynningu á námi og félagslífi fyrir 10. bekkinga á Vestfjörðum. Þar voru saman komnir tæplega 70 10. bekkingar úr grunnskólunum á norðanverðum Vestfjörðum. Skólastarfið var kynnt vel fyrir nemendum og einnig kynnti nemendaráð sig og sína starfsemi, því félagslíf framhaldsskólanema er jú stór partur af framhaldsskólalífinu.

Einnig var Háskóladagurinn fluttur vestur, því allir háskólarnir voru með kynningu á sínu námi fyrir menntskælinga og aðra gesti og nutu okkar 10. bekkingar góðs af því. Þó framhaldsskólinn sé auðvitað fyrst á dagskrá er gott að sjá hvað er í boði eftir 3-4 ár.
Að lokum fórum við svo á Vörumessu sem ungir frumkvöðlar í áfanganum Hugmyndir og nýsköpun sýndu afrakstur sinn.

Þetta var mjög skemmtilegur og fræðandi dagur.

Upplestrarkeppnin

Mon, 11 Mar 2024 08:56:00 GMT

Fimmtudaginn 7. mars var undankeppni Stóru upplestrarkeppninnar. Var hún haldin á Flateyri. Nemendur frá Þingeyri, Flateyi og Suðureyri tóku þátt. Það var Signý Þorlaug sem sigraði að þessu sinni og Emilía Emilsdóttir var í þriðja sæti. Nemendur stóðu sig allir mjög vel og erum við mjög stollt af þessum flotta hópi.

Loka keppnin verður haldin 11. apríl á Þingeyri.

Upplestrarkeppnin

Mon, 11 Mar 2024 08:56:00 GMT

Undankeppni stóru upplestrarkeppninnar var haldinn í dag í Grunnskólanum á Þingeyri. Nemendur í 7.bekk frá Suðureyri, Flateyri og Þingeyri öttu kappi með upplestri úr sögu og ljóðum. Tveir lesarar og einn varamaður voru valin af dómnefnd til að taka þátt í Stóru Upplestrarkeppninni sem verður haldin í Bolungarvík 16. mars nk. Tveir nemendur frá Grunnskólanum á Suðureyri komust áfram. Jósef Ægir var valinn sem lesari og Dawid Robert sem varamaður.

Gönguskíðadagur

Fri, 01 Mar 2024 12:47:00 GMT

Við gripum góðan dag í vikunni og fórum upp í Seljalandsdal á gönguskíði en við erum svo heppin að Íþróttafélagið Grettir hefur séð um að útvega gönguskíði sem við höfum til taks í skólanum. Núna eru til skíði og skór á alla nemendur skólans. Að fara á gönguskíði er svo frábær alhliða hreyfing. Stundurm þarf að erfiða við að komast áfram og stundum rennur maður áfram áreynslulaust en alltaf þarf að einbeita sér að jafnvæginu. Frábær dagur sem gaf okkur gleði, vellíðan, góða hreyfingu, seiglu æfingu og aukið sjálfstraust.Takk Grettir fyrir að gera þetta mögulegt, takk fyrir góðar móttökur starfsmenn gönguskíðasvæðisin í Seljalandsdal.

Fréttir vikunnar 19. - 23.febrúar

Fri, 23 Feb 2024 12:28:00 GMT

Vikan hefur gengið nokkuð vel. Bekkjarkvöld var haldið í gær hjá miðstigi, heyri ekki annað en það hafa gengið vel.

Í næstu viku verða nemendastýrð foreldraviðtöl hjá mið- og elsta stigi. Nemendur fengu blað í dag sem þau nota til að undirbúa sig fyrir viðtalið. Á mánudag fá þau síðan miða heim með tímasetningu viðtalanna. Mikilvægt er að foreldrar mæti.

Vona að þið eigið notarlega helgi.

kveðja Ása

Skólastarf fyrstu tvo mánuði ársins 2024

Wed, 14 Feb 2024 15:50:00 GMT

Heil og sæl

Nú erum við komin til starfa endurnærð eftir gott vetrarfrí. Það er margt sem við erum búin að áorka á fyrstu vikum ársins 2024. Við höfum haldið vel á spöðunum í lestrarnáminu og náðum því markmiði skólans að allir nemendur myndu bæta sinn eigin árangur og enn höldum við ótrauð áfram. Í umbótaáætlun okkar er eitt markmiðanna að bæta árangur hvers og eins nemanda í lestri. Foreldraviðtöl fóru fram í upphafi febrúar. Við steingleymdum að árið 2023 hafi verið rímspyllisár og þjófstörtuðum Þorra því 19. janúar. Á Öskudaginn eru hefðirnar hjá okkur að búa til Öskupoka í byrjun dags og taka þá svo með út í bæ þegar við förum og syngjum fyrir þau sem hafa ákveðið að taka á móti okkur með góðgæti. Við erum svo heppin að skautasvellið er alveg við skólann svo við getum nýtt það í námi og frímínútum. Íþróttafélagið Grettir hefur einnig aukið við gönguskíða eignina og núna höfum við skíði og skó fyrir alla nemendur en áður vorum við með fyrir yngri nemendurna. Veturinn hefur verið okkur hliðhollur hvað varðar snjó og frost svo það er líka búið að gera snjóhús og ýmis snjólistaverk. Við hugsum líka um smáfuglana sem eiga erfiðara með að finna sér æti þegar allt er frosi. Útbúnar voru fóðurstöðvar fyrir þá og fóru sumir með stöð heim til að fylgjast með þegar fuglarnir kæmu en aðrar vour hengdar upp nærri skólanum. Myndir segja meira en mörg orð og verður skólastarf fyrstu mánaða ársins hér rifjað upp með myndium og skýringum við þær.

Gleðilegt nýtt ár

Tue, 02 Jan 2024 16:15:00 GMT

Við bjóðum árið 2024 velkomið og þökkum nemendum, foreldrum og öðrum velunnurum skólans fyrir árið sem er liðið.

Við höldum ótrauð áfram með núverandi skólaár. Skóli hefst aftur eftir jólaleyfi fimmtudaginn 4. janúar kl. 10.

Starfsfólk mætir til vinnu þann 3. til að undirbúa og skipuleggja næstu önn.

Matseðill fyrir janúar er kominn hér inn á heimasíðu skólans.

Helstu fréttir af skólastarfinu eru þær að við höldum áfram að fara í íþróttir í staðinn fyrir sund.

Stefnt er að að því að viðgerð á sundlaug klárist í febrúar.

Verð á pr. máltíð hækkaði ekki núna um áramótin. Reikningar sem berast núna í janúar eru hærri vegna þess að við þá bætast áskriftir í ávexti og mjólk út maí.

Hlökkum til samstarfs á nýju ári

Starfsfólk G.Þ.

Desember

Wed, 20 Dec 2023 14:37:00 GMT

Desember mánuður hefur liðið hratt hjá okkur enda nóg um að vera. Dagana 4. - 5. desember voru föndurdagar hjá okkur.

Þann 14. desember skelltum við okkur síðan á jólasýningu í Turnhúsinu á Ísafirði. Þar fengu nemendur fræðslu um jólahald á árum áður. Einnig var þeim skipt í hópa og áttu að leysa lítið verkefni. Gekk það mjög vel hjá þeim. Að lokum gáfu nemendur sér tíma til að skoða sýninguna betur.

Í dag voru síðan Litlu jólin hér hjá okkur. Að venju komu jólaveinar í heimsókn og dönsuðu með krökkunum í kringum jólatréð.

Skólastarf hefst á nýju ári fimmtudaginn 4.janúar samkvæmt stundarskrá.

Við óskum ykkur öllum gleðilegrar jólahátíðar með kærri þökk fyrir árið sem er að líða.

Gleðileg jól

Tue, 19 Dec 2023 15:46:00 GMT

Í morgun fóru Litlu jólin í G.Þ. fram. Nemendur áttu rólega stund í sínum námshópum með umsjónarkennara og stuðningsfulltrúm. Meðal þess sem var gert var spila, leika og lesa. Smjattað var á góðgæti við kertaljós og skipst á litlum jólaglaðningum sem hver nemandi tók með sér í skólann. Að endingu var gengið í kringum jólatréð "á sal". Flestir voru í jólastuði, sungið var við undirleik Nonna sem gerði stundina ákaflega gleðilega. Söngurinn ómaði hátt og snjallt, engir aðrir en Stúfur og Hurðaskellir runnu á hljóðið.

Starfsfólk Grunnskólans á Þingeyri óskar nemendum og fjölskyldum þeirra gleðilegra jólahátíðar og bestu óskir um farsæld á nýju ári. Þökkum kærlega fyrir árið sem er senn á enda.

Rauðurdagur 15. desember kl. 9:30

Tue, 12 Dec 2023 09:26:00 GMT

Föstudaginn 15. desember er RAUÐURDAGUR í skólanum. Allir nemendur koma í einhverju rauðu. Foreldrar, ömmur, afar, frænkur, frændur og öðrum velunnurum er boðið í jóla huggulegheit kl. 9:30.

Nemendur tónlistaskólans ætla að spila og áhugasviðsverkefni verða til sýnis.

Boðið verður upp á heitt súkkulaði og sýrópskökur að hætti nemenda. Skóladagur nemenda lýkur eftir hádegismat.

Nemendur fara í Tarzan á fimmtudaginn (mikilvægt að hafa með sér íþróttatöskuna). Tarzan er fyrir löngu orðin hefð í aðdraganda jólanna hér í G.Þ. Þar er sett svolítð extra í eltingaleik og allir fá tækifæri til að uppfylla hreyfiþörf og losa spennu.

Hlökkum til að sjá ykkur

Helstu fréttir vikunnar 27. nóvember - 1. desember

Fri, 01 Dec 2023 14:21:00 GMT

Það er búið að vera nóg að gera hjá okkur hér í skólanum. Nemendur á mið - og unglingastigi voru að klára sínar smiðjur um efni sem þau völdu sjálf. Kynning var á fimmtudaginn en örfáir eiga eftir að kynna. Margt mjög áhugavert hjá þeim.

Þeir sem eru í vali í heimilifræði á fimmtudögum buðu foreldrum á kaffihús í Grunnskólanum á Ísafirði og heppnaðist það mjög vel.

Í dag 1. desmber var opið hús hér hjá okkur þar sem foreldrar voru velkomnir í heimsókn. Við þökkum þeim sem komust, það er alltaf gaman að fá ykkur í heimsókn.

Í dag var einnig dagur íslenskrar tónlistar og að því tilefni sungu nemendur á yngsta stigi með þeim systkinum í Celebs. Allir voru mjög duglegir að syngja.

Á mánudag og þriðjudag í næstu viku verða föndurdagr hjá okkur.

Nemendaþing

Tue, 28 Nov 2023 12:14:00 GMT

Í síðustu viku héldum við nemendaþing í skólanum í tilefni af Degi mannréttinda barna sem er 20. nóvember ár hvert. Þetta er í fyrsta sinn sem við sem nú störfum við skólann höldum nemendaþing en áður höfum við farið með nemendur á stórt nemendaþing sem haldið var af Ísafjarðarbæ og einnig tókum við þátt í einu nemendaþingi á Suðureyri. Yfirskrift nemendaþingsins okkar var Umburðarlyndi. Vinnan á þinginu var í formi hópavinnu og voru kennarar ritarar í hópunum. Eftirfarandi spurningum var svarað á þinginu:

1. Af hverju skiptir máli að líða vel í skólanum?
a) Hvað geta nemendur gert svo öllum líði vel í skólanum
b) Hvað getur starfsfólk gert svo öllum líði vel í skólanum?

2. Af hverju er umburðarlyndi mikilvægt í skólanum?

3. Hvernig myndar maður (býr maður til) jákvæða stemningu í skólastofunni?

Nemendaþingið gekk mjög vel og var gaman að sjá og heyra að öll tóku þátt í umræðunni. Þegar börnin voru spurð hver tilgangurinn væri með nemendaþingi, stóð ekki á svari: Til þess að raddir barna fái að heyrast.

Þegar búið var að fara hringinn og allir hópar höfðu svarað spurningunum var tekin umræða um skólasáttmálann okkar og settar niður á blað hugmyndir að því hvað þau vilja að sé í skólasáttmála og hvaða gildi er mikilvægt að endurspegli hann. Gildi Grunnskóla Önundarfjarðar eru gleði, virðing, metnaður og ábyrgð. Von bráðar verðum við búin að koma skólasáttmálanum upp á vegg.

Helstu fréttir vikunnar 20. - 24. nóvember

Fri, 24 Nov 2023 13:50:00 GMT

Foreldraviðtöl gengu vel í síðustu viku. Einnig viljum við þakka þeim sem mættu á flutning barnanna í tilefni degi íslenskrar tungu. Við erum mjög ánægð með mætinguna.

Þessi viku hefur allt gengið nokkurð, nemendur eru að vinna á fullu í áhugsviðsverkefnum en skil eru í næstu viku.

Á föstudaginn í næstu viku þann 1. desember verður opið hús hjá okkur. Foreldrar og aðrir aðstandendur eru hjartanlega velkomnir að kíkja inn í kennslustofur til barnanna. Einnig ætlum við að halda daginn smá hátíðlegan og mæta spariklædd í skólann í tilefni fullveldisdegi Íslands.

Opið hús á Degi íslenskrar tungu

Wed, 15 Nov 2023 17:00:00 GMT

Fimmtudaginn 16. nóvember kl. 13:30 verður opið hús í skólanum. Foreldrar og aðrir velunnarar skólans eru hjartanlega velkomnir. Opna húsið er loka viðburður þemadaga. Umfjöllunar efni þemadaga að þessu sinni e r Jafnrétti . Námshóparnir ætla að kynna niðurstöður sínar og sýna verkin sín. Kynningar hefjast stundvíslega kl. 13:30.

Dagur íslenskrar tungu

Wed, 15 Nov 2023 13:05:00 GMT

Í tilefni degi íslenskrar tungu þann 16. nóvember býður starfsfólk og börn Grunnsólans á Suðueyri foreldrum og aðstandendum að koma og hlusta á upplestur barnanna kl:10:10 þann dag.

Boðið verður upp á kaffi og með því að loknum lestri.

Lestrarátak - Lesember

Fri, 10 Nov 2023 13:36:00 GMT

Þennan mánuðinn stendur yfir lestrarátak hjá okkur í G.Ö. og kom þá upp sú frábæra hugmynd að kalla mánuðinn lesember. Við eigum von á fullt af nýjum bókum í hús eftir helgina og er þar á meðal ein eftir nágranna okkar hana Helen Cova, bókin Svona tala ég.

Í lesember er tekinn lestrarsprettur þar sem sami textinn er lesinn aftur og aftur og tíminn tekinn til að sjá hvað hægt er að bæta hraðann með endurtekningunni.

100 algengustu orðin eru á veggnum í stigaganginum og virkilega gaman að fara þangað og athuga hvað maður getur verið fljótur að lesa þau. Markmiðið er að læra að þekkja þau og gera að sjónrænum orðaforða, þ.e. orð sem við þurfum bara að sjá til að lesa en ekki hljóða okkur í gegnum. Markmið með tímanum er að ná að lesa öll hundrað á innan við mínútu.

Nemendur æfa sig einnig í að svara spurningum úr lesnum texta og auka þannig lesskilninginn.

Safarík orð eru tekin út úr textanum og merking þeirra krufin. Safaríkum orðum er safnað á tússtöflu í anddyri.

Leitað hefur verið að upplýsingum um höfunda. Það skiptir nefnilega miklu máli að þekkja góða rithöfunda til að auðvelda val á næstu bók til að lesa.

,,Nýyrði" Jónasar Hallgrímssonar hafa verið skoðuð og spáð í hvernig ný orð verða til og búin til ný orð á hluti sem við eigum ekki orð yfir.

Ritun á einnig stóran þátt í lesember. Skrifaðar hafa verið allskonar sögur og fleira.

Kaffihúsið verður í desember

Fri, 10 Nov 2023 13:29:00 GMT

Heil og sæl

Við settum okkar árlega kaffihús á dagskrá í nóvember þar sem við tengjum það oftast við dag íslenskrar tungu. Núna langar okkur til að prófa að hafa kaffihúsið á aðventunni og höfum þess vegna frestað því og verður það í byrjun desember. Nánari tímasetning og dagskrá verður auglýst þegar nær dregur.

Helstu fréttir vikunnar 30.október 3. nóvember

Fri, 03 Nov 2023 14:21:00 GMT

Þessi vika hefur gengið með ágætum, nemendur hafa unnið samkvæmt sínu áætlunum.

Halloween ball var haldið á síðasta þriðjudag og það var stuð og stemning á staðnum. Það var farið í leiki og allir skemmtu sér konunglega og margir mjög duglegir að dansa.

Fimmtudaginn 9. nóvember n.k. verður starfsmannadagur hjá Ísafjarðarbæ og allt starsfólk fer á Ísafjörð um hádegi þann dag. Kennslu lýkur því klukkan 11:30 og nemendur fara beint heim. Enginn matur þann dag.

Hrekkjavökuball í G.Þ.

Thu, 26 Oct 2023 15:04:00 GMT

Nemendaráðið ætlar að halda fyrsta ball skólaársins, þriðjudaginn 31. október kl.18-20.

Þemað er Hrekkjavaka eða Halloween.

Það kostar 500. kr inn á ballið.

Það má mæta með gos og smá gotterí. Hlökkum til að sjá ykkur.

Hvetjum alla til að mæta í búning!

Kveðja Nemedaráð G.Þ.

Haustfundur- góð mæting

Thu, 19 Oct 2023 18:47:00 GMT

Skólastjóri boðaði til haustfundar um skólastarfið miðvikudagskvöldið 18. október. Eitt af markmiðum skólastarfsins hefur verið að efla foreldrasamstarf og fundurinn liður í því. Starfsfólk skólans vill þakka öllum foreldrum sem mættu á fundinn fyrir góðan fund og þátttöku í samræðum um málefni barna bæði í skólanum og á Íslandi í dag.

Við viljum hrósa foreldrum fyrir þátttökuna en um 70% foreldra mætti á fundinn. Það þykir mjög gott bæði miðað við aðra skóla og undanfarin mörg mörg ár.

Við merkjum vilja fyrir samvinnu og vilja til róa í sömu átt. Líðan nemenda er s amfélagslegt verkefni þar sem allir þurfa að leggjast á eitt til að bæta (skóli, foreldrar, nemendur, sveitarfélag, stjórnvöld og fl.).

Efni fundarins var m.a. að kynna starfsmarkmið skólaársins. Leiðsagnarnám og innleiðing þess heldur áfram. Unnið verður með vaxtarhugarfar á þessu skólaári. Við ætlum líka að leggja áherslu á uppbyggingarstefnuna. Við sýndum bekkjarsáttmála og kynntum stefnuna. Við teljum að þessi markmið efli nemendur, bæti líðan þeirra og efli sjálfstraust.

Mál málanna voru rædd, símanotkun vs. símabann. Reglur skólans varðandi tækja notkun voru rifjaðar upp. Umsjónarkennarar ræddu nestismál, skólaferðalög, skipulag heimalestur og fleira í heimastofum.

Starfsáætlun skólans má finna hér

Fréttir vikunnar 16. - 19. október

Wed, 18 Oct 2023 13:47:00 GMT

Í dag var fyrsta nemendaþing vetrarins. Ákveðið var að taka fyrir reglur á skólalóðinni, í matsalnum og á gangi/í stiga. Nemendum var skipt í hópa og ræddu sín á milli. Í lokin kynnti hver hópur sínar niðurstöður. Það er alltaf gaman að sjá hvað nemendur eru dugleg að taka þátt og koma með hugmyndir.

Á morgun er starfsdagurr og vetrarfrí er síðan föstudaginn 20. og mánudaginn 23. október.

Eins og flestir vita hefur verið boðað til kvennaverkfalls þriðjudaginn 24. október. Þar af leiðandi verður skólinn lokaður þann dag.

Fréttir vikunnar 9. - 13. október

Sat, 14 Oct 2023 11:41:00 GMT

Íþróttahátíðin í Bolungarvík var haldin þessa vikuna en unglingastigið fór þangað. Veðrið var eitthvað að stíða okkur og því var tekin sú ákvörðun að sleppa ballinu að þessu sinni.

Það voru smiðjuskipti í þessari viku hjá yngsta og miðstigi, eins og undanfarin ár eru smiðjur kenndar í lotum. Að þessu sinni eru smiðjurnar smíðar, myndmennt og upplifun hjá yngsta stigi en smíðar og myndmennt hjá miðstigi.

Næsta vika verður stutt þar sem vetrarfrí hefst fimmtudaginn 19.október hjá nemendum.

Ólympíuhlaup ÍSÍ

Fri, 06 Oct 2023 13:58:00 GMT

Á miðvikudaginn tókum við þátt í Ólympíuhlaupi ÍSÍ og stóðum okkur öll með stakri príði, bæði nemendur og starfsfólk. Það er bara árangur nemenda sem má skrá til þátttöku og lögðu þau samanlagt 35 kílómetra að baki. Að hlaupi loknu fengu allir bleikan drykk hlaðinn orku úr ávöxtum og einnig vorum við svo heppin að yngra stigið var búið að vinna sér inn poppveislu og bauð öllum að vera með.

Örnefnaverkefni

Fri, 06 Oct 2023 12:08:00 GMT

Nú er örnenfnaverkefninu okkar formlega lokið. Verkefnið hófst með umræðum um eitt orð ,,örnefni" og hefur síðan leitt okkur áfram í ýmsar áttir. Í fyrstu voru talin upp örnenfni sem nemendur þekktu og sett á hugarkort, síðan var tekin gönguferð að útsýnispallinum og skífan skoðuð gaumgæfilega og staðir miðaðir út frá henni. Við þá skoðun komumst við að því að það þarf að rétta skífuna af því við lentum ekki alltaf á réttum stað miðað við nafn á skífunni. Í framhaldi af þeirri göngu vorum við svo heppin að fá Gumba með okkur í gönguferð en hann er sérleg fróður um örnenfin í Önundarfirði. Einnig voru skoðaðar loftmyndir og kort af firðinum. Nemendur segjast hafa lært ný örnefni í þessari vinnu og einnig kunnað nokkur áður en vinnan hófst. Yngri nemendurnir lögðu lokahönd á örnefnakortin sín í dag og taka þau með heim að loknum skóladegi. Á kortunum eru myndir af nokkrum stöðum og nafnið við, að sjálfsögðu með stórum stað því þau vita að örnefni er sérnafn. Eldri nemendurnir skreyttu veggi skólstofunnar með sínum kortum og myndum. Í sumum tilfellum er þekkt saga á bak við örnefnið en okkur fannst líka gaman að velta fyrir okkur af hverju einhver staður hefði það örnefni sem hann hefur og komu þá margar skemmtilegar tilgátur. Ein hugmyndin um Brimnes var að forsetinn hafi óttast flóð og látið vinnumenn hlaða vegg úr risastórum steinum og þá hafi Brimnesið verið nefnt. Aið fær sitt nafn af því að það er eins og bókstafurinn A og framtíð þess er talin vera sú að það verði stækkað til að auka öryggi.

Helstu fréttir vikunnar 25. - 29.september

Fri, 29 Sep 2023 12:00:00 GMT

Þessi vika hefur gengið vel og allt að verða komið vel af stað. Lestrarprófin kláruðust í þessari viku og eiga foreldrar því von á því að nemendur komi heim með lestrarmiða.

Námsefnakynning gekk vel og margir gáfu sér tækifæri til þess að ræða við kennara barna sinna um veturinn.

6. og 7. bekkur á miðstig er búið að vera í heimilisfræði í smiðjum. Í gær bökuðu þau marmaraköku sem heppnaðist mjög vel. Það er vika eftir af þessari smiðjulotu en ný heftst þann 9. október.

2. bekkur er búin að vera í textilmennt og hefur það gengið mjög vel. Þau voru að klára skrímslakarla og eru að fá að prufa að prjóna. Þeim finnst það mjög spennandi en samt smá erfitt.

Vona að þið hafið það sem best um helgina.

Ása

Skólafréttir

Fri, 22 Sep 2023 14:19:00 GMT

Í dag lauk Barnamenningarhátíðinni Púkinn sem staðið hefur yfir síðustu tvær vikur. Við fórum á lokahátíð sem haldin var í Edinborgarhúsinu á Ísafirði. Þar fengum við að sjá brot af því sem gert hefur verið um alla Vestfirði og síðan héldu Gunni og Felix uppi fjörinu og fengu okkur til að syngja og dansa sem var mjög skemmtilegt.

Í vikunni kláruðu krakkarnir að skrifa ,,Sumarið mitt - myndir og minningar" sem eru frásagnir út frá mynd úr sumarfríinu. Sögur yngra stigisin hanga í glugga skólans þar sem gestir og gangandi geta staldrað við og lesið ein einnig var sögum frá nemendum allra grunnskólanna safnað saman á vef Púkans pukinnhatid.is/smasogur þar sem gaman er að lesa um ólíkar upplifanir frá sumrinu.

Við fengum Völu frá Amnesty International í heimsókn til miðstigsins og kynnti hún samtökin fyrir nemendum, hin ýmsu mannréttindaþemu og mannréttindi í víðu samhengi.

Önnur heimsókn sem við fengum fyrir alla nemendur var frá Evu Rún Þorgeirsdóttur rithöfundi og Blæ Guðmundsdóttur teiknara en þær voru með verkefnið Svakalegar sögur sem er á vegum List fyrir alla. Þeirra innlegg var um það hvernig allir geta fengið hugmyndir og búið til sögur og hvers vegna það er mikilvægt að æfa ímyndunaraflið. Nemendur tóku þátt í að skapa sögupersónu sem fékk nafnið Rúbý AB og sömdu svo sögu hennar sem litaðist af allskyns ævintýrum.

Örnefnaverkefnið okkar varð umfjöllunarefni nemenda í frétt sem þau sendu til BB og má lesa hér Frétt frá Púkunum í Grunnskóla Önundarfjarðar . Eftir að fréttin af verkefninu birtist hafði áhugasamur heimamaður, Gumbi, samband og ætlar hann að fræða nemendur enn frekar um örnefni í nágrenninu. Það verður heldur betur spennandi að sjá og upplifa hvert þetta verkefni leiðir okkur.

Sýning krakkaveldis smiðju á Hrafnseyri

Wed, 13 Sep 2023 17:17:00 GMT

Barnamenningarhátíðin Púkinn komin í gang

Mon, 11 Sep 2023 10:32:00 GMT

Næstu tvær vikurnar hefur Barnamenningarhátíðin Púkinn heilmikil áhrif á skólastarfið hjá okkur. Við tökum þátt í allskonar verkefnum tengdum hátíðinni. Nemendur miðstigsins verða í fjóra daga á Þingeyri og Hrafnseyri og vinna þar að verkefninu Krakkaveldið sem snýst um að hanna Barnabæinn og svara spurningunni Hvernig væri heimurinn ef börnin réðu öllu? Þessu verkefni lýkur með sviðslistaverki á Hrafnseyri á fimmtudaginn kl 12:30 og hvetjum við ykkur til að líta þar við.

Við ætlum að læra dansspor hátíðarinnar sem Sigga Soffía danshöfundur hefur samið og vonandi setjum við inn myndband af okkur dansa það í fallegasta umhverfi veraldar, Önunarfirði.

Við ætlum að taka þátt í að skrifa smásögu, minningu frá sumrinu og ná að leggja okkar af mörkum í safn mynda og minninga.

Unglingurinn í skólanum fer á Ísafjörð og tekur þátt í smiðjunni Listsköpun með gervigreind.

Við ætlum að vinna verkefni tengt örnefnum. Skrifa sögu tengda örnefninu og útbúa kort sem leiðir gesti að sögunni.

Við fáum heimsókn frá List fyrir alla, Listasmiðjuna Svakalegar sögur.

Ótengt Barnamenningarhátíð koma samtökin Amnesti International einnig í heimsókn á þessu tímabili með fræðslu fyrir eldri hópinn okkar.

Við munum skirfa eina frétt frá skólastarfinu og fá hana birta í BB.

Við förum á Lokahátíð Púkans sem verður haldin í Edinborgarhúsinu og í Bolungarvík.

Það verður líf og fjör í skólastarfinu okkar að vanda og tökum við Barnamenningarhátíð á Vestfjörðum fagnandi og nær hún vonandi að festa sig í sessi. Við öll sem komum að henni munum læra heilmikið á þessari hátíð sem fór frekar bratt af stað á haustdögum en er orðin full af metnaðarfullum viðburðum.

Að lokum vil ég setja hér linkinn á hátíðina sem ég hvet ykkur til að skoða vandlega því það er svo margt frábært í boði utan skólatímans og um að gera að velja viðburði eftir áhugasviði: Púkinn barnamenningarhátíð (pukinnhatid.is)

Það er Vestfjarðastofa sem leiðir verkefni í samstarfi við alla grunnskólana og menningarstofnanir á Vestfjörðum. Verkefnið er styrkt af Barnamenningarsjóði.

Skólastarfið komið á fullt skrið

Fri, 01 Sep 2023 12:49:00 GMT

Nú er skólahald komið á fullt skrið hjá okkur og margt skemmtilegt framundan.

Skóli var settur mánudaginn 21. ágúst og í framhaldinu voru haldnir fundir með nemendum og foreldrum.

Talsverður stöðugleiki er í starfsmannahópnum og eru Sunna og Jóna að hefja sitt sjötta ár við skólann, Agata, Mekkín og Viktor sem öll eru í hlutastarfi eru að hefja sitt annað starfsár og Sigríður Anna bættist í hópinn nú í ágúst en hún hefur stýrt leikskólanum Grænagarði undanfarin tvö ár.

Fyrri vikan einkenndist af útikennslu og lék einstaklega gott veður þar stórt hlutverk. Hinn árlegi göngudagur var í þeirri viku og var hann nýttur í berjamó í skógræktinni. Á heimleiðinni fóru margir í fjöruna og sáu þar margt merkilegt. Umhverfi skólans var rannsakað vel og eru þar ýmis smádýr sem áhugavert var að skoða og fræðast um.

Íþróttir eru kenndar úti enn sem komið er en hefð er fyrir því að vera með útiíþróttir út september. Sundkennslan er einnig hafin.

Einn nemandi er á unglingastigi og sækir hann tíma í valgreinum einu sinni í viku á Ísafjörð.

Steinunn Ása kom til okkar fyrir hönd Vestfjarðastofu og kynnti fyrir okkur Barnamenningarhátíð Vestfjarða. Kosnign fór fram um nafn á hátíðina og urðu niðurstöður þær að nafnið Púkinn varð fyrir valinu.

Tveir nemendur fóru ásamt starfsmanni í skólabúðir UMFÍ á Reykjum í Hrútafirði og skiluðu sér alsælir heim í gærkvöld eftir frábæra daga þar, búnir að kynnast fjölda jafnaldra af Vestfjörðum. Einn nemandi fer svo í fermingarbúðir í Vatnaskógi í næstu viku.

Við höfum áreiðanlegar heimildir fyrir því að fljótlega verið boðið upp á starf í félagsmiðstöðinni fyrir unglinga á ný. Í fyrra sendu nemendur á miðstigi póst til Sviðsstjóra skólasviðs með fyrirspurn um möguleikann á að þau fái að komast í félagsmiðstöð og verður gaman að sjá hvernig hægt verður að útfæra starfið þegar það hefst.

Nokkrar myndir úr skólastafinu birtast hér með og segja meira en mörg orð.

Skólasetning 2023-24

Wed, 16 Aug 2023 12:43:00 GMT

Mánudagurinn 21. ágúst er skólasetningar dagur fyrir skólaárið 2023-24. Starfsfólk skólans er mætt til undirbúnings. Helstu fréttir af skólastarfinu er að okkur fjölgjar frá því í vor, nemendur við skólann verða 42 eins og staðan er í dag.

Tveir nemendur hefja nám í fyrsta bekk og viljum við bjóða Önnu og David hjartanlega velkomin í 1. bekk. 3 nýjir nemendur byrja í 2. bekk, 4. bekk og 6. bekk. Okkur hlakkar mikið til að kynnast þeim og hitta alla hina eftir sumarfrí.

Yngsta stig: 18 nemendur

Mið stig: 12 nemendur

Elsta stig: 12 nemendur

Umsjónarkennarar munu boða nemendur og foreldra/forráðamenn í viðtöl á setningardegi. Hvert viðtal tekur um 15 mín. Stundaskrár birtast á mentor en afhendast einnig í viðtölum ásamt fleiri upplýsingum.

Hægt er að vera í mjólkuráskrift og fá mjólk í nestis tíma. Einnig verður í boði að skrá sig í ávaxtabita sem boðið er uppá rétt fyrir kl. 11 hvern dag. Nemendur sem verða í mat þurfa að skrá sig í hádegismat. Skráningar fara fram í skólanum á mánudaginn.

Sjáumst á mánudaginn

Starfsfólk Grunnskólans á Þingeyri

Skólasetning Grunnskóla Önundarfjarðar

Tue, 15 Aug 2023 14:42:00 GMT

Skólasetning Grunnskóla Önundarfjarðar fer fram í sal skólans mánudaginn 21. ágúst kl. 10:00.

Að setningu lokinni fara nemendur og foreldrar með umsjónarkennurum í bekkjarstofur.

Einstaklingsviðtöl nemenda á yngsta stigi fara fram í vikunni 21. -25. ágúst og er foreldrum bent á að bóka tíma á mentor.

Skólasetning Grunnskóla Önundarfjarðar

Tue, 15 Aug 2023 14:42:00 GMT

Skólasetning Grunnskóla Önundarfjarðar fer fram mánudaginn 22. ágúst kl 10:00.

Nemendur og foreldrar mæta þá og hitta starfsfólk skólans og farið verður yfir starf komandi vetrar.

Nemendur 1.-3. bekkjar mæta í kennslustofu á neðri hæð og nemendur 4. -7. bekkjar í kennslustofu á efri hæð.

Eftri kynningu umsjónarkennara verða stutt einstaklingsviðtöl og boðið upp á léttar veitingar á ganginum á meðan.

Hlökkum til að sjá ykkur

Sunna, Jóna og Mekkín

Skólaárið 2022-2023 lokið

Tue, 13 Jun 2023 13:49:00 GMT

Skólaárinu lauk með skólaslitum 1. júní sl. Útskriftarathöfn var í kirkjunni þar sem skólastjóri fór yfir helstu afrek og viðburði skólaársins. Einnig hvatti hann nemendur og foreldra til að vera ábyrgir notendur þegar kemur að skjátíma. Skólastjóri minntist einnig á gervigreind og tækifæri til menntunar, en Grunnskólinn á Þingeyri vill mennta börn til framtíðar ekki fortíðar. Umsjónarkennarar afhentu nemendum vitnisburð og nemendur í tónlistarskólanum komu fram. Einn nemandi í 10. bekk lauk formlega sinni grunnskólagöngu sem er ávallt ákveðin tímamót í lífi hvers og eins. Við óskum Kristjönu Rögn til hamingju með áfangann og óskum henni gæfu og gleði í framtíðinni. Eftir athöfnina í kirkjunni var veglegt skólaslitakaffi Kvenfélagsins Vonar í Félagsheimilinu og handverka sýning með verkefnum nemenda í skólanum. Það var sannarlega hátið í bæ þennan dag.

Skólastarf hefst aftur mánudaginn 21. ágsút með skólasetningu "á sal". Nemendur og foreldrar verða einnig boðaðir í nemendaviðtöl þann dag.

Samþykkt skóladagatal fyrir skólaárið 2023-24 er hér

120 skólaslitin

Wed, 31 May 2023 13:50:00 GMT

Á morgun fimmtudaginn 1. júní kl 17:00 fara fram 120. skólaslit skólans okkar. Verða þau með hátíðlegum brag og boðið upp á kaffi og köku. Nemendur spila á hljóðfæri og lesa upp sögu. Hlökkum til að sjá sem flesta gesti.

Skólaslit Grunnskólans á Þingeyri 2023

Fri, 12 May 2023 08:32:00 GMT

Skólaslit G.Þ. verða fimmtudaginn 1. júní kl. 15 í Þingeyrarkirkju.Að lokinni athöfn mun Kvenfélagið Von sjá um kaffisölu í félagsheimilinu.

Einnig mun skólasýningin vera á sínum stað „á sal“ í skólanum til kl. 17:30.

Á milli kl. 17:30-18:00 sækja nemendur muni sína.

Allir velkomnir

Vorgangan 2023

Tue, 09 May 2023 10:38:00 GMT

Sl. ár höfum við gengið Vorgöngu. Markmið Vorgöngunnar er að tengja saman börnin í skólunum á Þingeyri, leik,-og grunnskóla. Viðburðurinn er hluti af "Brúum bilið" sem er sameiginlegt verkefni G.Þ. og Laufás sem ætlað er að búa börnin undir skólagöngu á næsta skólastigi og efla tengingu skólanna.

Markmiðið Vorgöngunnar er að vera sýnileg í samfélaginu ásamt því að leyfa eldri borgurum þorpsins sem dvelja á Tjörn að sjá barnafjöldann og vera í tengslum við dvalarheimilið. Börnin hafa tekið lagið á pallinum við Tjörn og auðvitað er "Vertu til er vorið kallar á þig" heppilegasta lagið fyrir þennan viðburð.

Föstudaginn 5. maí fórum við í vorgönguna á þessu skólaári. Gangan var mjög fjölmenn að þessu sinni vegna þessa að skólagestir G.Þ. frá Lettlandi og Litháen voru þátttakendur í göngunni. Sungið var á íslensku, lettnesku og litháensku.

Vertu til ef vorið kallar á þig, njótið vorsins

Sveitaferð miðstigs

Thu, 04 May 2023 08:35:00 GMT

Miðstigið skellti sér í sveitaferð í Dýrafjörðinn, nánar tiltekið í Hjarðardal þar sem sonur umsjónarkennarans er bóndi. Nemendur fengu fræðslu um verkefni sauðfjárbóndans í sveitinni. Sauðburður er hafinn í Hjarðadal og nemendur fengu að kynnast lömbunum sem komin eru.

Umsjónarkennari grillaði hamborgara í hádegismat og krakkarnir skoðuðu nánasta umhverfi sveitarinna. Þessi ferð heppnaðist afskaplega vel og haft var á orði að í sveitinni væru allir vinir.

Plokkdagurinn

Fri, 28 Apr 2023 14:30:00 GMT

Plokkdagurinn

Í þessari viku var umhverfisvika hjá okkur í Grunnskóla Önundarfjarðar. Við fórum í fjöruna og tíndum upp rusl og flokkuðum það. Við tíndum líka rusl í kringum skólann, sundlaugina og við ærslabelginn. Það var skemmtilegt úti og svo fengum við kakó. Á sunnudaginn verður Stóri plokkdagurinn og hvetjum við ykkur öll til að sækja ykkur poka við Vagninn kl 11:00 á sunnudagsmorguninn og skila honum fullum af rusli við glergáminn við sundlaugina. Það er mikilvægt að tína upp rusl til að það verði fínt og snyrtilegt í umhverfinu okkar og svo dýrin borði ekki ruslið. Öll ættu að reyna að koma því að það verður gaman, kannski fáið þið líka kakó ;)

Frétt skrifuð af miðstigi Grunnskóla Önundarfjarðar

Árshátíð Grunnskóla Önundarfjarðar 2023 og Sílaball

Tue, 28 Mar 2023 12:55:00 GMT

Árshátíðin okkar verður haldin í húsnæði grunnskólans miðvikudaginn 29. mars kl 17:00. Þemað er lífríki jarðar og hafa nemendur og starfsmenn útbúið skemmtilega leikþætti í anda þess sem verða sýndir á tjaldi og á sviði.

Foreldrafélagið selur veglegar veitingar á sanngjörnu verði svo enginn þarf að elda kvöldmat heima, 1.500 krónur fyrir fullorðna. Börn á leik og grunnskólaaldri fá frítt.

Þegar skemmtiatriðum lýkur höldum við gleðinni áfram til kl 19:30 með dansi, söng og leik en það er hin ævaforna hefð hér að halda Sílaball fyrir yngri kynslóðina.

Við hlökkum til að sjá foreldra, afa og ömmur og aðra ættingja auk annarra velunnara skólans á Árshátíð Grunnskóla Önundarfjarðar 2023.

Fréttir af skólapeysum

Tue, 28 Mar 2023 08:11:00 GMT

Sæl öll.

Samkvæmt nýjustu fréttum þá er von á að skólapeysurnar okkar fari í merkingu vikuna eftir páska. Við getum því átt von á þeim jafnvel vikuna eftir það.

Fréttir af skólastarfi - 24. mars 2023

Fri, 24 Mar 2023 13:40:00 GMT

Í vikunni hafa nemendur og starfsfólk unnið af kappi að undirbúningi árshátíðar en hún fer fram í húsnæði skólans miðvikudaginn 29. mars frá kl 17:00. Sílaballið er gömul hefð sem við höldum í og heldur skemmtunin því áfram að loknum skemmtiatriðum fram til 19:30 með dansi, söng og leik.

Foreldrafélagið selur veglegar veitingar á sanngjörnu verði og mun ágóðinn renna í eitthvað skemmtilegt fyrir krakkana.

Hér læt ég nokkrar myndir af undirbúningi fylgja með en þar sést hversu fjölbreytt nám er að baki einnar árshátíðar.

Bestu kveðjur og góða helgi

Sunna

matseðill vikuna 27. -31. mars.

Fri, 24 Mar 2023 08:03:00 GMT

Mánudagur: Grautur, brauð

Þriðjudagur: Soðinn fiskur, kartöflur, salat

Miðvikudagur: kjötfarsbollur, kartöflur og grænmeti

Fimmtudagur: Kjötsúpa

Föstudagur: Steiktur fiskur, sósa og salat.

9. og 10. bekkir fóru í náms- og menningarferð til Reykjavíkur

Tue, 21 Mar 2023 13:26:00 GMT

Farið var að morgni miðvikudagsins 15. mars með “skólabíl” – 5 vaskir nemendur, umsjónarkennari og náms- og starfsráðgjafi. Leiðin lá til Reykjavíkur þar sem fara átti á Íslandsmeistaramót í iðn- og verkgreinum og framhaldsskólakynningar sem fóru fram í Laugardalshöll og eru til að sjá að það eru óþrjótandi möguleikar á því hvað maður vill gera í framtíðinni og leggja stund á. Hér má sjá smá myndband af hátíðinni. https://www.youtube.com/watch?v=xaOQnFG5Hyw

Þar sáu krakkarnir margt áhugavert og marga þátttakendur og þeir áhugasömustu kynntu sér margs konar námsframboð. Einnig var farið í Alþingishúsið og þar fengum við leiðsögn um húsið, fórum í Vísindasmiðju Háskóla Íslands og hittum Sprengju-Kötu og aðra efna/eðlisfræðinga sem sögðu okkur frá því hvað vísindi geta verið skemmtileg. Þar mátti líka fikta og prufa ýmislegt. Við fórum líka í Perluna á sýningu um lífríkið í fersku vatni á Íslandi.
En þetta var ekki bara námsferð, heldur brugðu krakkarnir sér á skauta í Egilshöllinni og við fórum líka í keilu á sama stað. Þar var sett upp keppni milli nemenda í G.Þ., nemenda í G.S. (en 9. og 10. bekkur Grunnskólans á Suðureyri fór líka í þessa ferð ásamt kennurum þar) og kennaranna í ferðinni. Þar skemmtu allir sér konunglega og sýndu ýmis tilþrif. Keppnisskapið tók sig aðeins upp og það var bara gaman. Síðan var haldið heim á leið upp úr hádegi á föstudeginum 17. og allir kátir og glaðir með ferðina.
En svona ferð kostar sitt og ekki hægt að fara í svona ferðir nema fá einhvers staðar styrki. Við vorum svo heppin að Artic fish styrkti ferðina um 100.000 kr. og erum við þeim mjög þakklát fyrir það. Gott að eiga góða að.

Margar myndir voru teknar í ferðinni til að varðveita minningar – og hér má sjá nokkrar þeirra.

Mín Framtíð 2023

Thu, 16 Mar 2023 13:58:00 GMT

Vel hefur gengið hjá nemendum okkar í 9. - 10.bekk á ferð sinni til Reykjavíkur á sýninguna Mín Framtíð. Þar eru 30 framhaldsskólar að kynna sitt námsframboð. Einnig er á sama tíma haldið Íslandsmót Iðn- og verkgreina. Grunnskólinn á Þingeyri er einnig með í för. Hópurinn fór að skoða Alþingi í dag.

Skipulag vegna framkvæmda

Wed, 15 Mar 2023 17:14:00 GMT

Skólinn verður lokaður mánudag til miðvikudags í næstu viku á meðan kennara og starfmenn pakka niður skólanum og undirbúa hann fyrir framkvæmdir. Kennsla hefst á nýjum stað fimmtudaginn 23. mars.

Yngsta stig

Fáum aðra deildina á leikskólanum. Flytjum borð, stóla og námsgögn með okkur- þurfum jafnvel aðstoð við það.

Linda og Adda verða stuðningsfulltrúar þar

Miðstig

Fara í Sunnuhlíð eða Bjarnaborg?

Gerum nýja stundatöflu utan um starfsemi sem er nú þegar í Sunnuhlíð ef við förum þangað.

Frímínútur geta verið á sumarróló og skólalóð

Emilia verður stuðningsfulltrúi

Hádegismatur í leikskólanum kl 12

Unglingastig

Fjarkennsla

Mataráskrift fellur niður

Íþróttir og sund helst óbreytt

Nýleg rannsókn um notkun spjaldtölva í námi

Tue, 14 Mar 2023 15:32:00 GMT

Þar sem við notun spjaldtölvur í kennslu hjá okkur vildi ég benda ykkur á nýja rannsókn sem Háskóli Íslands var að gera um notkun spjaldtölva í námi.

"Sem dæmi um niðurstöður má nefna að nemendur eru yfirleitt ánægðir og áhugasamir um nám með spjaldtölvum og spjaldtölvunotkun eykur persónulega færni og lykilhæfni af ýmsum toga. Flestir kennarar telja spjaldtölvur koma að miklu gagni við einstaklingsmiðað nám og með innleiðingu þeirra hefur stafrænum verkfærum til náms fjölgað. Nemendur eru sjálfstæðari við nám og val nemenda hefur aukist á námsefni og við upplýsingaleit. Jafnframt hefur sköpun eflst í flestum námsgreinum með tilkomu spjaldtölvanna."

https://www.kopavogur.is/is/frettir-tilkynningar/category/1/notkun-spjaldtolva-i-nami-rannsokud-1?fbclid=IwAR1iI1tU16RiqePTq0jnpoMnAnv6RbJmcMjmjHXwyrZ6DAv2EFjJWm87P4k

Bætt nethegðun

Tue, 14 Mar 2023 09:13:00 GMT

Bætt nethegðun

Lalli Töframaður heimsótti 5. - 10. bekk í dag og fræddi þau um bætta nethegðun.

Verkefnið SmartBus, unnið af Insight og Huawei í samstarfi við Heimili og Skóla og SAFT, hefur verið í gangi frá árinu 2020. Verkefnið hefur það að markmiði að vekja nemendur til umhugsunar um hegðun sína og líðan á netinu. Með upplýsingum, myndum og spurningum eru þátttakendur látnir velta fyrir sér tækifærum og áhættu sem þeir upplifa í stafrænu umhverfi og hvernig þeir eiga samskipti við aðra í þessu rými.

Könnun SmartBus skilar okkur mjög góðum upplýsingum um hegðun barna 11 til 15 ára á netinu. Síðan árið 2020 hafa rúmlega 2000 nemendur svarað könnuninni, og niðurstöður verið greindar í tveimur skýrslum. Könnunin hjálpar SAFT, Heimili og Skóla, og öðrum hagsmunaraðilum að skilja stöðu barna á Íslandi hvað varðar áhættsama hegðun á samfélagsmiðlum, kunnáttu barna um netöryggi og um réttindi annarra, miðað við börn á öðrum Norðurlöndum. SmartBus er framkvæmt í Finnlandi, Svíþjóð (árið 2023), Hollandi og Belgíu.

Til hamingju nemendur í G.Þ.

Mon, 13 Mar 2023 13:49:00 GMT

Sl. fimmtudag var árshátíð skólans haldin í Félagsheimilinu á Þingeyri. Í ár var "lítil" árshátíð þar sem hvert stig setti upp sína eigin sýningu. Yngsta stig lék frumsamið leikrit um hina úrræðagóðu Hvolpasveit. Mið stig sýndi frumsamið leikverk um hin margrómaða Stígvélaða kött. Elsta stig setti metnaðinn í botn og sýndi hið bráðskemmtilega leikrit Mama Mía.

Ekki má gleyma yndislegum söng barnanna á Laufási en þau sungu knúslagið og Komdu kisan mín á morgunsýningunni.

Starfsfólk skólans óskar öllum nemendum til hamingju með sína frammistöðu. Margir fóru algjörlega út fyrir sinn þægindaramma. Nemendur sungu, bættu sig í framsögn, töluðu hátt/hærra og sumir settu mikla tilfinningu í hlutverk sitt sem gerði afraksturinn að enn meiri sigri. Heldur betur er hægt er að tengja gildi skólans: Gleði, ábyrgð, samheldni og virðingu við vinnu að árshátíðinni en það var gríðarlega gaman að sýna gestum árshátíðarinnar afrakstur þessarar vinnu.

Takk allir fyrir komuna.

Matseðill 13. - 17. mars

Mon, 13 Mar 2023 12:17:00 GMT

Mánudagur: Bjúgu, jafningur og kartöflur

Þriðjudagur:Fiskur, grjón og salat

Miðvikudagur: Svikinn héri, kartöflumús og salat

Fimmtudagur: Grænmetissúpa og brauð

Föstudagur: Soðinn fiskur og grænmeti.

Undankeppni Stóru upplestrarkeppninnar

Mon, 06 Mar 2023 12:27:00 GMT

Í dag fór fram undankeppni Stóru upplestrarkeppninnar í 7. bekk. En hún er árviss viðburður í skólastarfinu. Þá sýna nemendur í 7. bekk afrakstur æfinga sem formlega byrja á Degi íslenskrar tungu, þann 16. nóvember. Þeir hafa æft upplestur á alls kyns textum bæði í bundnu og óbundnu máli.

Keppendur voru 6; 2 frá Grunnskólanum á Þingeyri, 3 frá Grunnskólanum á Suðureyri og 1 frá Grunnskóla Önundarfjarðar.

Kennarar og miðstig skólanna þriggja voru gestir og dómarar voru Sigmundur Þórðarson, Elfar Logi Hannesson og Hildur Inga Rúnarsdóttir.

Lesendur lásu sögubúta og ljóð og gerðu það mjög vel. En eins og alltaf þarf að velja fulltrúa til að fara og lesa á lokahátíðinni og að þessu sinni voru valdir 2 aðalmenn; þau Jósef Ægir Vernharðsson frá Grunnskólanum á Suðureyri og Auður Alma Viktorsdóttir frá Grunnskólanum á Þingeyri. Varamaður er Dawid Robert Szlabowski frá Grunnskólanum á Suðureyri. Kómedíuleikhúsið veitti öllum lesendum viðurkenningu, ljóðabókina Allir dagar eiga kvöld sem eru valin ljóð Stefáns frá Hvítadal. Við þökkum kærlega fyrir það.

Lokakeppni Stóru upplestrarkeppninnar mun svo fara fram í Bolungarvík fimmtudaginn 16. mars næst komandi og þangað eru allir velkomnir.

Það er alltaf smá stress sem fylgir því að koma fram og lesa fyrir áhorfendur og áheyrendur - en það er einmitt einn liður í skólastarfinu að þjálfa framsögn og upplestur. Í mínum augum eru allir sigurvegarar og við erum alltaf ótrúlega stolt af lesendunum okkar. Við óskum öllum lesendum til hamingju með sig - við þökkum dómurum fyrir þeirra vinnu og þökkum gestum fyrir komuna.

Fréttir af fjölbreyttu skólastarfi 3. mars 2023

Fri, 03 Mar 2023 20:21:00 GMT

Í hverri viku senda umsjónarkennararnir metnaðarfullan vikupóst til foreldra þar sem farið er yfir það helsta sem hefur einkennt námið þá vikuna. Þemað sem báðir hópar eru að vinna með núna er lífríki jarðar en til að upplýsa ykkur betur byggi ég þessa frétt á póstum umsjónarkennaranna:

Af yngra stiginu er þetta helst í fréttum:

Í þessari viku höfum við verið að vinna með lífríki jarðar-dýr. Þau völdu sér öll eitt dýr og fundu upplýsingar um það. Í stærðfræði erum við að vinna með mælingar og höfum við verið að mæla bæði úti og inni. Við munum samþætta þá vinnu með dýraverkefninu og mæla hæð okkar og svo hæð dýranna. Það verður skemmtilegt að komast að því hvað dýr eru minni en við og hvaða dýr stærri. Spurning hvort að öll dýrin komist inn í skólann? :)
Við hlóðum líka niður nokkrum dýraleikjum inn á I-pad og eitt þeirra var á dönsku, DR naturspillet og vakti það mikla lukku. Við unnum með ritun og æfðum okkur í að skrifa litlu stafina. Mjög metnaðarfullir og duglegir krakkar.
Veðrið hefur leikið við okkur hefur uppáhalds leikurinn þessa vikuna verið að drullumalla.

Af miðstiginu er þetta helst í fréttum:

Í þessari viku höfum við verið að æfa okkur í framburði og upplestri. Einnig höfum við tekið góðan tíma í vélritunaræfingar. Í íslensku höfum við verið mikið í ritun, einnig lærðum við um og bjuggum til okkar eigin hækur. Í stærðfræði erum við búin að læra tölfræði á fjölbreyttan hátt. Í ensku, dönsku og náttúrufræði höfum við verið að læra um lífríkið og þá sérstaklega dýr. Öll völdu sér dýr og fundu upplýsingar um það. Við héldum áfram í miðlalæsi í vikunni og ræddum um aldurstakmörk á samfélagsmiðlum. Í smíðum eru þau að smíða kassabíla, en stefnt er að kassabílarallýi þegar tekur að vora. Í myndmennt héldum við áfram að vinna grafíkverk. Auk þess prufuðum við að skrifa á ritvél og fjölrita með hectographi.

Matseðill 6. - 10. mars

Fri, 03 Mar 2023 12:52:00 GMT

Mánudagur: Lasagna, kartöflur, salat

Þriðjudagur: Soðinn fiskur, kartöflur, grænmeti

Miðvikudagur: Kjötbollur, kartöflumús, salat og sósa

Fimmtudagur: Makkarónugrautur, brauð

Föstudagur : Plokkfiskur, rúgbrauð og salat

Árshátíð G.Þ

Fri, 03 Mar 2023 11:46:00 GMT

Undirbúningur fyrir árshátíðina stendur nú af fullum krafti. Að þessu sinni er "lítil" árshátíð þar sem hver námshópur er með sitt atriði. Yngsta stig ætlar að setja á svið leikrit um hina vinsælu Hvolpasveit. Mið stig fór í handrita smíði um Stigvéla köttinn og elsta stig ætlar að skella upp leikverkinu Mama Mia. Á fyrri sýningu munu einnig börnin á Laufási syngja.
Mikil samvinna allra á sér stað við undirbúninginn. Nemendur sjást um allan skóla niðursokknir við undirbúning og æfingar; dans, söng, leik og fleira. Nemendur byrjuðu í þessari viku að æfa í félagsheimilinu. Flestir taka þessari tilbreytingu frá hefðbundnu skólastarfi fagnandi.

Árshátíðin verður svo í Félagsheimilinu fimmtudaginn 9. mars. Að venju verða tvær sýningar; sú fyrri hefst kl. 10:00 og sú síðari kl. 19:30. Allir eru velkomnir.

Matseðill 27.02-03.03

Sun, 26 Feb 2023 17:33:00 GMT

Mánudagur: Grjónagrautur og brauð

Þriðjudagur: Soðinn fiskur, kartöflur og salat

Miðvikudagur: Píta

Fimmtudagur: Snitsel, kartöflur og salat

Föstudagur: Steiktur fiskur, sósa, salat og kartöflur.

Réttu orðin -spjöllum um klám

Wed, 15 Feb 2023 20:18:00 GMT

Í framhaldi af viku 6 hvetjum við foreldra til að ræða við börn sín um klám til að efla heilbrigða kynhegðun. Elsta stig tók þátt í viku 6 sem fól í sér kynfræðslu og umræðu á hverjum degi. Mið stig fékk í síðustu heimsókn Telmu skólahjúkrunarfræðings fræðslu um kynheilbrigði. Forvitni barna og unglinga um kynlíf er heilbrigð og eðlileg. En klám er hins vegar ógn við kynheilbrigði ungs fólks. Mörgum foreldrum þykir tilhugsunin um að taka samtal um klám við barnið sitt ógnvekjandi eða vandræðaleg. Því urðu til eftirfarandi leiðbeiningar, m.a. byggðar á rýnihópaviðtölum við foreldra, nýjustu rannsóknum og reynslu fagfólks.

Hvert ungmenni ætti að búa við frelsi til að upplifa sig sem kynveru, óháð viðmiðum klámefnis sem framleitt er sem söluvara en ekki kynfræðsla. Klámframleiðendur eiga ekki að hafa það vald að kenna krökkum til hvers er ætlast af þeim sem kynverur (Stígamót.is)

Inn á stigamot.is má finna gott efni sem styrkir foreldra til að taka þessi mikilvægu samtöl um klám og kynheilbrigði við börnin sín. Hé r má einnig finna myndband fyrir foreldra með góðum ráðum.

Samstarfsverkefni Stígamóta, Frístundamiðstöðvarinnar Tjarnarinnar, Jafnréttisskólans, Menntavísindasviðs Háskóla Íslands og Rannkyn.

Bókaverðlaun barnanna 2023

Tue, 14 Feb 2023 13:17:00 GMT

Nú mega börn á aldrinum 6 til 12 ára byrja að kjósa í Bókaverðlaunum barnanna en kosning stendur til 20. mars.

https://forms.office.com/Pages/ResponsePage.aspx?id=4wvtav-mbEyDtbtyvdEAiAZuUYzdG6FEkmr3kOFrY-BUNE03OU5UTElJSDhGSFU1WFRHMjhGN1BGTiQlQCN0PWcu

Matseðill 15. - 22. febrúar

Tue, 14 Feb 2023 12:53:00 GMT

Miðvikudagur: Lambagúllas, kartöflumús og salat.

Fimmtudagur: Gulrótar-og kókos súpa og brauð

Föstudagur: Gratin fiskur, salat og kartöflur

Mánudagur: Fiskibollur og kartöflur, grænmeti

Þriðjudagur: Saltkjöt og baunir, túkall

Miðvikudagur: Kjúklingaréttur, salat og grjón.

Fimmtudagur: Vetrarfrí

Föstudagur: Vetrarfrí.

Íþróttafélagið Höfrungur gefur G.Þ. og Laufási gönguskíði

Fri, 10 Feb 2023 16:16:00 GMT

Íþróttafélagið Höfrungur gaf G.Þ. og Laufási veglega gjöf sem var afhent formlega í tómstund í dag. Gjöfin var m.a. styrkt af Byggðarþróunarverkefninu Öll vötn til Dýrafjarðar. 18 gönguskíði og skór munu nýtast báðum skólunum við heilsueflingu og eykur fjölbreytni og möguleika á hreyfingu og útivist.

Nú er bara að vona að snjórinn haldist aðeins hjá okkur og sólin fari að skína svo börnin geti notið þessarar veglegu gjafar sem við erum afar þakklát fyrir. Báðir skólarnir eru með fasta tíma í vikuskipulagi sínu þar sem gönguskíðin geta nýst vel. Á Laufási eru börnin í skipulögðu útinámi einu sinni í viku og 3.-4. bekkur er með fastan tíma á fimmtudögum í útkennslu. Elstu börnin á Laufási og 1.-4. bekkur hittast einnig 1x í viku á föstudögum í tómstund sem Kristín Harpa og Guðrún Snæbjörg sjá um og er liður í Brúum bilið áætlun skólanna um samstarf. Í þessum tímum verður vonandi hægt að fara á gönguskíði.

Takk fyrir okkur Höfrungur!

Fréttir af liðinni viku 6.-10. febrúar

Fri, 10 Feb 2023 15:30:00 GMT

Skólastarfið í Grunnskóla Önundarfjarðar ber ávallt merki fjölbreytni og áskorana. Nálgunin er gjarnan í gegnum verklega vinnu og leik en með þeim hætti skila vísindin sér jafnvel enn betur.

Það sem fyrst og fremst stendur upp úr í vikunni er án efa Hebocon GÖ, sem er eins konar súmóglímu-vélmennakeppni. Á þriðjudaginn tíndu nemendur miðstigs saman allskyns rusl og dót sem talið var henta vel til vélmennagerðar. Allur miðvikudagurinn fór svo í skissugerð, vélmennasmíði og almenna tilraunastarfsemi. Vélmennasmiðjunni lauk svo á fimmtudagsmorguninn með æsispennandi keppni. Allir nemendur stóðu sig með prýði alla vikuna og fengu þau öll viðurkenningarskírteini. Að auki voru veitt verðlaun fyrir frumlegasta vélmennið, það vélmenni sem sigraði á keppnisbraut og loks það vélmenni sem virkaði verst. Öll skrifuðu þau svo skýrslu um vinnuna.

Annað sem stendur uppúr í vikunni er að sólin lét loksins sjá sig en vanalegur dagur fyrir sólarpönnukökur á Flateyri er 25. janúar en nú sáum við hana fyrst 8. febrúar og að sjálfsögðu skellti skólastjórinn sér í að steikja pönnukökur fyrir alla unga sem aldna og naut þar aðstoðar nemanda.

Og svo var jú enn einn hápunkturinn að Celebs buðu okkur öllum að koma á Vagninn og heyra þau spila.

Við tökum með gleði á móti nemendum sem tengjast eyrinni og langar að vera með okkur í skólastarfinu. Þessa vikuna voru hvorki meira né minna en þrír slíkir á miðstiginu og því tímabundin 75% fjölgun þar. Öll tóku þau virkan þátt í öllu sem við erum að fást við í skólanum og tóku án efa skemmtilega reynslu með sér og auðguðu okkar starf sömuleiðis.

Næsta vika verður stutt skólavika en nemendur verða í fríi frá miðvikudegi til föstudags (miðvikudagur er starfsdagur og fimmtudagur og föstudagur eru vetrarfrísdagar).

Þar sem vetrarfríið er í næstu viku verður sú nýbreytni að öskudagurinn verður skóladagur og munum við skipuleggja hann eins og slíkum degi sæmir.

Matseðill 06.02 - 10.02

Mon, 06 Feb 2023 15:02:00 GMT

Mánudagur: Kjúklingabollur, kartöflur, salat

Þriðjudagur: Karrýfiskur, hrísgrjón, salat

Miðvikudagur: Hakk og spaghetti, salat

Fimmtudagur: Mexikósk kjúklingasúpa, brauð

Föstudagur: Fiskibollur, kartöflur, salat

Það verður skóli í dag

Tue, 31 Jan 2023 06:52:00 GMT

Þegar gular viðvaranir eru í gildi hjá Veðurstofu Íslands skulu foreldrar ávallt meta sjálfir hvort óhætt sé að senda barn í skólann. Skólinn er alltaf opinn þó slíkar viðvaranir sé í gildi.

Þegar appelsínugular eða rauðar viðvaranir Veðurstofu Íslands eru í gildi hefur skólastjóri heimild, í samráði við sviðsstjóra, að fella niður skólastarf. Sé það gert er það auglýst á heimasíðu skólans, Facebook síðu skólans, svo og í tölvupósti til foreldra, eigi síðar en kl. 7:00 að morgni þess.

Ekki er talin ástæða til að fella niður skóla vegna veðurs- það verður skóli. Minnum á að koma vel klædd.

Slæm veðurspá-appelsínugul viðvörun

Mon, 30 Jan 2023 17:03:00 GMT

Veðurstofan spáir austan hvassviðri eða stormi 15-23 m/s og hviður sums staðar yfir 35 m/s í vindstrengjum við fjöll. Einnig eru líkur á skafrenningi með takmörkuðu skyggni. Lausir munir gætu fokið og færð gæti spillst. Núna er gulviðvörun að skella á og í fyrramálið er hún appelsínugul.

Upplýsingar um skólahald mun birtast um kl. 7:00 á heimasíðu og facebook síðum skólans.

Minnum á verklagsreglur um skólahald í leik, og grunnskólum vegna óveðurs hér

Rauðurdagur

Thu, 08 Dec 2022 15:18:00 GMT

Föstudaginn 9. desember er RAUÐURDAGUR í skólanum. Allir nemendur koma í einhverju rauðu. Foreldrar, ömmur, afar, frænkur, frændur og öðrum velunnurum er boðið í jóla huggulegheit kl. 11:15.

Nemendur fóru í Tarzan í dag sem er fyrir löngu orðin hefð í aðdraganda jólanna. Eltingaleikurinn gekk stórslysalaust og allir fengu tækifæri til að uppfylla hreyfiþörf sinni ásamt því að fylla á gleði tankinn.

Hlökkum til að sjá ykkur

Stafrænn foreldrafundur

Mon, 21 Nov 2022 13:35:00 GMT

Skólinn vill hvetja alla foreldra og þá sem vinna með börnum til að mæta á fyrirlestur sem lögreglan stendur fyrir í samvinnu við Barnaheill, 112, SAFT, Heimili og skóla, Inhope Ins@fe og Fjölmiðlanefnd.

Fyrirlesturinn verður miðvikudaginn 23. nóvember kl. 12-13 og má nálgast hann hér

Hægt er að skrá sig hér: https://bit.ly/foreldrafundur

Fundurinn er í upptöku og verður aðgengilegur á netinu til áhorfs að honum loknu ef foreldrar geta ekki tekið þátt kl. 12-13!

Fyrirlestur um netöryggi

Mon, 21 Nov 2022 10:47:00 GMT

Skólinn vill hvetja alla foreldra og þá sem vinna með börnum á fyrirlestur sem lögregla stendur fyrir í samvinnu við Barnaheill, 112, SAFT, Heimili og skóla, Inhope Ins@fe og Fjölmiðlanefnd.

Fyrirlesturinn verður miðvikudaginn 23. nóvember kl. 12-13 og má nálgast hann hér

Hægt er að skrá sig hér: https://bit.ly/foreldrafundur

Fundurinn er í upptöku og verður aðgengilegur á netinu til áhorfs að honum loknu ef foreldrar geta ekki tekið þátt kl. 12-13!

Dagur gegn einelti

Tue, 08 Nov 2022 15:34:00 GMT

Ár hvert er 8. nóvember helgaður baráttunni gegn einelti.

Í morgun sátu nemendur og starfsfólk saman "á sal" þar sem horft var á myndbönd og farið var yfir reglur er varða einelti. Einnig ræddum við saman um þætti sem hjálpa okkur til að vera þær manneskjur sem við viljum vera (næring, svefn og hreyfing, ef þessir hlutir eru í lagi þá erum við líklegri til að standa við hlutverk okkar).

Samkv. 2 gr. Barnasáttmálans eiga öll börn rétt á því að líða vel.

Saman gerðu nemendur og starfsfólk sáttmála sem er myndrænn og minnir okkur á að STERK SAMAN náum við að auka gleði og umhyggju í skólanum okkar.

Nemendur tóku heim í dag bækling fyrir foreldra, bæklinginn má einnig finna hér

Minnum líka í tilefni dagsins á eineltisáætlun skólans sem er hér til vinstri-ekki bíða með að hafa samband við skólann ef einhver grunur er um einelti eða vanda í samskiptum.

Skólanesti

Mon, 31 Oct 2022 14:39:00 GMT

Mikilvægt er fyrir nemendur í grunnskólum að borða reglulega svo þau fái orku- og næringarefni jafnt yfir allan daginn og geta þá betur tekist á við verkefni sín. Börn þurfa hlutfallslega meiri orku en fullorðnir þar sem þau eru enn að vaxa og þroskast.

Hér

Upplifum ævintýri saman - símalaus sunnudagur

Fri, 28 Oct 2022 08:18:00 GMT

Á sunnudaginn er dagurinn sem enginn hefur beðið eftir – símalausi dagurinn. Dagurinn er haldinn af Barnaheill og á honum er stungið upp á að bæði börn og fullorðnir eyði deginum með fjölskyldu og vinum, í raunheimi og leggi frá sér símana.

Við hvetjum alla til að taka þátt í þessari vitundarvakningu með með því að setja mörk á skjánotkun bæði hjá þér og þínu barni. Fjölga samverustundum án snjalltækja og nýta æfingar og önnur úrræði til að auka vellíðan. Það eru rannsóknir sem gefa skýrar niðurstöður um fylgni á auknu einelti, kvíða og erfiðri hegðun barna sem eru of mikið í snjalltækjum. Gott að miða við að vera ekki í símanum meira en 2 klst. á dag.

Hér má sjá nánari upplýsingar um hvatninguna og afhverju við ættum að taka áskoruninni og hér má skrá sig til leiks og freista þess að vinna verðlaun og fá sendar hugmyndir um hvað er hægt að gera í stað skjáhorfs.

Hvatningarverðlaun

Thu, 27 Oct 2022 15:49:00 GMT

Það var heldur betur gaman hjá okkur í morgun þegar Jóna Lára tók á móti viðurkenningu fyrir hennar frábæru nálgun á verkefninun Brú milli skólastiga. Við erum afar stolt af þessum hvatningarverðlaunum og óskum Grunnskóla Ísafjarðar sem einnig hlaut viðurkenningu innilega til hamingju.

Hér má lesa nánar um verðlaunin:

https://www.isafjordur.is/is/stjornsysla/frettir-og-utgafa/frettasafn/gi-og-go-fa-hvatningarverdlaun-fyrir-framurskarandi-skolastarf?fbclid=IwAR1CfFycQSFR7gr0G8vZM7lIhqa5D1EAhAg-uHF8YtsspfSh3IMFySsMKMI

Hrekkjavökuball

Wed, 26 Oct 2022 13:53:00 GMT

Hrekkjavökuball verður haldið í skólanum fyrir nemendur í öllum námshópum fimmtudaginn 27. október kl. 17-19. Það kostar 300 kr. fyrir þá sem mæta í búning og 500 kr. fyrir þá sem mæta ekki í búning. Það má koma með sætan drykk og gotterí á ballið.

Hlökkum til að sjá ykkur

Kveðja Nemendaráðið

Tónlist og gleði

Thu, 13 Oct 2022 22:19:00 GMT

Það er heldur betur enn ein frábæra námsvikan að baki í Grunnskóla Önundarfjarðar. Þessi vika var uppfull af tónlist, söng, leik og gleði. Við vorum svo heppin að Þórdís Heiða tónlistarkennari bættist í hópinn með öflugu starfsliði skólans og kenndi nemendum og kennurum söngva og leiki. Allir nemendur fengu stuttan einkatíma þar sem þau lærðu smá á píanó og síðan eina rödd á annaðhvort tréspil, klukkuspil eða eukulele. Síðan var áherslan á að æfa saman og var útkoman ein stór hljómsveit. Uppskeran var sýnd á glæsilegum tónleikum í skólanum í morgun og verða fleiri tónleikar haldnir eftir vetrarfrí fyrir ákveðna hópa.

Fyrsta lag tónleikanna var Gleðisöngurinn eftir Beethoven með texta eftir Braga Valdimar Skúlason. Lagið var bæði útsett fyrir tréspil, klukkuspil og ukulele og einnig sungið við undirleik Þórdísar Heiðu, hljómsveitarstjóra.
Næst fluttum við lagið Che che kule, frá Vestur-Afríku. Lagið er svipað laginu Höfuð, herðar, hné og tær, að því leiti að það eru sambærilegar hreyfingar.
Við enduðum tónleikana svo á laginu Yo howdy.

Þetta tónlistarþema blandaðist við vinnu nemenda með tilfinningar þar sem gleðinni var gert hátt undir höfði. Umræður voru um það hvað veitir gleði og voru skrifaðar sögur og máluð listaverk sem prýða veggi skólans. Einnig var skapaður gleðistaður í Minecraft.
Til að halda í tónlistarþema vikunnar voru gerðar skemmtilegar munnhörpur.

Við erum alveg í skýjunum með vikuna og þökkum Heiða kærlega fyrir. Krakkarnir stóðu sig frábærlega, bæði að læra öll lögin og einnig að flytja tónlistina. Þau voru öll bæði áhugasöm og dugleg. Virkilega efnilegt tónlistarfólk og svo frábært að allt þetta átti sér stað aðeins á þremur dögum. Mikill áhugi vaknaði á áframhaldandi tónlistarnámi.

Auk þess að hafa Heiðu hjá okkur voru einnig þrír gestanemendur sem hlupu þar með í skarðið fyrir þrjá nemendur sem eru í fríi.

Foreldrar hafa fengið send myndbönd af uppskeruhátíðinni og myndir frá vikunni á myndasíðu skólans.

Nú eru nemendur komnir í frí frá skóla fram á miðvikudag í næstu viku og eiga vonandi gleðiríka daga framundan.

Bleikur dagur

Thu, 13 Oct 2022 14:04:00 GMT

Við héldum upp á "bleika daginn" í dag, fimmtudaginn 13. okt. þar sem nemendur verða farnir í vetrarfrí á morgun, föstudag, þegar hann verður haldinn hátíðlegur á landsvísu.

Nemendaráðið var búið að skipuleggja metnaðarfulla dagskrá og skreytingar og var ýmislegt gert í tilefni dagsins. Hér koma nokkur stikkorð: Andlitsmálun, bakstur, blöðrur og skreytingar, bleikar kökur, bleikur fáni, bleikir tússlitir.........en annars segja myndirnar þetta allt miklu betur ;-) Að loknum skemmtilegum bleikum degi héldu nemendur út í langa helgi og vetrarfrí. Sjáumst aftur hress og kát á miðvikudaginn 19. október.

Bestu kveðjur, starfsfólk G.Þ.

Starfsdagur og vetrarfrí

Thu, 13 Oct 2022 08:34:00 GMT

Föstudaginn 14. október er starfsdagur, nemendur mæta ekki í skólann þann daginn. Starfsfólk skólans fer í Grunnskólann á Suðureyri og vinnur þar ásamt Grunnskóla Önundarfjarðar. Eftir helgi er vetrarfrí og allir í leyfi á mánudaginn og þriðjudaginn.

Eigið góða langa helgi

kveðja starfsfólk G.Þ.

Viðburður á morgun

Wed, 12 Oct 2022 13:14:00 GMT

Heil og sæl

Við vorum svo heppin að fá til okkar tónlistarkennarann Heiðu sem hefur verið að kenna krökkunum ýmislegt um tónlist og er útkoman flott hljómsveit. Á morgun fimmtudaginn 13. október munum við halda lokaviðburðinn okkar í þessu tónlistarþema og langar að bjóða þeim sem hafa tök á að kíkja á okkur í heimsókn klukkan 10:30, viðburðurinn tekur aðeins 15 mínútur. Við skiljum að það komast ekki allir foreldrar, eða aðrir nánir og munum fara vel yfir það með nemendum en einnig munum við taka viðburðinn upp svo fjölskyldan geti horft heima.

Velkomin í tónlistarstofuna okkar kl 10:30.

Bestu kveðjur

Sunna

Matseðill fram að fríi

Thu, 06 Oct 2022 11:27:00 GMT

Fimmtudagur 6. okt. Fiskur í mexíkó osta sósu, hrísgrjón og salat

Föstudagur 7. okt. Kjötsúpa

Mánudagur 10. okt. Steiktur fiskur, kartöflur, lauksmjör og salat

Þriðjudagur 11. okt. Soðnar kjötbollur, kartöflur og kál.

Miðvikudagur 12. okt. Pylsupasta, brauð og salat.

Fimmtudagur 13. okt. Plokkfiskur, rúgbrauð og salat.

Föstudgur 14. okt er starfsdagur og mánudagur og þriðjudagur 17. og 18. október eru vetrarfrís dagar.

Göngum í skólann lýkur formlega í dag

Wed, 05 Oct 2022 08:26:00 GMT

Í dag 5. október, er alþjóðlegi Göngum í skólann dagurinn og með honum lýkur átakinu sem við störtuðum 7. september.

Við þökkum nemendum kærlega fyrir þátttökuna og sérstaklega þeim tóku þetta alvarlega og notuðu virkan ferðamáta alla dagana.

Skólinn minnir á markmið verkefnisins sem er m.a. að hvetja til aukinnar hreyfingar með því að auka færni barna til að ganga á öruggan hátt í skólann og um leið fræða þau um ávinning reglulegrar hreyfingar.
Skólinn hvetur einnig alla (nemendur og starfsfólk) til að tileinka sér virkan ferðamáta allt árið um kring.

Minnum á að nemendur eiga samkvæmt umferðarreglum að nota hjálm þegar þau eru á hjólum.

Ólympuhlaup G.Þ.

Fri, 30 Sep 2022 11:53:00 GMT

Nemendur G.Þ. og elstu börnin á Laufási tóku þátt í Ólympíuhlaupi ÍSÍ, föstudaginn 23. september sl. í blíðskaparveðri. Nemendur gátu valið á milli þriggja vegalengda í hlaupinu, þ.e. 2,5 km, 5 km eða 10 km og völdu margir 10 km. Hlaupið gekk vel og nemendur og starfsmenn stoltir og ánægðir með daginn.

Nemendur, kennarar og foreldrar sprettu aldeilis úr spori og hlupu samtals 270 km og höfðu gaman af hreyfingunni og útiverunni. Af þessum 270 km hlupu nemendur 250 km. Vel gert! Eftir hlaupin fengu allir banana og fóru svo í sund.

Með hlaupinu er eins og áður leitast við að hvetja nemendur skólanna til þess að hreyfa sig reglulega og stuðla þannig að betri heilsu og vellíðan.

Myndir frá hlaupinu má sjá hér til hliðar (Dísa Sóley á heiðurinn af þessum flottu myndum).

Þemavika hafin

Mon, 26 Sep 2022 09:26:00 GMT

Í þessari viku eru þemadagar hjá okkur og er þemað að þessu sinni umhverfið

Vikan hófst með því að nemendur og kennarar lögðu af stað í gönguferð í skóginn við Hvilft snemma í morgun. Tilgangurinn er að læra um tré og laufblöð, gera nokkrar tilraunir og setja niður skordýrafellur. Meðferðis voru ýmis kennslugögn og nesti. Það var frekar kalt í lofti miðað við það sem hefru verið og nemedur klæddir eftri því.

Á morgun þriðjudag er stefnt að því að fara út að veiða. Þau sem eiga veiðistangir og björgunarvesti koma með, skólinn græjar fyrir þau sem ekki eiga.

Á miðvikudaginn verður svo farið aftur í skóginn og þá verður vitjað um skordýrin/smádýrin sem veiðast.

Á fimmtudaginn verðum við í skólanum og vinnum úr því efni sem við höfum safnað yfir vikuna.

Á föstudaginn endum við svo vikuna með náttfatapopppartýi. Öll mæta þá í náttfötum og við höldum afmælisveislu fyrir öll þau sem áttu afmæli í sumar og september.

Fréttir frá vikunni 19-23. sept

Mon, 26 Sep 2022 08:40:00 GMT

Fréttir af starfsfólki:

Í síðustu viku hóf nýr starfsmaður störf hjá okkur, Viktor Páll og leysir þau verkefni sem átti eftir að manna. Viktor verður starfsmaður dægradvalar en það er langt síðan við höfum haft eins stóran hóp i dægradvöl eins og nú er eða 10 börn. Auk þess að vera með dægradvölina verður Viktor með smíðakennslu, heimilisfræði og íþróttir.

Jóna Lára kennir sundið ásamt því að vera með umsjón yfir yngri hópnum og kenna þeim eldri dönsku og vera með útieldhús fyrir báða hópa.

Mekkín er með umsjón yfir eldri hópnum og kennir báðum hópum tónmennt.

Sunna kemur inn í íslenskutíma í báðum hópum auk þess sem hún sér um jóga, hugleiðslu og slökun.

Agata er skólaliði og sér um að halda öllu hreinu og snyrtilegu auk þess sem hún fer út með nemendum í frímínútum og í mat í hádeginu.

Og þetta er að segja af náminu:

Í lestrinum hefur mínútlestri verið bætt við til viðbótar við yndislestur og eru nemendur iðnir og keppast við að bæta eigin árangur. Þau á miðstiginu eru einnig að rifja upp orðflokkana. Í dönsku og ensku hefur áherslan verið á lestur, lesskining, orðaforða og orðflokka. Leikurinn Wordle /orðla hefur vakið mikla lukku í enskutímum.

Hjá þeim yngri er einnig yndislestrarstund hvern dag og í íslenskutímum unnið með lestur, lesskilning, orðaforð og ritun.

Í stærðfræðinni vinna þau yngstu með tölur, talningu og talnaskilning á fjölbreyttan og hlutbundinn hátt og þau eldri hafa verið að æfa sig í margföldum, spilað ýmsa stærðfræðileiki og öll vinna þau einnig í Minecraft education.

Haustþemað er vinna með umhverfið og í þessari viku voru teknar upp kartöflur og gerðir kartöfluklattar og vallhumals- og myntute í útieldhúsinu. Einn nemandi kom með sveppi (gorkúlur) til okkar í skólann sem voru steiktir í olíu og smjöri og smökkuðust einsog popp.

Yngri nemendurnir eru að gera umhverfisbók. Plöntur og laufblöð sem þau fundu við skólann eru komin í pressun. Þetta verður svo límt inní bók sem þau búa til. Markmiðið er að allir búi til sína eigin bók með jurtum, þörungum og smádýrum úr umhverfinu sínu.

Þau eldri eru að læra um fjöruna og halda dagbók til að fylgjast með sjávarföllunum og útliti fjörunnar. Í samfélagsfræði eru þau að læra um Evrópu. Á fimmtudaginn unnu þau í uppbyggingarstefnunni og fóru yfir það saman hvað gerir góðan skóla og góðan bekk. Auk þess skilgreindum þau hlutverk nemenda og hlutverk kennara.

Á þriðjudaginn gerðu eldri nemendur teikningastækkara (e.pantograph), sem er tól sem hægt er að nota til afrita og skala myndir.

Á fimmtudaginn fóru allir nemendur í skutlukeppni og rauf sú langdrægasta 10 metra múrinn.

Þetta er brot af því sem fengist er við í Grunnskóla Önundarfjarðar og gefur ykkur vonandi innsýn í það fjölbreytta og skapandi starf sem hér er unnið með það að markmiði að rækta hæfileika einstaklingsins og gera nemendur jafnt góða sem fróða.

Sýn Grunnskóla Önundarfjarðar er að allir hafa hið góða í sér og möguleikann til að verða betri manneskjur.

Matseðil vikuna 25.-30. september

Mon, 26 Sep 2022 08:08:00 GMT

Mánudagur: Papriku fiskur með hrísgjónum og salati

Þriðjudagur: Grænmetisbuff með hrísgrjónum, kaldri sósu og salati

Miðvikudagur: Hakkbuff með kartöflum, sósu og salati

Fimmtudagur: Fiskur hjúpaður fjölkornum, kartöflur og salat

Föstudagur: Skyr, brauð og álegg

Skólahlaupið-Ólympíuhlaupið

Wed, 21 Sep 2022 10:37:00 GMT

Skólahlaupið verður haldið í G.Þ. föstudaginn 23. september. Ræst verður í hlaupið kl. 10:15 (mæting kl. 9:55).

Börnin á Laufási taka þátt í hlaupinu og öllum foreldrum og forráðamönnum ásamt velunnurum skólans er velkomið að hlaupa með okkur líka. Eftir hlaupið verður farið í sund.

Skóladegi lýkur hjá öllum námshópum eftir hádegismat vegna UTÍS ráðstefnu sem kennarar eru að sækja kl. 13.

Skólaferðalag til Danmerkur

Wed, 14 Sep 2022 08:28:00 GMT

Í lok ágúst fóru nemendur í 7.-10. bekk í skólaferðalag til Danmerkur. Nánar tiltekið til Langeland í skóla sem heitir Kassebølle. Þar hittu nemendur og kennarar nemendur og kennara frá Danmörk og Eistlandi sem heimsóttu Grunnskólann á Þingeyri í lok apríl á þessu ári. Sonja og Borgný fóru fyrir hópnum.

Nemendur tóku m.a. þátt í morgunsöng alla morgna í Kassebølle, gistu á dönskum heimilum, heimsóttu víkingasöfn (þema verkefnisins voru víkingar og handverk), tóku ferju til eyjarinnar Strynø, gengu um gamlan ekta danskan bæ sem heitir Rødkobing. Einnig var haldið fyrir nemendur skemmtilegt partý (en stóra diskóið sem haldið var hér á Þingeyri var kveikjan að því-þau héldu að við hefðum sett það upp bara fyrir þau). Það var líka mjög gaman að læra leik sem bar heitið "Húkka síld á Íslandi".

Flestir nemendur hafa lært að vera þakklát fyrir það sem þau hafa, aukið viðsýni, notið tækifæranna til að kynnast ólíkum menningarheimum og ferðast með vinum sínum. Einnig kom dönsku kunnátta eða hæfni nemenda til að skilja og tala þeim sjálfum á óvart.

Við viljum þakka öllum sem hafa komið að því að aðstoða okkur við að láta þetta verkefni verða að veruleika kærlega fyrir alla aðstoðina. Það tekur heilt þorp að ala upp barn. Nemendur og kennarar eru spenntir að fara til Eistlands núna í lok september nánar tiltekið til Tallin.

Skólabyrjun haustið 2022

Mon, 12 Sep 2022 22:05:00 GMT

Nú þegar þrjár vikur eru senn liðnar af skólastarfi þessa haust er heldur betur tímabært að segja ykkur fréttir. Eins og mörgum er kunnugt urðum við að fresta skólabyrjun vegna covid veikinda starfsfólks en tókst þó sem betur fer að hefja það í sömu viku og áætlað hafði verið þó það væri á fimmtudegi í stað mánudags.
Það voru heldur betur glaðir krakkar sem mættu til starfa þann fimmtudaginn og öll tilbúin í starf vetrarins.

Það varð heilmikil fjölgun á nemendum milli ára en nú hófu 13 nemendur nám við skólann en þeir voru aðeins 6 síðasta skólaár. Það er því yfir 100% fjölgun nemenda við skólann sem líklegast er metfjölgun.

Á fyrstu vikunum erum við búin að gera ýmislegt. Huga að námsumhverfinu með gerð sáttmála. Afmælisdagatal er komið upp á vegg sem auðveldar okkur að muna þann stóra dag sem afmælisdagur er sérhvejum einstaklingi. Það er búið að hafa árlega göngudaginn. Yngri nemendurnir fóru út í skóg og vörðu góðum tíma þar. Eldri nemendurnir hjóluðu áleiðis að Kálfeyri og gengu svo niður á eyrina og skoðuðu þau ummreki sem þar eru um verstöðina. Allt hefðbundið nám er komið vel i gang.

Nemendur yngra stigsins eru níu talsins þennan veturinn. Umsjónarkennari þeirra er Jóna Lára. Fjóri nemendur eru á miðstiginu og er Mekkín sem kom ný til starfa í haust þeirra umsjónarkennari. Agata hóf störf hjá okkur sem skólaliði 1. september. Senn líður að því að við getum opnað dægradvölina en Viktor Páll hefur tekið að sér að sjá um hana ásamt nokkrum kennslustundum.

Skóladagurinn hefst hjá okkur kl. 8:10 á morgnana með yndislestri. Allir nemendur borða saman hafragraut áður en farið er út í fyrstu frímínútur dagsins. Foreldrafélagið tók vel í að styrkja það verkefni að gefa börnunum hafragrautinn en fátt getur talist hollara hvort sem horft er til næringarinnar eða samverunnar.

Íþróttir hafa farið fram utanhúss enn sem komið er en það er almennt reglan að hafa útiíþróttir í ágúst og september.

Með þessari upprifjun á skólabyrjun fylgja myndir sem segja meira en mörg orð um fjölbreytt skólastarf.

Göngum í skólann 2022

Wed, 07 Sep 2022 14:40:00 GMT

Í dag byrjaði átakið Göngum í skólann sem stendur til og með 5. október. Eins og undanfarin ár viljum við hvetja alla til að ganga í og úr skólanum. Það má hjóla og nota hlaupahjól. Nemendur í skólaakstri fara fyrr út og ganga líka í skólann í samvinnu við skólabílsstjóra.

Grunnskólinn á Þingeyri skólaárið 2022-2023

Fri, 19 Aug 2022 15:09:00 GMT

Skólasetning 2022-2023 verður í formi viðtala. Foreldrar/forráðamenn mæta með sínu barni í viðtal hjá umsjónarkennara. Viðtalstímar hafa verið sendir út í tölvupósti í gegnum Mentor.

Nemendur skólans verða 38 talsins, kennt verður í 3 námshópum (yngsta stig, miðstig og elsta stig, sjá umsjónarkennara í frétt hér fyrir neðan). Bjóðum sérstaklega velkomna í skólann 7 nemendur sem eru að fara hefja nám í 1. bekk.

Leyre mun áfram sjá um íþróttakennslu. Ásrós Helga hefur verið ráðin í kennslu í mynd,-og handmennt. Lilja Lalíla hefur verið ráðin sem skólaliði/húsvörður í stað Nonna. Sigmundur mun sinna skólaakstri og munu þeir nemendur sem nýta hann fá skipulag aksturs í viðtölum.

Leiðbeiningar um innskráningu í Mentor má finna hér

Skóli hefst svo samkvæmt stundaskrá þriðjudaginn 23. ágúst.

Með ósk um farsælt skólastarf

Starfsfólk G.Þ.

Skólasetning 2022-23

Wed, 10 Aug 2022 10:17:00 GMT

Grunnskólinn á Þingeyri veriður settur mánudaginn 22. ágúst. Nánir upplýsingar verða sendar þegar nær dregur um fyrirkomulag og umsjónarkennarar senda póst svo að hægt sé að bóka viðtalstíma þegar þeir mæta til vinnu eftir sumarfrí.

Síðasta skólaár voru fjórir námshópar en þeim fækkar aftur í þrjá í vetur:

Kristín Björk verður umsjónarkennari nemenda í 1.-4. bekk

(14 nemendur)

Sonja Elín verður umsjónarkennari nemenda í 5.-7. bekk

(12 nemendur)

Eydís Rún verður umsjónarkennari nemenda í 8.-10. bekk

(12 nemendur)

Skóladagatal má finna hér

Skólaslit

Tue, 31 May 2022 14:32:00 GMT

Skólaslit

Grunnskóla Önundarfjarðar 2022

fara fram í sal skólans

miðvikudaginn 1. júní kl. 18:00.

Nemendur tónlsitarskóla flytja nokkur lög.

Ræða og afhending vitnisburðar.

Kaffiveitingar.

Opni dagurinn gekk frábærlega

Fri, 20 May 2022 14:41:00 GMT

Við vorum heppnari með veður en við höfðum þorað að vona og fengum marga góða gesti á opna daginn okkar. Myndirnar hér tala sínu máli og sýna þátttöku gestanna í að setja niður útsæði, smíða kofa, mála útilistaverk, taka þátt í leikjum og njóta veitinga.

Takk öll sem sáuð ykkur fært að taka þátt. Samfélagið er okkur afar mikilvægt.

Opinn dagur fimmtudaginn 19. maí.

Tue, 17 May 2022 16:56:00 GMT

Heil og sæl

Opinn dagur, samvinna leik og grunnskóla fimmtudaginn 19. maí 2022.

Nú erum við búin að ákveða dagskrá opna dagsins og ætlum ekki að láta riginingarspá hafa áhrif á þá ákvörðun. Munið bara, bæði börn og fullorðnir, að koma klædd eftir því veðri sem verður þegar að þessu kemur.

Við byrjum kl 8:15 og verðum til kl. 10:00

Farið verður í ýmsa skemmtilega leiki sem reyna meðal annars á samvinnu þátttakenda.

Síðan fá gestir og leikskólanemendur að taka þátt í starfi grunnskólanemenda:

- Kofasmíði, endilega neglið nokkrar spýtur með okkur.

- Gróðurkassar, endilega hjálpið okkur að koma útsæðinu niður.

- Lestrarátak, hér þurfið þið að taka þátt með því að setja ykkur einstaklingsmiðað markmið í lestri rétt eins og við gerðum og mála síðan eina hellu fyrir hvert skipti sem þið náið markmiði (t.d. markmið 100 bls lesnar fyrir hverja málaða hellu- þá eru 300 blaðsíður 3 hellur ).

- Skólahúsið verður einnig opið ef gesti langar að skoða húsnæði og verk nemenda.

Eftir að leikjum lýkur og á meðan hin verkefnin eru í gangi verður boðið upp á eitthvert góðgæti af eldstæðinu.

Við hlökkum mikið til að sjá sem flesta foreldra og aðra velunnara skólans líta við og fylgjast með skapandi, skemmtilegu og vonandi árangursríku skólastarfi Grunnskóla Önundarfjarðar.

Árshátíð lokið - páskafrí hafið

Mon, 11 Apr 2022 11:45:00 GMT

Síðasta námsvikan fyrir páskafrí var árshátíðarvika hjá okkur. Við byrjuðum á því að halda nemendafund vikuna áður og ákveða hvað ætti að sýna á árshátíðinni. Nemendur komu með margar frábærar hugmyndir og urðu þær flestar að veruleika. Við þessa undirbúningsvinnu minntum við nemendur á lýðræði sem er einn af grunnþáttum menntunar og mikilvægi þess að raddir þeirra fái að heyrast við hinar ýmsu ákvarðanir sem teknar eru.

Síðan var ráðist í að semja það sem þurfti að semja, gera leikmynd og leikmuni, klára upptökur og klippa til myndbönd, æfa og fara í endurhönnun á gömlum fatnaði. Í fjóra daga var vinnan algjörlega helguð því að undirbúa sýningu sem við yrðum stolt af. Við vorum boðin á árshátíð nemenda á Þingeyri og endurgultum þeim þá heimsókn með því að bjóða miðstigi frá þeim að koma á sýninguna okkar og hið árlega Sílaball sem haldið var í beinu framhaldi. Einnig buðum við miðstiginu á Suðureyri að koma. Þátttaka frá þessum tveimur skólum var mjög góð og ballið heppnaðist frábærlega. Við höfum lengi haft það að markmiði að auka sem mest samstarf milli fámennu skólanna á norðanverðum Vestfjörðum sem aðeins hefur farið dalandi síðust ár (vegna covid) og var þessi ákvörðun okkar einn liður í að gera það að veruleika. Samvinnan milli skólanna var meiri en svo að við fengjum gesti því við sömdum einnig við einn kennaranna um að sjá um undirleik á gítar fyrir okkur. Elstu börnin af leikskólanum Grænagarði tóku einnig þátt í sýningunni en þau opnuðu hátíðina með söng.

Það er langt síðan svo margir gestir hafa verið samankomnir í sal Grunnskóla Önundarfjarðar en okkur taldist til að um 80 manns hafi verið í húsinu.

Við vorum öll virkilega stolt af árshátíðinni okkar sem fékk yfirskriftina ,,6 er oddatala” eftir lýðræðsilega komsningu. Nemendur fóru út fyrir þægindarammann, vissu að starfsmenn hefðu væntingar til þeirra, höfðu sjálfir væntingar til sín og vildu standa sig. Og öll stóðu þau sig með þvílíkum sóma. Ekki má gleyma að minnast á hið margrómaða hlaðborð foreldrafélagsins sem boðið var upp á í hléi, þar svignuðu borð undan kræsingum. Þegar kom að frágangi daginn eftir var ekki minni kraftur í nemendum en í undirbúnignum og gengið frá öllu áður en haldið var í páskafrí.

Nokkrar myndir fylgja hér með en myndböndin fara inn á google myndasíðu sem foreldrar hafa aðgang að.

Árshátíð framundan

Wed, 06 Apr 2022 21:29:00 GMT

Árshátíð Grunnskóla Önundarfjarðar

,,6 er oddatala”

Verður haldin í sal grunnskólans fimmtudaginn 7. apríl kl 19:00

Í hléi verður boðið upp á hið margrómaða hlaðborð Forledrafélags Önundarfjarðar.

Verð á veitingum 1500 kr fyrir fullorðna (þá sem komnir eru af grunnskólaaldri) og 500 kr fyrir börn 6 -16 ára. (Frítt fyrir nemendur Leikskólans Grænagarðs og Grunnskóla Önundarfjarðar).

Dagskrá:

Elstu nemendur Leikskólans Grænagarðs syngja fyrir gesti í upphafi samkomu.

Nemendur Grunnskóla Önundarfjarðar sýna fjölbreytt atriði sem varpa ljósi á það skapandi starf sem fram fer í skólanum. Söngur, leiklist, textagerð, framsögn, kvikmyndagerð og hönnun svo eitthvað sé nefnt.

Eftir sýninguna verður hið árlega Sílaball haldið frá kl. 20:00- 22:00. Nemendur yngra stigsins fara heim kl. 21:00 en miðstigið (Hið unga, unglingastig) fær að halda áfram til kl. 22:00. Miðstigsnemendur frá Suðureyri og Þingeyri koma og skemmta sér með okkur auk þess sem Flateyrirngar á grunnskólaaldri heiðra okkur vonandi líka með þátttöku.

Allir velunnarar skólans hjartanlega velkomnir.

(Og svo er tilvalið að halda áfram eftir árshátíð G.Ö og fara á paellukvöld Lýðskólans á Vagninum).

Kílómeter á dag kemur öllu í lag

Thu, 17 Mar 2022 15:45:00 GMT

Eitt af því sem eflir heilsu, seiglu og þrautseigju nemenda í Grunnskóla Önundarfjarðar eru daglegar gönguferðir í mötuneytið sem staðsett er í Gunnukaffi. Nemendur hafa mælt vegalengdina milli skóla og mötuneytis sem er um 500 metrar og því ljóst að nemendur ganga ekki styttra er einn kílómeter hvern skóladag. Vegna covid hafa komið tímabil sem við höfum ekki farið í mötuneytið heldur borðað í grunnskólanum en nú er vonandi síðasta slíku tímabili lokið. Á meðfylgjandi myndum má sjá ánægjuna skína úr hverju andliti í gönguferðum dagsins enda allir vel búnir og yfir hverju ætti þá að kvarta? Yngri nemendurnir fóru meira að segja í tvær gönguferðir í dag þar sem það var samvinnudagur leik og grunnskóla og þótti betra að fylgja leiksólastjórnanum og hennar nemendum í öruggt skjól að samvinnu lokinni.

Jól í skókassa

Thu, 04 Nov 2021 16:50:00 GMT

Hið árlega verkefni 7. bekkjar ,,Jól í skókassa" er yfirstaðið. Nemendur fóru með rúmlega 40 kassa í kirkjuna á fimmtudaginn og það var gaman að sjá hversu mikil gleði var á meðal þeirra og hversu stolt þau voru að gefa svona af sér. Þessar jólagjafir munu gleðja börn í Úkraínu eins og undanfarin ár.

Jól í skókassa

Thu, 04 Nov 2021 16:50:00 GMT

Eins og undanfarin ár þá mun 7. bekkur taka þátt í verkefninu Jól í skókassa. Í næstu viku verður farið með kassana í kirkjuna.

Hvað er „Jól í skókassa“?

„Jól í skókassa“ er alþjóðlegt verkefni sem felst í því að fá börn jafnt sem fullorðna til þess að gleðja önnur börn sem lifa við fátækt, sjúkdóma og erfiðleika með því að gefa þeim jólagjafir. Með slíkum gjöfum er þeim sýndur kærleikur Guðs í verki. Gjafirnar eru settar í skókassa og til þess að tryggja að öll börnin fái svipaða jólagjöf er mælst til þess að ákveðnir hlutir séu í hverjum kassa.
Fyrir jólin 2004 ákvað hópur ungs fólks innan KFUM & KFUK að láta reyna á verkefnið hér á landi. Undirtektirnar voru frábærar og söfnuðust rúmlega 500 kassar það árið. Verkefnið hélt svo áfram að spyrjast út og árið 2005 urðu skókassarnir 2600. Sú tala hefur síðan tvöfaldast því undanfarin ár hafa borist í kringum 5000 gjafir.

Hvert fara skókassarnir?

Skókassarnir verða sendir til Úkraínu. Í Úkraínu búa um 46 milljónir manna. Atvinnuleysi er þar mikið og ástandið víða bágborið. Á því svæði þar sem jólagjöfunum verður dreift ríkir mikil örbirgð. Íslensku skókössunum verður meðal annars dreift á munaðarleysingjaheimili, barnaspítala og til barna einstæðra mæðra sem búa við sára fátækt. Aðalskipuleggjandi dreifingarinnar í Úkraínu er faðir Evheniy Zhabkovskiy sem komið hefur hingað til lands í heimsókn og m.a. kynnt sér starf KFUM og KFUK hér á landi. Hann starfar með KFUM í Úkraínu og er sjálfboðaliðum KFUM og KFUK innan handar þegar þau hafa farið til Úkraínu með gjafirnar.

Hvernig á að ganga frá skókassanum?

Bleikur dagur

Wed, 09 Oct 2019 12:50:00 GMT

Á miðvikudaginn er bleikur dagur og hvetjum við alla til að mæta í einhverju bleiku.

Þorgrímur Þráinsson í heimsókn

Tue, 13 Sep 2016 18:59:00 GMT

Í dag kom Þorgrímur Þráinsson, rithöfundur með meiru, í heimsókn til okkar. Hann hélt fyrirlestur sem ber nafnið Verum ástfangin af lífinu fyrir 10. bekk, hvatningarfyrirlestur, þar sem hann brýnir fyrir nemendum að bera ábyrgð á sjálfum sér, sýna samkennd, þrautsegju, koma fallega fram, gera góðverk, sinna litlu hlutunum daglega og setja sér markmið.

Þá bauð hann nemendum á miðstigi upp á fyrirlesturinn Tendrum ljós fyrir lestri. Þar kynnti hann bækurnar sínar, hvatti nemendur til að nýta bókasafnið sem mest og lesa meira til að öðlast ríkari orðaforða og meira sjálfstraust.

Við hvetjum foreldra til að taka samtalið heima um fyrirlestrana og mögulega eru til einhverjar bækur á heimilum nemenda eftir Þorgrím.

Alþjóðadagur kennara

Mon, 05 Oct 2015 13:52:00 GMT

Kennaradagurinn er haldinn hátíðlegur um víða veröld 5. október ár hvert. Hérna í skólanum var boðið upp á vöfflur fyrir alla starfsmenn og fóru allir mjög glaðir inn í helgina.

„Tökum höndum saman á Alþjóðadegi kennara og hvetjum stjórnvöld allra landa til að meta rödd kennara, fjárfesta í kennurum og vandaðri opinberri menntun. Metum raddir kennara að verðleikum og stefnum á nýjan samfélagssáttmála um menntun.“

Svo hljóða skilaboð frá Alþjóðasamtökum kennara (Education International), Barnahjálp Sameinuðu þjóðanna (UNICEF), Menningarmálastofnun Sameinuðu þjóðanna (UNESCO, og Alþjóðavinnumálastofnuninni (ILO).

Þema dagsins undirstrikar, að mati samtakanna, hve brýnt það er að eiga samtal við kennara um hvernig best sé að takast á við þær áskoranir sem blasa við, en síðast en ekki síst, sé mikilvægt að viðurkenna og um leið njóta góðs af sérfræðiþekkingu kennara og framlagi þeirra til menntunar.

Að síðustu er hvatt til þess að kennarar um allan heim taki sig saman og skori á stjórnvöld og samfélagið að eiga samtal um kennarastarfið.

Hvers vegna kennaradagur?

Stofnað var til Alþjóðadags kennara að frumkvæði UNESCO og Alþjóðasamtaka kennara (Education International) árið 1994. Markmiðið með deginum hefur ávallt verið að vekja athygli á því mikilvæga starfi sem kennarar gegna í heiminum – en líka að efla samtakamátt kennara og huga að hvernig menntun barna verður best háttað í framtíðinni.

Heimsókn í Orkubú Vestfjarða

Thu, 28 May 2015 22:44:00 GMT

Í morgun heimsóttu nemendur 7.bekkjar Orkubú Vestfjarða, þar sem nemendur eru að læra um orku, virkjanir og fleira. Birgir Örn Birgisson, svæðisstjóri tók á móti þeim að vanda og fengu krakkarnir að fara um alla stöðina í Mjósundi og fræðast um ýmsa þætti starfseminnar. Krakkarnir voru áhugasamir og spurðu margra spurninga og eru eflaust margs vísari eftir heimsóknina. Hópurinn vill þakka OV kærlega fyrir góðar móttökur

Skólasetning

Thu, 09 Aug 2012 15:11:00 GMT

Skólasetning G.Í. verður fimmtudaginn 22. ágúst á sal skólans og mæta nemendur sem hér segir:

Kl. 09:00 2. - 4. bekkur

Kl. 9.30 5. - 7. bekkur

Kl. 10.00 8. - 10. bekkur

Nemendur í 1. bekk verða boðaðir sérstaklega ásamt foreldrum í viðtöl til umsjónarkennara. Kennsla hefst samkvæmt stundaskrá föstudaginn 23. ágúst hjá öllum nemendum.

Við vekjum athygli á því fyrir nýja bæjarbúa og þá sem eru að skrá börn sín í fyrsta skipti í grunnskóla, að Ísafjarðarbær útvegar grunnskólanemendum sínum ritföng og námsgögn endurgjaldslaust.

Við hlökkum til komandi skólaárs, samstarfsins við nemendur, foreldra og aðra í skólasamfélaginu.

Gulur dagur

Mon, 26 Mar 2012 19:46:00 GMT

Gulur september er samvinnuverkefni stofnana og félagasamtaka sem vinna saman að geðrækt og sjálfsvígsforvörnum. Það er von undirbúningshópsins að gulur september, auki meðvitund fólks um mikilvægi geðræktar og sjálfsvígsforvarna, sé til merkis um kærleika, aðgát og umhyggju.

10. september er gulur dagur og ætlum við hérna í skólanum að klæðast gulu á morgun og hvetjum alla til að gera slíkt hið sama.

#gulurseptember

Dagur íslenskrar tungu

Wed, 16 Nov 2011 12:48:00 GMT

Dagur íslenskrar tungu er haldinn hátíðlegur á Íslandi á hverju ári þann 16. nóvember. Dagsetningin er valin til að minnast fæðingardags íslenska skáldsins Jónasar Hallgrímssonar, sem er eitt af þekktustu skáldum íslenskrar bókmenntasögu og mikilvægur persónuleiki í þróun íslenskrar tungu. Markmið dagsins er að vekja athygli á íslenskri tungu og menningu, stuðla að varðveislu hennar og efla notkun íslensks máls í samfélaginu.

Nemendur í 1. bekk hafa verið að vinna allskonar verkefni í vikunni nú sem endranær og hérna má sjá eitt þeirra.